20-02-2024, 23:50
Üç qızıl medal qazanan idmançımız açıqlama verdi
“Yarışdan əvvəl olan hazırlıq çətin keçdi, çünki dizimdə zədə var idi".
Bu sözləri Bolqarıstanın paytaxtı Sofiyada keçirilən ağırlıqqaldırma üzrə Avropa çempionatında üç qızıl medal qazanan Dadaş Dadaşbəyli jurnalistlərə açıqlamasında deyib.
O, Avropa çempionatında qazandığı üç qızıl medala görə xoşbəxt olduğunu bildirib: "Əvvəlcədən bu yarışda nəticə qazanmağı qarşıma hədəf qoymuşdum. Azərbaycan himnini səsləndirdiyimə görə çox xoşbəxtəm".
D.Dadaşbəyli gələcək yarışlarda daha ağır çəkidə mübarizə aparacağını söyləyib: "Bir çox lisenziyalı yarışlarda iştirak etmişəm. Ay yarım sonra Dünya Kuboku olacaq. Artıq bu yarışda 109 kiloqramdan artıq çəkidə mübarizə aparacağam. Burada da uğurlu nəticə qazanmaq istəyirik. Əminəm ki, son lisenziya turniri də bizim üçün uğurlu olacaq".
Qeyd edək ki, 109 kiloqram çəki dərəcəsində çıxış edən idmançı birdən qaldırma hərəkətində 176 kiloqramın öhdəsindən gəlib və bu hərəkətdə Avropa çempionu olub. Atlet təkanla qaldırma hərəkətində də eyni uğuru təkrarlayıb. O, 212 kiloqramı başı üzərinə qaldıraraq bu hərəkətdə də qızıl medal qazanıb. O, toplam 388 kiloqram (176+212) nəticə ilə yekun sıralamada da Avropada hər kəsi qabaqlayaraq fəxri kürsünün ən yüksək pilləsinə qalxıb.
Kişilər arasında bu uğura sonuncu dəfə 2012-ci ildə Türkiyənin Antalya şəhərində keçirilmiş Avropa çempionatında Əfqan Bayramov imza atmışdı.
20-02-2024, 23:20
Qeyri-etik davranışları ilə gündəmə gələn məktəbli: “Nəsə də olsa, vecimə deyil”
Yeniyetmə qıza qeyri-etik davranışları ilə gündəmə gələn məktəbli qız bu dəfə sosial şəbəkədə etdiyi paylaşımla diqqət çəkib.
İctimaiyyət həmin məktəblinin əməlindən peşman olub üzr istəyəcəyini gözlədiyi halda, o paylaşımında “vecimə də deyil” yazıb.
"Elədiyim şeyi bilirəm... Nəsə də olsa, vecimə də deyil", - paylaşımda deyilir.
Qeyd edək ki, görüntülərdə yeniyetmə qız digərinin alnına ədəbsiz sözlər yazır, onun başında yumurta qırır və saçlarını qayçı ilə kəsir. hadisə ilə əlaqədar cinayət işi açılıb.
Bundan əvvəl şagirdin təhsil aldığı 156 saylı mətkəbin direktoru Gülər İsmayılova onun əməlindən peşman olduğunu bildirmişdi.
20-02-2024, 22:37
Anasına daşla xəsarət yetirən yeniyetməylə bağlı açıqlama
Fevralın 20-də 14:20 radələrində Ağstafa rayonu, Heydər Əliyev prospekti, Səməd Vurğun parkına 2014-cü il təvəllüdlü azyaşlı (kişi cinsli) ilə bağlı çağırış daxil olub.
Bu barədə TƏBİB-dən məlumat verilib. Bildirilib ki, azyaşlı saat 14:40 radələrində başın təpə nahiyəsinin çapılmış yaraları diaqnozu ilə Ağstafa Rayon Mərkəzi Xəstəxanasının (RMX) Təcili yardım şöbəsinə ambulansla gətirilib.
"Ona zəruri tibbi xidmətlər göstərilib, tetanus əleyhinə zərdab vurulub. Hazırda Ağstafa RMX-nın Təcili yardım şöbəsində həkim nəzarətindədir", - deyə məlumatda vurğulanıb.
Xatırladaq ki, sosial şəbəkə platformalarında azyaşlı oğlan uşağına anası tərəfindən daşla xəsarət yetirilməsinə dair məlumat yayılıb.
DİN-Mətbuat Xidmətinin Gəncə regional qrupunun baş inspektoru Eşqin Qasımov bildirib ki, sözügedən məsələ Ağstafa rayonunda qeydə alınıb:
"Azyaşlı xəstəxanaya yerləşdirilib, Ağstafa Rayon Polis Şöbəsində araşdırma aparılır. İlkin məlumata görə uşağa anası tərəfindən daşla baş nahiyəsindən xəsarət yetirilib. Faktla bağlı müvafiq ekspertiza təyin olunub ekspertiza rəyindən və araşdırmaların nəticəsindən asılı olaraq məsələyə hüquqi qiymət veriləcək”.
20-02-2024, 22:22
Həbsdə olan seperatçıların istintaqına bir çox dövlət qurumları cəlb edilib
“Azərbaycanda həbsdə olan erməni separatçılarının işinin istintaqına bir çox dövlət qurumları cəlb edilib”.
Bunu Baş prokuror Kamran Əliyev REAL TV-yə müsahibəsində deyib.
O qeyd edib ki, mütəşəkkil dəstə ilə bağlı istintaq qrupuna bir çox dövlət qurumları daxil edilib.
"Çünki onlar çoxsaylı cinayətlər törətmişlər. Hazırda prokurorluqda son ittihamlar üzərində işləyirik. Onların hər birinin törətdiyi əməl dəqiqləşdirilir. Çünki biz 1987-ci ildən törədilən bütün cinayətləri təhlil edirik, öyrənirik. Onlar hamısı bizdə sənədləşdirilib", - Baş prokuror bildirib.
Kamran Əliyev bildirib ki, hazırda onlara veriləcək son ittihamlar üzərində işlənilir:
“Onların bütün cinayətləri tədqiq edilir. Kifayət qədər faktlar üzə çıxır. Yaxın vaxtlarda onlara son ittihamlar elan ediləcək, cinayət işləri məhkəməyə göndəriləcək. Onlar konkret əməllərə görə məsuliyyətə cəlb edilib, konkret əməllərə görə ittihamlar verilib. Bunu bütün Azərbaycan xalqı, beynəlxalq təşkilatlar, qərb və digər ölkələr məhkəmə baxışı zamanı görəcəklər”.
Qeyd edək ki, istintaqı Baş Prokurorluğun İstintaq İdarəsi tərəfindən aparılan cinayət işi üzrə separatçı rejimin ümumilikdə 15 nəfər üzvü məsuliyyətə cəlb olunub. Həmin şəxslər barəsində müxtəlif illərdə Baş Prokurorluq tərəfindən cinayət işi açılıb və beynəlxalq axtarış verilib. Ötən ilin sentyabrında keçirilən antiterror tədbirləri nəticəsində Azərbaycanın hüquq-mühafizə orqanları Qarabağdakı qondarma rejimin başçıları Arkadi Qukasyan, Bako Saakyan, Arayik Harutyunyan, "sabiq xarici işlər naziri" David Babayan, “parlament sədri” David İşxanyan, generallar Lyova Mnatsakanyan, David Manukyan və "keçmiş dövlət naziri” Ruben Vardanyanı həbs edərək Bakıya gətirib.
Separatçılar sülh və insanlıq əleyhinə, müharibə cinayətlərində, terrorçuluqda, terrorçuluğu maliyyələşdirmədə, qətl, qanunsuz silahlı birləşmə yaratmaqda və s. cinayət əməllərində təqsirləndirilirlər.
20-02-2024, 21:48
Mərakeşdə Xocalı soyqırınına həsr olunmuş tədbir keçirildi
Azərbaycanın Mərakeşdəki səfirliyində Xocalı soyqırımının 32-cı ildönümünə həsr olunmuş tədbir keçirilib.
Tədbir səfirlik və “Arts Council Azerbaijan” qeyri-hökumət təşkilatının birgə təşkilatçılığı ilə reallaşıb.
Mərakeş dövlət rəsmiləri, diplomatik korpusun təmsilçiləri, “Mərakeş-Azərbaycan Dostluq Cəmiyyəti”nin üzvləri, media, qeyri-hökumət təşkilatları nümayəndələri, eləcə də diaspor təmsilçilərimizin də qatıldığı tədbirdə Azərbaycanın tanınmış rəssamı Nazim Məmmədovun Xocalı faciəsinə həsr olunmuş rəsm əsərlərindən ibarət sərgisi nümayiş olunub və onun “Xocalı harayı” adlı kitabının təqdimatı təşkil edilib.
Azərbaycanın Mərakeşdəki səfiri Nazim Səmədov tarixə 20-ci əsrin ən böyük faciələrindən biri kimi damğasını vuran Xocalı soyqırımının erməni millətçilərinin azərbaycanlılara qarşı həyata keçirdikləri etnik təmizləmə və soyqırımı siyasətinin ən qanlı səhifələrindən biri olduğunu diqqətə çatdırıb. Xocalıda dinc əhalinin qəsdən qətlə yetirilməsinin təcrid olunmuş akt deyil, Ermənistanın əraziləri ilhaq etmək istəyinə, irqi və dini dözümsüzlüyün iyrənc ideyalarına əsaslanan sistemli və genişmiqyaslı siyasətinin və zorakılıq təcrübəsinin bir hissəsi olduğu vurğulanıb. Səfir, həmçinin artıq 19 ölkənin Xocalı soyqırımını müxtəlif səviyyələrdə tanıdığını bildirib, İslam Əməkdaşlıq Təşkilatı və Türk Dövlətləri Təşkilatı tərəfindən məsələ ilə bağlı çoxsaylı qətnamə və bəyannamənin qəbul edildiyinə diqqət çəkib.
“Mərakeş-Azərbaycan Dostluq Cəmiyyəti”nin sədri Mohamed Fakiri Xocalı faciəsi ilə bağlı faktların dünya ictimaiyyətinə çatdırılmasında Heydər Əliyev Fondunun əhəmiyyətli rolundan danışıb, “Xocalıya ədalət” kampaniyasına dair məlumat verib. 2008-ci ildən etibarən cəmiyyətin təşkil etdiyi sərgilər, seminarlar, konfranslar və dəyirmi masalar vasitəsilə Xocalı faciəsinin anıldığını vurğulayıb.
“Arts Council Azerbaijan” QHT-nin rəhbəri Dadaş Məmmədov “Xocalı harayı” adlı sərgi və eyniadlı kitab haqqında tədbir iştirakçılarına məlumat verib. O, sərgi və kitabın müəllifi olan tanınmış rəssam Nazim Məmmədovun həyatının 10 ilini Xocalı faciəsinə həsr olunmuş bu əsərlərin yaradılmasına həsr etdiyini bildirib və boyalar vasitəsilə müəllifin bu faciənin ağrısını çatdırmağa çalışdığını qeyd edib. o, 2002-ci ildə Xocalı faciəsinin 10-cu ildönümü münasibətilə bu əsərlərdən ibarət sərginin Milli İncəsənət Muzeyində nümayiş etdirildiyini xatırladıb. Həmçinin cari ildə rəssamın 90 illik yubileyinin ölkədə qeyd ediləcəyi də vurğulayıb.
20-02-2024, 20:39
Paşinyan Fransaya səfər edəcək
Ermənistanın Baş naziri Nikol Paşinyan Fransaya səfər edəcək.
Bu barədə Fransa mətbuatı yazıb.
Sabah baş tutacaq səfər zamanı Paşinyanın Fransa Müqavimət hərəkatının erməni əsilli döyüşçüsü Misak Manuşyan və arvadı Melinin təkrar dəfn mərasimində iştirak edəcəyi gözlənilir.
Səfərlə bağlı hələlik rəsmi açıqlama verilməyib.
20-02-2024, 20:17
Prezident seçkilərindən sonra komissiyaların 84 üzvü yorğunluqdan öldü
Fevralın 14-də İndoneziyada keçirilən prezident seçkilərindən sonra seçki komissiyalarının 84 üzvü yorğunluqdan ölüb.
Bu barədə yerli mətbuat məlumat yayıb.
Bildirilir ki, 4567-dən çox komissiya üzvü tibbi yardıma müraciət edib.
İndoneziya mərkəzi seçki komitəsi üzvləri üçün yaş məhdudiyyəti qoymasına və onların tibbi müayinədən keçməsini tələb etməsinə baxmayaraq, proses onlarla insanın həyatına son qoyub. İşçilərin ölümünə səbəb həddindən artıq yorğunluğun nəticələri olub.
Ümumilikdə 5 milyona yaxın könüllü səsvermə üçün məntəqələrin işini təmin edib və səslərin hesablanmasında iştirak edib.
2019-cu il seçkiləri 500-dən çox işçinin ölümü ilə nəticələnib.
İndoneziyada 204 milyondan çox insan səsvermə hüququna malikdir. Ölkə üzrə 820 mindən çox seçki məntəqəsi yaradılıb.
Yeni seçilmiş prezident Prabovo Subianto oktyabrda vəzifəsinin icrasına başlayacaq.
20-02-2024, 19:38
Azərbaycan və Ermənistan XİN başçılarının görüş tarixiylə bağlı açıqlama verildi
Ermənistan və Azərbaycan XİN başçılarının görüşünün yeri və tarixi barədə müzakirələr aparılır.
Bunu Ermənistan Xarici İşlər Nazirliyinin sözçüsü Ani Badalyan bildirib
“Tərəflər razılığa gəlir, yekun razılıq əldə olunarsa, əlavə məlumat verəcəyik”, - XİN-in sözçüsü “Azatutyun”a deyib.
Qeyd edək ki, Azərbaycan və Ermənistan liderlərinin Münhendə keçirilmiş ikitərəfli görüşündə hər iki ölkənin xarici işlər nazirlərinə tapşırılıb ki, onlar yenidən yaxın zamanda görüşsünlər, sülh müqaviləsi ilə bağlı danışıqları davam etdirsinlər.
Eyni zamanda, xarici işlər nazirlərinə sərhədlərin delimitasiyasına dair danışıqların davam etdirilməsi ilə bağlı tapşırıq verilib.
20-02-2024, 19:31
Mehriban Əliyevanın dəstəyi olmasaydı, mən bu gün əlil ola bilərdim - Cavanşir Quliyev
Azərbaycan dövləti, xüsusilə Heydər Əliyev Fondunun prezidenti, Azərbaycanın birinci xanımı Mehriban Əliyevanın dəstəyi olmasaydı, ən yaxşı halda mən bu gün əlil ola bilərdim. Səhhətimdə yaranan problemlər məhz Mehriban xanımın yüksək diqqət və qayğısı, dövlətimizin dəstəyi nəticəsində aradan qaldırıldı. Bunun üçün Mehriban xanıma xüsusi təşəkkürümü bildirirəm.
Bu fikirləri Heydər Əliyev Fondu tərəfindən Türkiyədə müalicə olunan Azərbaycanın Əməkdar incəsənət xadimi, bəstəkar Cavanşir Quliyev AZƏRTAC-a açıqlamasında ifadə edib.
Səhhəti ilə bağlı danışan bəstəkar deyib: “Sağlamlıq hər kəs üçün çox vacibdir, lakin, bəzən bunu unuduruq. Səhhətimdəki narahatlıq eyni vaxtda üç problemin yaranmasından irəli gəldi. Hazırda səhhətim qaydasındadır. Müalicə müddəti çox ağır idi. Bu müddət ərzində üç əməliyyat keçirdim. Mənim üçün ən sevindirici hal o oldu ki, əməliyyatlar nəticəsində hansısa qalıcı problem yaranmadı, hətta əvvəlki narahatlıqlarım da aradan qaldırıldı. Burada da əsas olan yardımın vaxtında edilməsi idi. Bu çətin vaxtda mənə dəstək olanlara minnətdaram”.
20-02-2024, 17:49
Şarl Mişel Paşinyanla sülh mövzusunu müzakirə etdi
Avropa İttifaqı Şurasının Prezidenti Şarl Mişel Ermənistanın Baş naziri Nikol Paşinyanla telefon danışığı aparıb.
Bu barədə Mişel özünün "X" hesabında yazıb.
Telefon danışığı zamanı Aİ-Ermənistan münasibətlərini və Ermənistanla Azərbaycan arasında münasibətlərin normallaşması müzakirə olunub.
“Cənubi Qafqaz üçün sülh, sabitlik və rifah gündəliyi Aİ-nin gündəmində əsas yer tutur”, - Mişel bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!