4-08-2022, 19:17
Mirzoyanın söylədiyi yalanlara ciddi diplomat inanmaz
Bu gün Ermənistanın xarici işlər naziri Ararat Mirzoyan İrəvanda akreditə olunmuş xarici ölkə səfirləri ilə görüş keçirib və Azərbaycanın Qarabağda müvəffəqiyyətlə həyata keçirdiyi anti-terror əməliyyatından narahat olduğunu bildirib.
Görüş haqqında yayılan məlumatlardan belə anlaşılır ki, dünənki anti-terror əməliyyatının nəticələri erməni naziri elə qorxudub ki, o təlaşlı bir şəkildə xarici diplomatları toplayaraq Azərbaycan haqqında onlara şikayət edib. Lakin, Mirzoyan şikayətlə kifayətlənməyib, 10 noyabr Bəyannaməsinin müddəalarını, xüsusilə, Laçın şəhərindən yan keçən alternativ marşurutun istifadəyə verilməsi, sülhməramlıların müvəqqəti yerləşdiyi ərazilərdən qanunsuz erməni silahlı ünsürlərinin paralel olaraq çıxarılması, Azərbaycanla Naxçıvanın dəmir və avtomobil yolları vasitəsilə maneəsiz əlaqələrinin yaradılması haqqında Ermənistanın götürdüyü məcburi öhdəliyi təhrif etməyə, ATƏT-in “ölmüş” minsk qrupunu yenidən “diriltməyə” çalışıb.
Hamının az qala əzbər bildiyi Ermənistanın imzaladığı kapitulyasiya aktının müddəalarının açıq şəkildə təhrif olunması çox təhlükəli tendesiyadan xəbər verir. Mirzoyanın bugünkü açıqlaması, həm də Paşinyanın 44-günlük müharibədən əvvəlki ritorikasını və davranışını xatırladır. Bununla, Ermənistan sülh danışıqlarını nəinki risk altına atır, eyni zamanda Azərbaycanın anti-terror əməliyyatlarını davam etdirməsi və Üçtərəfli Bəyannamənin bütün maddələrinin icrasını təkbaşına təmin etməsi (BMT TŞ-nın 4 qətnaməsini icra etdiyi kimi) üçün legitim əsaslar yaradır.
Bununla yanaşı, mən inanmıram ki, özünə hörmət edən hər hansı bir diplomat Mirzoyanın söylədiyi bu cür cəfəng fikirlərə inansın və ya onları ciddi qəbul etsin. Digər tərəfdən, hamı bilir ki, Ermənistan götürdüyü öhdəliyi sona qədər pozmaq və ya yerinə yetirməmək gücündə deyil.
Azərbaycan avqustun 3-də keçirdiyi anti-terror əməliyyatı ilə bir daha sübut etdi ki, Ermənistanın şıltaqlığı və “söz oyunu” ilə barışmaq fikri yoxdur və özünün suveren ərazisində qayda-qanun yaratmaq üçün hər addımı atmağa hazırdır və bundan sonra da qarşısında duran bütün vəzifələri yerinə yetirmək əzmindədir. Necə deyərlər, “Dəmir Yumruq” yerindədi.
Əminəm ki, bu reallığı həm beynəlxalq təşkilatlar, həm də Ermənistanı müdafiə edən ölkələr çox yaxşı anlayırlar.
Azay Quliyev
Milli Məclisin deputatı
4-08-2022, 18:53
Ən qəzəbli ölkələr - Ermənistan dünyada üçüncüdür
“Gallup International” təşkilatının 100 ölkədə apardığı sorğular əsasında dünyada əhalinin ən çox qəzəbli olduğu ölkələrin siyahısı hazırlanıb. Butov.az xəbər verir ki, hesabatda 2020-ci il avqustun 4-də Beyrutda baş vermiş dəhşətli partlayışdan sonra dərin böhran yaşayan Livan dünyanın ən əsəbi və qəzəbli ölkəsi olub. Belə ki, bu ölkədə respondentlərin 49 faizi hakimiyyətə qarşı qəzəblərini ifadə ediblər. Ermənistan ən qəzəbli ölkələr sırasında üçüncü yerdədir. Burada respondentlərin 46 faizi İkinci Qarabağ müharibəsində məğlubiyyət və ağır sosial-iqtisadi böhranla bağlı hakimiyyətə qarşı qəzəblidir. Siyahıda əhalinin ən qəzəbli olduğu ölkələr sırasında İordaniya, İraq, Əfqanıstan, Mali və Sierra-Leone də yer alıb.
4-08-2022, 18:50
Ərdoğan Ali Hərbi Şuranın iclasını çağırdı
Türkiyə Prezidenti Rəcəb Tayyib Ərdoğanın sədrliyi ilə Türkiyə Ali Hərbi Şurası toplanıb. Butov.az xəbər verir ki, toplantıya Şura üzvlərindən vitse-prezident Fuad Oktay, milli müdafiə naziri Hulusi Akar, ədliyyə naziri Bəkir Bozdağ, xarici işlər naziri Mövlud Çavuşoğlu, daxili işlər naziri Süleyman Soylu, xəzinə və maliyyə naziri Nurəddin Nebati, milli təhsil naziri Mahmut Özer, Baş Qərargah rəisi Yaşar Gülər, Quru Qoşunları komandanı general Musa Avsever, Hərbi Dəniz Qüvvələri komandanı admiral Adnan Özbal və Hərbi Hava Qüvvələri komandanı general Həsən Küçükakyüz qatılıblar. Toplantıdan əvvəl Prezident Ərdoğanın başçılıq etdiyi Ali Hərbi Şura heyətinin üzvləri Anıtkabiri ziyarət edib. Mətbuata qapalı keçirilən görüş təxminən 1 saat davam edib.
4-08-2022, 18:46
“Qarabağdakı hadisələr Zəngəzur tərəfə keçəcək” – Sabiq nazir
“Ermənistanın əvvəlki mövqeyində qalmaq istədiyi hamıya bəlli idi. Yəni Ermənistan köhnə siyasətini yeni şəraitdə davam etdirmək niyyətindədir. Bu işğalçılıq siyasətidir. İndi bunu yeni formada həyata keçirirlər”. Bunu açıqlamasında Azərbaycanın sabiq xarici işlər naziri Tofiq Zülfüqarov deyib. Son günlər Azərbaycan və Ermənistan arasında yaranmış gərginliyə münasibət bildirən eks-nazir hesab edir ki, bundan öncə Moskvada və Brüsseldə keçirilən görüşlər nəticəsiz yekunlaşıb: “Təbii ki, Azərbaycan vasitəçi olan dövlətdən istəyirdi ki, 2020-ci ilin 10 noyabr bəyannaməsində nəzərdə tutulan müddəalar həyata keçirilsin. Biz görürük ki, bunun nəticəsində təxribatlar silsiləsi baş verir. Azərbaycan indi “Qisas” əməliyyatı ilə göstərdi ki, istənilən vaxt, istənilən yerdə düşmənə zərbə endirə bilər”. Sabiq XİN başçısının sözlərinə görə, “Qisas” əməliyyatı Qarabağla bağlı əsas mövzuları yenidən gündəmə gətirib: “Birinci tələb Ermənistan silahlı birləşmələrinin Azərbaycan ərazilərindən qeyd-şərtsiz və tez bir zamanda çıxarılmasıdır. İkinci tələb regionda təhlükəsizliyi təmin edən rus sülhməramlıları ilə bağlıdır. Hazırda onların nəzarəti altında olan ərazilərdə konstitusiyamıza zidd olan hərbi birləşmələr fəaliyyət göstərir. İndi bilinmir onlar ruslara yardımçıdırlar, yoxsa nədirlər? Başa düşmək olmur. Sülhməramlıların vəzifəsi 5 il ərzində sülhü təmin etməkdir. Bunu təmin etməlidirlər. Onlara imkan verməli deyillər ki, bizə qarşı təxribat törətsinlər. Burada 3-cü məsələ Zəngəzur dəhlizi ilə bağlıdır. Bütün bunların hamısı həll olunmalıdır. Azərbaycan zərbələri ilə həm ermənilərə, həm də bu məsələdə 3-cü tərəf kimi çıxış edən oyunçulara öz siyasi iradəsini göstərib”. “Onu da qeyd etmək lazımdır ki, hadisələr Ermənistandakı gərgin qarşıdurmaların fonunda baş vermişdi. Yəni söhbət Rusiya-Qərb qarşıdurmasından gedir. Biz görürük ki, Ermənistanı ardıcıl şəkildə yüksək səviyyəli Rusiya və Qərb siyasətçiləri ziyarət edir. Həm Ermənistan siyasi elitası, həm də ictimaiyyəti Qərbyönümlü siyasəti seçmək istəyir. Məqsədləri Rusiyadan uzaqlaşmaqdır. Rusiya da bunu görür. Zəifləyən imkanları göstərir ki, Rusiya gec, ya tez uduzacaq”,- deyə keçmiş nazir vurğulayıb. T.Zülfüqarov Zəngəzur dəhlizi layihəsinin aqibətinə də toxunaraq, proqnozlarını dilə gətirib: “Astana üçlüyünün Tehranda görüşündən sonra bəlli olub ki, Rusiyanın strateji maraqları sanksiyalar dövründə cənub istiqamətində iqtisadi fəallığı artırmaqdan ibarətdir. Bunu təmin etmək üçün həm Türkiyə, həm İran, həm də o istiqamətdə olan Fars körfəzi dövlətləri, Pakistan və Hindistanla dəmiryolu bağlantısı lazımdır. Bunu nəzərə alanda gündəmə Zəngəzur dəhlizi gəlir. Çünki məhz bu bölgədə həm İran, həm Ermənistan, həm də Türkiyə ilə dəmiryolları bağlantısı mövcuddur. Söhbət ondan gedir ki, Rusiya əgər Ermənistanı Qərbə buraxsa, bunu Zəngəzurla edəcək, yoxsa yox? Çox maraqlı məsələdir. Hesab edirəm ki, gələcək dövrdə artıq Qarabağdakı əsas siyasi hadisələr Zəngəzur tərəfə keçəcək. Əslinə qalsa, Rusiyaya Zəngəzur dəhlizi sərf edir. Bu dəhliz nəinki Rusiyaya, həm də Azərbaycan, Türkiyə və İrana sərf edir. Ancaq Ermənistan Qərbə yönəlsə, Zəngəzur dəhlizi Qərbə lazım deyil. Qərbin Rusiya ilə qarşıdurması bu cür əlaqələrə təbii ki, mənfi təsir göstərəcək. Hər halda zaman proseslərin necə olacağını göstərəcək”.
4-08-2022, 18:40
Blinken Bakı və İrəvana təklif göndərdi
Bu gün Türkiyə xarici işlər naziri Mövlud Çavuşoğlu və ABŞ dövlət katibi Entoni Blinken arasında telefon danışığı olub. Butov.az bildirir ki, ABŞ Dövlət Departamenti telefon danışığı barədə məlumat yayıb. Məlumata görə, telefon danışığı zamanı Ukrayna və ikitərəfli əlaqələrlə yanaşı, Qarabağdakı vəziyyət də müzakirə olunub. Blinken Azərbaycan və Ermənistan arasında dialoqa və uzunmüddətli razılığın əldə olunmasına kömək etmək üçün səy göstərməyə hazır olduğunu qeyd edib.
4-08-2022, 18:35
Daha 150 qaziyə birdəfəlik ödəmə veriləcək
Sənədləri e-sistemlərdə və arxivlərdə olmayan müharibə əlillərinin müvafiq hərbi-həkim komissiyalarına müraciətləri əsasında daha 150-dək şəxsin birdəfəlik ödəməni almaq hüququ təsdiqlənib. Bu barədə Əmək və Əhalinin Sosial Müdafiəsi Nazirliyindən məlumat verilib. Bildirilib ki, yaxın günlərdə onların da bank hesablarına ödəniş köçürüləcək: "Bu barədə hər birinə SMS göndəriləcək".
4-08-2022, 18:33
Putin Qarabağa görə Təhlükəsizlik Şurasını topladı
Rusiya Prezidenti Vladimir Putin Təhlükəsizlik Şurasının üzvləri ilə operativ müşavirə keçirib. Bu barədə Rusiya liderinin mətbuat katibi Dmitri Peskov bildirib. “İclasda Ermənistan-Azərbaycan münaqişəsinin kəskinləşməsi ilə bağlı vəziyyət müzakirə edilib. Üçtərəfli müqavilənin bütün müddəalarının yerinə yetirilməsinin zəruriliyi vurğulanıb”, - deyə Peskov məlumat verib. Bundan əlavə, iclasda Türkiyə Prezidenti Rəcəb Tayyib Ərdoğanın avqustun 5-nə planlaşdırılan Rusiya səfəri müzakirə olunub.
4-08-2022, 18:05
İslam oyunlarında Azərbaycanı təmsil edəcək idmançıların siyahısı
Türkiyənin Konya şəhərində keçiriləcək V islam Həmrəyliyi Oyunlarında iştirak edəcək Azərbaycan idmançıları müəyyənləşib. Butov.az Gənclər və İdman Nazirliyinə istinadən xəbər verir ki, aşağıdakı idmançılar Konyada Azərbaycanı təmsil edəcək:
Ağır atletika
1) Anastasiya Moum
2) Nazilə İsmayılova
3) Kamran İsmayılov
4) İsa Rüstəmov
5) Dadaş Dadaşbəyli
6) Əli Şükürlu
7) Füqan Əliyev
8) Paşa İbrahimli
9) Tehran Məmmədov
10) Elnurə Abbasova
Atıcılıq
1) Tamerlan Məmmədov
2) Cavid Həsənov
3) Alina Rəfixanova
4) Aydan Babayeva
5) Aydan Camalova
6) Ramil Rüstəmzadə
7) Əli Hüseynli
8) Sevda Nəcəfova
9) Regina Meftahətdinova
10) Nurlana Cəfərova
11) Fuad Qurbanov
12) Niyaz Ağazadə
Atletika
1) Nazim Babayev
2) Aleksis Kapello
3) Anna Skidan
4) Əlhəm Nağıyev
5) Yelena Pextireva
6) Yekaterina Sarıyeva
Basketbol (3x3) (qadınlar)
1) Renara Hayes
2) Tatyana Deniskina
3) Ulyana Dina
4) Aleksandra Mollenhoyer
Basketbol (3x3) (kişilər)
1) Orxan Hacıyev
2) Zaur Paşayev
3) Endər Poladxanlı
4) Amil Həmzəyev
Cüdo
1) Könül Əliyeva
2) Nərgiz Hacıyeva
3) Günel Həsənli
4) Telman Vəliyev
5) Südabə Ağayeva
6) Səbinə Əliyeva
7) Gültac Məmmədəliyeva
8) Leyla Əliyeva
9) İmran Yusifov
10) Elmar Qasımov
11) Zelim Tckayev
12) Nəriman Mirzəyev
13) İbrahim Əliyev
14) Balabəy Ağayev
Futbol
1) Rəhman Hacıyev
2) Ozan Can Kökçü
3) Bəxtiyar Həsənəlizadə
4) Rüstəm Əhmədzadə
5) Bəhlul Mustafazadə
6) Abdulla Rzayev
7) Samir Məhərrəmli
8) Camal Cəfərov
9) Veysəl Rzayev
10) Rüstəm Samiqullin
11) Şakir Seyidov
12) Samir Abdullayev
13) Amin Ramazanov
14) Musa Qurbanlı
15) Rauf Hüseynli
16) Nihad Quliyev
17) Cəlal Hüseynov
18) Nicat Mehbaliyev
19) Tural Bayramov
20) Elvin Cəfərquliyev
21) Fərid Yusifli
22) Səbuhi Abdullazadə
23) Rüfət Abdullazadə
Güləş
1) Elis Manolova
2) Sabah Şəriəti
3) Arif Niftullayev
4) Məhəmməd Əhmədiyev
5) Rafiq Hüseynov
6) Sənan Süleymanov
7) Ülvü Qənizadə
8) Həsrət Cəfərov
9) Taleh Məmmədov
10) Murad Məmmədov
11) Eldəniz Əzizli
12) Rahid Həmidli
13) İslam İlyasov
14) Osman Nurməhəmmədov
15) Abubakr Abakarov
16) Hacımurad Ömərov
17) Turan Bayramov
18) Əsgər Məmmədəliyev
19) Hacı Əliyev
20) İslam Bazarqanov
21) Əliabbas Rzazadə
22) Tetiana Omelçenko
23) Gözəl Zutova
24) Jalə Əliyeva
25) Alyona Kolesnik
26) Elnurə Məmmədova
27) Leyla Qurbanova
28) Mariya Stadnik
Gimnastika
İdman gimnastikası
1) Mənsum Səfərov
2) Nikita Simonov
3) İvan Tixonov
4) Milana Minakovskaya
5) Samirə Qəhrəmanova
Aerobika
1) Xoşqədəm Quliyeva
2) Mədinə Mustafayeva
3) Vladimir Dolmatov
Bədii gimnastika
1) Dərya Sorokina
2) Zöhrə Ağamirova
3) İlona Zeynalova
4) Kamilə Əliyeva
5) Ləman Əlimuradova
6) Güllü Ağalarzadə
7) Yelizaveta Luzan
8) Zeynəb Hümmətova
9) Alina Gözəlova
Həndbol (qadınlar)
1) Milica Qarbavcevic
2) Milana Rzayeva
3) İrina Mixalkoviç
4) Yelizaveta Səlimova
5) Sabina Smagina
6) Vlada Kozmina
7) Ülviyyə Şərifova
8) Günel Əliyeva
9) Minayə Məmmədova
10) Azaliya Həsənova
11) Elnarə İbrahimova
12) Rəna Həsənova
13) Alyona Barbakadze
14) Kamilə Bayramova
15) İranə Şükürova
16) Mədinə Musayeva
Həndbol (kişilər)
1) Rəsul Şərifi
2) Sabir Nəzərəliyev
3) Vadim Skrebtsov
4) Elşad Məmmədyarov
5) Nicat Əzizov
6) Cavid İsmayılov
7) Ramazan Muradov
8) Emin Aydəmirov
9) Hüseyn Aydəmirov
10) Üzeyir Səlimov
11) Aleksandr Serqunin
12) Kamran Məmmədov
13) Ruslan İsmayılov
14) Röyal Əliyev
15) Elgün Məmmədrəhimov
16) Elnur Cahangirov
Karate
1) Mədinə Sadıqova
2) Rövşən Əliyev
3) İsmayıl Quliyev
4) Zəhra Qurbanzadə
5) İrina Zaretska
6) Ayla Rzazadə
7) Fəridə Əliyeva
8) Asiman Qurbanlı
9) İnci Əzizova
10) Tural Balcanlı
11) Roman Heydərov
12) Pənah Abdullayev
13) Fərid Ağayev
14) Tural Ağalarzadə
15) Əminağa Quliyev
Kikboksinq
1) Mahmud Hüseynov
2) Esmira Məmmədova
3) Elvin Ağayev
4) Pərvin Heydərov
5) Fərid Ağamoğlanov
6) Amil Məmmədov
7) Tülün Ələkbərova
8) Aysu Dəvrişova
9) Fəridə Abdullayeva
10) Bəhram Rəcəbzadə
11) Surət Qarayev
12) Bəybala Quliyev
13) Elcan Alkişiyev
14) Saqi Salehli
15) Elxan Əliyev
16) Rəhim Əliyev
17) Qəşəm Məmmədov
18) Arzuman Qədimov
19) Ramiz Məmmədov
20) Qiyas Şahmərdanov
21) Anar Məmmədov
22) Camal Məmmədov
23) Nihad Tağızadə
24) Ramal Aslanov
Qılıncoynatma
1) Sevil Bünyatova
2) Kənan Əliyev
3) Barat Quliyev
4) Ruslan Həsənov
5) Palina Kaspiaroviç
6) Səbinə Kərimova
7) Valeriya Bolşakova
8) Anna Başta
Oxatma
1) Yaylagül Ramazanova
2) Svetlana Simonova
3) Nəzrin Zamanova
4) Aleksey Kopnin
5) Zaur Qəhrəmanov
6) Məhəmmədəli Əliyev
Para-oxatma
1) Azadə Abdullayeva
2) Şahin Cabbarov
3) Vüsal Kazımov
4) Əli Nəbiyev
5) Cahan Musayev
Para-aletika
1) Hüseyn Həsənov
Para-üzgüçülük
1) Könül Süleymanova
Para-stolüstü tennis
1) Dinarə Sunçeleya
Stolüstü tennis
1) Ləman Əbdülhəmidova
2) Adil Əhmədzadə
3) Nihad Məmmədov
4) Vəzir Allahverdiyev
5) Emin Məmmədov
6) Zemfira Mikayılova
7) Mərziyyə Nurmətova
8) Nəzakət Qarayeva
Taekvondo
1) Səidə Əliyeva
2) Fatimə Məcidova
3) Röya Hacıyeva
4) Minayə Əkbərova
5) Patimat Abakarova
6) Fəridə Əzizova
7) Səyyad Dadaşov
8) Qaşım Maqomedov
9) Pərviz İskəndərov
10) Cavad Ağayev
11) Məhəmməd Məmmədov
12) Taleh Süleymanov
13) Milad Beigi Hərçəqani
14) Radik İsayev
Velosiped
1) Şahin Eyvazov
2) Nəcəf Bağırov
3) Ayan Xankişiyeva
4) Lalə Əbdürrəhmanova
5) Viktoriya Sidorenko
6) Əli Qurbanov
7) Elgün Əlizadə
8) Musa Mikayılzadə
9) Elçin Əsədov
10) Əmral Abduləzizli
Voleybol (qadınlar)
1) Şəfaqət Alışanova
2) Olena Xarçenko
3) Ayşən Əbdüləzimova
4) Yelizaveta Ruban
5) Nilkalina Başnakova
6) Kseniya Pavlenko
7) Kristina Besman
8) Mariya Kirilyuk
9) Marqarita Stepanenko
10) Bəyaz Əliyeva
11) Aynur İmanova
12) Valeriya Kondratyeva
13) Anastasiya Mertsalova
14) Yuliya Kərimova
Voleybol (kişilər)
1) Mais Verdizadə
2) Andrey Melnikov
3) Mirhasil Seyidov
4) Vüqar Bayramov
5) Emil Abdullayev
6) Mərdan Məmmədov
7) Yeqor Nikulenko
8) Cavid Süleymanov
9) Tural Həsənli
10) Andrey Vasilenko
11) Dmitri Baranov
12) Kənan Allahverdiyev
13) Aqil Ağazadə
14) Ramazan Ağabəyov
Üzgüçülük
1) Aysel Səfərova
2) Selcan Əbdürəhmanlı
3) Nihad Yusibov
4) Vəli İsrafilov
5) Əbdürrəhman Rüstəmov
6) Rəşad Əliquliyev
7) Ramil Vəlizadə
8) Fatimə Alkərəmova
9) İlahə Rəciyeva
10) Ayan Kələntərova
11) Məryəm Şeyxəlizadəngah
4-08-2022, 17:53
4-08-2022, 17:23
Bakıda betonqarışdıran maşın aşdı
Bakıda betonqarışdıran avtomobil aşıb. Butov.az-ın xəbərinə görə, hadisə metronun "20 Yanvar" stansiyasının yaxınlığında baş verib. Məlumata görə, hərəkətdə olan betonqarışdıran maşın dönmə hərəkətini yerinə yetirən zaman aşıb. Nəticədə avtomobilin içərisində olan beton yola dağılıb. Faktla bağlı araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!