10-11-2022, 18:22
Rusiyanın itkiləri Ukraynadan 10 qat artıqdır - Zelenski
Ukrayna Prezidenti Volodimir Zelenski Rusiyanın müharibə itkiləri barədə danışıb. Zelenski bu mövzuya “CNN” telekanalına verdiyi müsahibə zamanı toxunub. Onun sözlərinə görə, Rusiya genişmiqyaslı müharibə başlayandan bəri həm şəxsi heyət, həm də artilleriya baxımından böyük itkilərə məruz qalıb. “Dəqiq rəqəm deyə bilmərəm, amma tərəflər arasındakı fərq çox böyükdür. Rusiyanın itkiləri Ukraynadan 10 qat artıqdır”, - deyə Ukrayna prezidenti söyləyib. Qeyd edək ki, Rusiya bu ilin fevral ayının 24-də Ukraynaya qarşı hərbi əməliyyatlara başlayıb.
10-11-2022, 18:21
AFFA "Neftçi"ni bu səbəbdən cərimələdi
AFFA İntizam Komitəsi "Neftçi"ni 800 manat məbləğində cərimələyib. Buna "ağ-qaralar"ın səfərdə "Sumqayıt"la 2:2 hesablı heç-heçə etdiyi Premyer Liqanın XIII tur oyununa gecikməsi səbəb olub. "Gənclik şəhəri" təmsilçisi isə stadionda suyun təzyiqinin olmamasına və futbolçuların sudan normal istifadə edə bilməməsinə görə eyni məbləğdə cərimə ödəyəcək. Bundan başqa, "Sumqayıt"ın baş məşqçisi Samir Abasov oyunun rəsmi şəxsini təhqir etdiyinə görə klub 4000 manat ziyana düşüb. 44 yaşlı mütəxəssis isə 5 oyunluq diskvalifikasiya olunub. "Səbail" - "Sabah" (0:2) oyununda PFL-in futbol himninin səsləndirilməməsi meydan sahiblərinə 800 manata başa gəlib. "Turan Tovuz" – "Şamaxı" (1:3) görüşündə təcili tibbi yardım maşını başlama vaxtına gecikdiyinə görə Tovuz təmsilçisi 1 600 manat cərimə edilib. Həmçinin, qonaq komandanın qapıçılar üzrə məşqçisi Anar Niftəliyev azarkeşlərə qarşı təhqiredici ifadələr işlətdiyinə görə klub 4000 manat cərimə ödəyəcək. Mütəxəssis isə 5 oyunluq cəzalanıb. Sözügedən qarşılaşmada hər iki komandanın texniki zonasında oturan şəxslər A buraxılış vəsiqələrini taxmadıqlarına görə klublar 800 manat cərimələnib. "Qəbələ" isə evdə "Zirə"yə 1:0 hesabı ilə qalib gəldiyi matçda 4 oyunçusu sarı vərəqə ilə cəzalandığı üçün 800 manat ziyana düşüb.
10-11-2022, 18:19
Şəhid qardaşına vəzifə verildi - AMEA-da yeni təyinat
Azərbaycan Milli Elmlər Akademiyasının prezidenti, akademik İsa Həbibbəylinin sərəncamı ilə texnika üzrə fəlsəfə doktoru, dosent Hüseyn Hüseynov AMEA Rəyasət Heyəti aparatının Elmi, texniki və innovativ fəaliyyətin təşkili şöbəsinin müdiri vəzifəsinə təyin olunub. Bu barədə AMEA-dan məlumat verilib. Texnika üzrə fəlsəfə doktoru Hüseyn Hüseynov 1978-ci ildə Füzuli rayonunun Qaraxanbəyli kəndində anadan olub. 2016-cı ildən Akademiyanın Elm və təhsil şöbəsində çalışır. 2018-ci ildən yeni vəzifəyə təyin edilənədək həmin şöbənin müdirinin müavini vəzifəsində işləyib. Yeni Azərbaycan Partiyası AMEA Rəyasət Heyəti ərazi ilk partiya təşkilatının sədridir. Hüseyn Hüseynovun qardaşı Ramil Hüseynov Birinci Qarabağ müharibəsində şəhid olub.
10-11-2022, 18:17
İsmayıllıda ata və oğlu bıçaqlandı
İsmayıllı rayonunda ata və oğlu bıçaqlanıb. Hadisə noyabrın 9-da rayonun Kürdmaşı kəndində qeydə alınıb. Belə ki, həmin kənd sakini, 2006-cı il təvəllüdlü Q.Gülmalıyev yaşadıqları evin həyətində
həmkəndliləri - 1994-cü il təvəllüdlü Nəcəfov Cümşüd Rauf oğlu və onun atası, 1964-cü il
təvəllüdlü Nəcəfov Rauf Cümşüd oğlu ilə aralarında ailə-məişət zəmnində mübahisə düşüb. Nəticədə o, R.C.Nəcəfova bir, C.Nəcəfovaya isə 2 bıçaq zərbəsi vuraraq xəsarət yetirib. Daha sonra Q.Gülmalıyev saxlanılıb. Daxili İşlər Nazirliyinin Mətbuat Xidmətinin Şəki regional qrupunun baş inspektoru polis kapitanı Mahir Məsimov "Report"un sorğusuna cavab olaraq bildirib ki, hadisəni törədən şəxsin izahatı alınıb, müvafiq ekspertiza təyin olunub və polis şöbəsində faktla bağlı araşdırmalar davam etdirilir.
10-11-2022, 18:14
Ərdoğan xanımı ilə Səmərqənddədir
Türk Dövlətləri Təşkilatına üzv ölkələrin dövlət və hökumət başçılarının Səmərqənddə keçirilən Zirvə Toplantısında iştirak etmək üçün bu ölkəyə səfər edən Türkiyə Prezidenti Səmərqənddədir. Bu barədə Özbəkistan XİN başçısı Vladimir Norov "Twitter"də məlumat verib. Prezident Ərdoğanı Səmərqənd beynəlxalq hava limanında Özbəkistanın Baş naziri Abdulla Aripov və digər rəsmilər qarşılayıb. Ərdoğanı səfərdə xanımı Əminə Ərdoğan da müşayiət edir.
10-11-2022, 18:12
Milli komandamız dünya çempionu oldu
Paracüdo üzrə Azərbaycan millisi Bakıda keçirilən dünya çempionatının komanda yarışlarında qızıl medal qazanıb. Butov.az-ın məlumatına görə, yığma finalda Türkiyə kollektivi ilə qarşılaşıb. Rəqibinə 4:2 hesabı ilə qalib gələn Azərbaycan paracüdoçuları fəxri kürsünün ən yüksək pilləsinə qalxıblar.
10-11-2022, 18:11
Daha bir ölkə Şengen zonasına daxil olur
Avropa Parlamenti Xorvatiyanın Avropada vizasız səyahət bölgəsi olan Şengen zonasına daxil olması barədə layihəni təsdiqləyib. Layihə 53 əleyhinə, 534 lehinə olmaqla, səs çoxluğu ilə qəbul edilib. Bununla da Xorvatiyanın Şengen ölkələri ilə iç sərhədlərdə kontrolsuz səyahət imkanının açılması istiqamətində növbəti hüquqi prosedur tamamlanıb. Yekun nəticə isə Avropa İttifaqı Şurasında üzv dövlətlərin konsensus yolu ilə qəbul edəcəyi qərardan asılıdır. Qeyd edək ki, Şengen zonasına ümumilikdə 26 ölkə daxildir. Bunlar Bolqarıstan, Xorvatiya, Kipr, İrlandiya və Rumıniya istisna olmaqla, Avropa İttifaqı üzvləri və birliyə daxil olmayan Norveç, İslandiya, Lixtenşteyn, və İsveçrədir.
10-11-2022, 18:08
İlham Əliyev xanımı ilə Özbəkistana getdi
Azərbaycan Respublikasının Prezidenti İlham Əliyev Türk Dövlətləri Təşkilatının IX Zirvə görüşündə iştirak etmək üçün noyabrın 10-da Özbəkistan Respublikasına səfərə gəlib. Hər iki ölkənin dövlət bayraqlarının dalğalandığı Səmərqənd Beynəlxalq Hava Limanında ali qonağın şərəfinə fəxri qarovul dəstəsi düzülüb. Dövlətimizin başçısı İlham Əliyevi və birinci xanım Mehriban Əliyevanı Özbəkistanın Baş naziri Abdulla Aripov və digər rəsmi şəxslər qarşılayıblar.
10-11-2022, 18:06
Sabah yağış, qar yağacaq
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, lakin gündüzdən başlayaraq bəzi yerlərdə arabir yağış yağacağı ehtimalı var. Şimal-şərq küləyi əsəcək. Havanın temperaturu gecə 9-11° isti, gündüz 12-15° isti olacaq. Bakıda gecə 9-11° isti, gündüz 12-14° isti olacaq. Atmosfer təzyiqi 772 mm civə sütunu olacaq. Nisbi rütubət 65-75 % olacaq. Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə intensiv olacağı, yüksək dağlıq ərazilərdə qar yağacağı ehtimalı var. Gecə və səhər saatlarında duman olacaq. Şərq küləyi əsəcək. Havanın temperaturu gecə 5-9° isti, gündüz 12-16° isti, dağlarda gecə 2° şaxtadan 3°-dək isti, gündüz 3-7° isti olacaq.
10-11-2022, 18:02
Qazimiz Vətənə qayıtdı
Ağır yaralanan qazilərimizdən biri Yaqubov Rauf Qabil oğlu Türkiyədə müalicəsini tamamlayaraq Vətənə geri qayıdıb. “YAŞAT” Fondundan verilən xəbərə görə, həkim rəyi əsasında ağır yaralı olan qazilərin müalicə üçün xaricə davamlı şəkildə göndərilməsi təmin edilir. Fond qazimizin müalicəsini tam yekunlaşana qədər nəzarətdə saxlayır. Xatırladaq ki, bu günə qədər 177 qazi müalicə üçün Türkiyəyə göndərilib. Onlardan 157-nin müalicə proseduru artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib. “YAŞAT” Fondunun hesabatları və xərclənən vəsaitlərlə bağlı ətraflı məlumatı yashat.gov.az rəsmi internet saytımızın “Hesabatlar” (//yashat.gov.az/report/tableau) bölməsindən əldə edə bilərsiniz. Həmçinin Fondun 8110 “Çağrı” Mərkəzi fəaliyyət göstərir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!