13-04-2024, 13:06
Qazaxıstan sülh müqaviləsinin imzalanmasında maraqlıdır - Tokayev
Qazaxıstan Ermənistanla Azərbaycan arasında problemə biganə qalmır və iki dövlət arasında sülh sazişinin tezliklə imzalanmasında maraqlıdır.
Bunu Qazaxıstan Prezidenti Kasım-Jomart Tokayev İrəvana səfəri ərəfəsində “Armenpress”ə müsahibəsində deyib.
O bildirib ki, İrəvanla Bakı arasında möhkəm və uzunmüddətli sülhün bərqərar olması Qazaxıstanın maraqlarına cavab verir.
"Qazaxıstan sülhməramlı təşəbbüslərin təşəbbüskarı və dəstəkçisi kimi regionumuzun dinc və sabit inkişafına yönəlmiş istənilən səyləri dəstəkləməyə hazırdır", - deyə saytda dərc olunan xəbərdə vurğulanıb.
Xatırladaq ki, aprelin 15-də Qazaxıstan Prezidenti Kasım-Jomart Tokayev Ermənistana səfər edəcək.
Səfər zamanı onun Ermənistanın baş naziri Nikol Paşinyan və prezident Vaaqn Xaçaturyanla görüşü nəzərdə tutulub.
12-04-2024, 20:18
Ermənistan ordusunun 4 hərbçisi öldü
Ermənistanda hərbçilərin düşdüyü qəzada yaralananların sayı açıqlanıb.
Xəstəxanadan bildirilib ki, hadisə nəticəsində 20 nəfər yaralı var.
Qeyd edək ki, avtomobil qəzasında 4 nəfər dünyasını dəyişib.
12-04-2024, 18:00
Ərdoğan fələstinli həmkarıyla telefon danışığı apardı
Türkiyə Prezidenti Rəcəb Tayyib Ərdoğan fələstinli həmkarı Mahmud Abbasla telefon danışığı aparıb.
Bu barədə Türkiyə Prezident Administrasiyası məlumat yayıb.
Ərdoğan telefon danışığı zamanı BMT Təhlükəsizlik Şurasının qərarı da daxil olmaqla, atəşkəs üçün bütün vasitələri səfərbər etməli olduqlarını bildirib.
“Biz İsrailə qarşı möhkəm və birlik içində mübarizə aparmalıyıq”, - o deyib.
12-04-2024, 17:38
Moldova Avropada Adi Silahlı Qüvvələr haqqında Müqavilədən çıxır
Moldova parlamenti ölkənin Avropada Adi Silahlı Qüvvələr haqqında Müqavilədə iştirakının dayandırılması haqqında qanunu qəbul edib.
Görüş Moldova Parlamentinin yutub kanalında yayımlanıb.
Qərar 53 lehinə, 1 əleyhinə səslə qəbul edilib. 30 deputat səsvermədə iştirak etməyib.
Qanun təsdiq üçün Moldova prezidenti Maya Sanduya təqdim olunacaq. Müqavilədə iştirakın dayandırılması barədə qərar müqavilənin iştirakçısı olan ölkələr tərəfindən bildiriş alındıqdan 150 gün sonra qüvvəyə minəcək.
11-04-2024, 18:50
Almaniya və İran XİN Başçıları telefon danışığı apardı
Almaniya və İran xarici işlər nazirləri arasında telefon danışığı baş tutub.
Bu barədə məlumatı İran tərəfi yayıb.
Annalena Berbok və Hüseyn Əmir Abdullahiyan bölgədəki vəziyyəti müzakirə ediblər.
11-04-2024, 18:41
Mirzoyan məhkəməyə çağırıldı
Ermənistan xarici işlər naziri Ararat Mirzoyan İrəvan məhkəməsinə çağırılıb.
O, döyülməsi ilə əlaqədar iş çərçivəsində dindirilib.
Qeyd edək ki, Mirzoyan aprelin 9-da parlament iclasından sonra bir qrup şəxs tərəfindən döyüldüyünü bildirib.
Bundan əvvəl 2020-ci ildə Ermənistanın kapitulyasiya aktına imza atmasından sonra qəzəblənən etirazçılar Ararat Mirzoyanı vəhşicəsinə döymüşdülər.
11-04-2024, 17:23
Qəzzada ölənlərin sayı 33 min 500-ü ötdü
Qəzza zolağında ölənlərin sayı 33 min 500-ü ötüb.
Bu barədə Fələstinin səhiyyə qurumu məlumat yayıb.
Son 24 saatda Qəzza zolağında 63 nəfərin öldüyü, 45 nəfərin yaralandığı bildirilib.
Keçən ilin oktyabr ayından bəri Qəzza zolağına hücumlar nəticəsində ümumilikdə 33 min 545 fələstinli həlak olub.
11-04-2024, 17:15
Peskov: “Rusiya olmadan danışıqlar prosesi mənasızdır”
Rusiya olmadan Ukrayna ilə bağlı danışıqlar mənasızdır.
Bu barədə Rusiya prezidentinin mətbuat katibi Dmitri Peskov Ukrayna sülh formulu üzrə İsveçrədə keçiriləcək sammitə münasibət bildirərkən deyib.
"Əvvəlcə söhbətin nədən, hansı sülh formulundan getdiyini anlamaq lazımdır. Biz dəfələrlə demişik ki, Rusiya olmadan danışıqlar prosesi mənasız və boşunadır", - o vurğulayıb.
Kreml nümayəndəsi Rusiyanın Ukrayna məsələsi ilə bağlı danışıqlar prosesinə açıq olduğunu əlavə edib.
11-04-2024, 17:06
Şimali Koreya lideri ordunu müharibəyə hazırlaşmağa çağırdı
Şimali Koreya lideri Kim Çen In ordunu müharibəyə hazırlaşmağa çağırıb.
Bu barədə Koreya Mərkəzi Teleqraf Agentliyi məlumat yayıb.
Bildirilib ki, aprelin 10-da Koreya Xalq Demokratik Respublikasının lideri Kim İr Sen adına Hərbi-Siyasi Universitetdə olarkən Cənubi Koreya paytaxtı Seulun maketinə baxış keçirib.
Kim Çen In Şimali Koreya ordusunu “heç vaxt olmadığı kimi müharibəyə hazırlaşmağa” çağırıb.
Şimali Koreya liderinin Hərbi Sənaye Universitetinə səfərinin nəticələri barədə məqalə və fotoşəkillər aprelin 11-də Koreya Mərkəzi Teleqraf Agentliyi tərəfindən dərc edilib.
11-04-2024, 16:45
Regional eskalasiyanın qarşısını almaq lazımdır - Annalena Berbok
Almaniyanın xarici işlər naziri Annalena Berbokla iranlı həmkarı Hüseyn Əmir Abdullahian arasında telefon danışığı olub.
Bu barədə Almaniyanın Xarici İşlər Nazirliyindən (XİN) bildirilib.
Qeyd olunub ki, tərəflər Yaxın Şərqdəki vəziyyəti müzakirə ediblər.
Telefon danışığı zamanı A.Berbok bildirib ki, ehtimal olunan regional eskalasiyanın qarşısını almaq lazımdır:
“Bu, hər kəsin marağında olmalıdır. Biz bölgənin bütün aktorlarını məsuliyyətli və təmkinli olmağa çağırırıq”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!