7-01-2023, 23:50
Dilruba Camalova - 85
Dilruba xanım Camalovanın əmək fəaliyyətinin əsas hissəsi Cənub diyarının paytaxtı Lənkəranla bağlıdır. Lənkəran şəhər 2 saylı orta məktəbində fizika-riyaziyyat müəllimi kimi fəaliyyətə başlayan Dilruba Camalova sonralar müxtəlif vəzifələrdə çalışıb.Lənkəran şəhər maarif şöbədinin metodisti və müdiri, Lənkəran Şəhər Partiya Komitəsinin ikinci, sonra birinci katibi, Azərbaycan Pedaqoji Kadrlarının İxtisasartırma İnstitutu Lənkəran filialının direktoru, Lənkəran Dövlət Universitetinin prorektoru, Cənub regionunda Yeni Azərbaycan Partiyasının təşkilatçısı, Lənkəran Şəhər İcra Hakimiyyətinin başçısı olaraq məsul və şərəfli vəzifələrdə çalışıb.Sonra Dilruba xanım yeni yaranmış Azərbaycan Respublikası Qadın Problemləri üzrə Dövlət Komitəsi sədrinin birinci müavini vəzifəfəsinə təyin edilib.
Bu vəzifədə ölkədə gender siyasətini fəal təbliğ edir, qadınların maariflənməsində səyini əsirgəmirdi.
Dilruba xanım son dərəcə ciddi, eyni zamanda səmimi və xeyirxah insan idi. Dövlətə və dövlətçiliyimizə sadiq idi. Ulu öndər Heydər Əliyev ordusunun ən sadiq əsgərlərindən idi.Ulu öndərin də Dilruba xanıma münasibəti birmənalı idi.Çıxışlarında "Dilruba Camalova minlərlə kişidən qeyrətli çıxdı" deyibən onu yüksək dəyərləndirirdi. Prezidentin fərdi təqaüdüylə işdən azad olunan Dilruba xanım ictimai işlərdə fəallıq göstərirdi.Respublika Ağsaqqallar Şurasında və Veteranlar Təşkilatında sədr müavini idi.Həyata keçirəsi arzuları , planları çox idi.
Dilruba Camalova bir vətənpərvər ziyalı olaraq yağı tapdağı altında inləyən Qarabağ torpaqlarının nisgillərindən idi.Azərbaycanlı olaraq torpaq həsrəti bir yana, bu nisgil həm də qan qohumluğundan gəlirdi.Dilruba xanım Demokratik Azərbaycanın ilk hərbi naziri Səməd bəy Mehmandarovun doğmaca bacısının nəvəsidir, nəticəsidir. Bu gün bütün nigaran ruhlar kimi Dilruba xanımın da ruhu şaddır.Ali Baş Komandan İlham Əliyevin rəhbərliyilə müzəffər ordunun qələbə sevincindən rahatlıq tapanlardan biri də Dilruba Camalovanın ruhudur.
Dilruba Camalovanın 85 yaşını qeyd edirik. Aramızda 14 illik ayrılıq məsafəsi olsa da, işıqlı xatirəsi hər zaman qəlbimizdədir.
Sevda Əlibəyli
7-01-2023, 23:43
Zelenski Rusiyanın mədəniyyət xadimlərini qara siyahıya saldı
Ukrayna prezidenti Volodimir Zelenski Rusiyanın 119 mədəniyyət xadiminə qarşı şəxsi sanksiya tətbiq edib. Bu barədə o, Ukrayna Milli Təhlükəsizlik və Müdafiə Şurasının (MDX) qərarını təsdiqləyən fərman imzalayıb. "Qara siyahı"ya reper Basta, rəssamlar İrina Alleqrova, Dmitri Bilan, Mixail Qalustyan, Larisa Dolina, Filipp Kirkorov, Sergey Lazarev, Yevgeni Petrosyan, rejissor Nikita Mixalkov və digər məşhurlar daxil edilib.
7-01-2023, 23:31
Türkiyənin Fransadakı səfirliyinə “Molotov kokteyli” atıldı
Türkiyənin Fransadakı diplomatik nümayəndəliyinə "Molotov kokteyli" atıblar. Hadisə yanvarın 5-dən 6-na keçən gecə baş verib. Naməlum şəxslər Marsel şəhərindəki nümayəndəliyin binasına hücum edib. Bildirilir ki, dörd nəfər Türkiyə səfirliyinə “Molotov kokteyli” atdıqdan sonra hadisə yerindən qaçıblar. Polis hücum edən şəxslərdən ikisini saxlayıb. Digər iki nəfərin axtarışları davam edir. Saxlanılan şəxslərin PKK terror təşkilatının tərəfdarı olduğu bildirilir.
7-01-2023, 23:18
Polşa Ukraynaya tank verməkdən imtina etdi
Polşa Ukraynaya “Leopard 2” tanklarını tədarük etməyəcək. Bu barədə Polşanın baş naziri Mateuş Moravetski bildirib. “Polşa prezidenti ilə birlikdə biz bu ağır müasir texnikanı ötürə biləcək ölkələrin daha geniş koalisiyasını qurmaq üçün danışıqlar aparırıq. Hələlik bunu deyə bilərəm. Prezident də danışıqlarda iştirak edir. Söhbətlər gedir. Mən bu barədə bir neçə həftə əvvəl Brüsseldə kansler Şolts ilə danışdım və düşünürəm ki, yaxın günlərdə bununla bağlı daha çox məlumat əldə edə biləcəyik", - baş nazir deyib. Qeyd edək ki, Amerika mətbuatında Polşanın Ukraynaya Almaniya istehsalı “Leopard” tankları verə biləcəyi barədə məlumatlar yayılmışdı.
7-01-2023, 23:13
Belarus yerli “notebook” istehsalına başlayıb
Belarusun "Horizon" fabriki ilk yerli notebook-ların kütləvi istehsalına və satışına başlayıb. Bu barədə "BelTA" agentliyi məlumat yayıb. “İlk Belarus notebook bazara "H-book MAC4" modeli ilə daxil olur. Bu, ən yaxşı təcrübələr və texnologiyalar əsasında hazırlanıb. Bu, keyfiyyət və performans baxımından tanınmış brendlərlə müqayisə olunan müasir kompüterdir”, - deyə açıqlamada bildirilir. Məlumata görə, "H-book MAC 4"ün bazası "Intel Core 11" prosessoru ilə hazırlanıb.
7-01-2023, 22:54
Yunanıstan Türkiyəylə sərhəd boyunca hasar çəkir
Yunanıstan sərhəd boyunca hasar çəkəcək və özünü Türkiyədən təcrid edəcək. Bu barədə yerli vətəndaşların müdafiəsi naziri Takis Teodorikakos bildirib. Qeyd olunub ki, Yunanıstanın Xarici İşlər və Müdafiə üzrə Hökumət Şurası Evros çayının bütün uzunluğu boyunca sədd çəkməyi qərara alıb. Səddin uzunluğu təxminən 180 kilometr olacaq. Nazir deyib ki, mərkəzi hissədə hasarın ilk 35 kilometrinin tikintisinə dərhal başlanacaq və bu iş üçün ayrılan büdcə 100 milyon avro təşkil edəcək.
7-01-2023, 22:45
İranın Türkiyəyə yanacaq tədarükü kəskin azalıb
Qaz nəqli sistemində baş verən qəzaya görə İranın Türkiyəyə yanacaq tədarükü 70 faiz azalıb. Bu barədə Türkiyənin “Botaş” kompaniyası məlumat yayıb. “İranın qaz nəqli sistemində yaranan nasazlıq səbəbindən 2023-cü il yanvarın 1-dən etibarən Türkiyəyə mavi yanacağın tədarükü 70 faiz azalıb. İran tərəfi bu barədə bizi məlumatlandırıb və qəzanın aradan qaldırılması üçün lazımi addımların atılacağını deyib”, - kompaniyanın məlumatında belə deyilir. “Botaş” kompaniyası tədarük bərpa olunana qədər ölkənin qaza olan tələbatını yeraltı anbarlar hesabına ödəyəcək. Türkiyə hər il İrandan 7-11 milyard kubmetr qaz alır ki, bu da ölkənin mavi yanacaq idxalının təxminən 15 faizini təşkil edir.
7-01-2023, 22:30
İranın ali rəhbəri yeni komandir təyin etdi
İranın ali rəhbəri Ayətullah Seyid Əli Xamenei briqada generalı Əhməd Rza Radanı İslam Respublikasının Hüquq-Mühafizə Qüvvələri Komandanlığının yeni komandiri təyin edib. Əli Xamenei şənbə günü verdiyi fərmanla briqada generalı Əhməd Rza Radanın İranın yeni polis rəisi olduğunu bəyan edib. Digər fərmanla Hüseyn Aştari Hüquq-Mühafizə Qüvvələri Komandanlığının rəhbəri vəzifəsindən azad olunub və ona vəzifədə olduğu müddətdə göstərdiyi xidmətə görə təşəkkür edilib. Hüseyn Aştari 2015-ci il martın 8-dən polis rəisi vəzifəsində çalışırdı.
7-01-2023, 22:13
Türkiyə Ağrı dağında modul tipli hərbi baza tikir
Türkiyə Ermənistanla sərhəddə yerləşən Ağrı dağında modul tipli hərbi baza tikir. Məlumatı Türkiyə KİV-ləri yayıb. Dəniz səviyyəsindən 2100 metr yüksəklikdə yerləşən hərbi baza müasir gecəgörmə kameraları sistemləri və müvafiq təyinatlı silahlarla təchiz ediləcək. Qeyd olunur ki, Türkiyə sözügedən hərbi bazanı terrorla mübarizəni gücləndirmək üçün tikir.
7-01-2023, 22:05
Türkiyədə prezident seçkiləri may ayında keçiriləcək
Türkiyədə növbəti prezident seçkiləri bu ilin iyun ayında deyil, mayda keçirilə bilər. Bu barədə Türkiyə Prezidenti Rəcəb Tayyib Ərdoğan bildirib. Qardaş ölkə lideri seçkilərin 5 ay sonra keçiriləcəyini anons edib. “Önümüzdə 5 ay var, 5 ay boyunca dayanmaq yoxdur”, - Ərdoğan çıxışında deyib. Qeyd edək ki, Türkiyədə prezident seçkilərinin vaxtının irəli çəkilməsi bir müddətdir müzakirə mövzusudur. Bildirilir ki, vətəndaşlar yay aylarında məzuniyyətdə olduğundan seçkinin iyunda keçirilməsi məqsədəuyğun deyil. Bundan öncə prezident seçkilərinin 2023-cü il iyunun 18-də keçiriləcəyi açıqlanmışdı.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!