23-03-2024, 19:33
Ərdoğan rusiyalı həmkarıyla telefon danışığı apardı
Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə telefon danışığı aparıb.
Bu barədə Türkiyə Prezidentinin mətbuat xidməti məlumat yayıb.
Ərdoğan Moskvada baş verən terror aktına görə Putinə dərin hüznlə başsağlığı verib.
"Günahsız insanları alçaqcasına hədəf alan mənfur terror aktını ən sərt ifadələrlə qınayan, Rusiya xalqına başsağlığı və səbr diləyən prezident Ərdoğan hücumun bölgədəki böhranların bir an əvvəl sülh yolu ilə aradan qaldırılmasının vacibliyini ortaya qoyduğunu söyləyib", - açıqlamada bildirilir.
Ərdoğan Türkiyənin Rusiya ilə terrora qarşı mübarizə sahəsində əməkdaşlığı inkişaf etdirməyə hazır olduğunu bildirib.
23-03-2024, 19:07
"Crocus City Hall"a dəymiş ziyanın məbləği açıqlandı
Rusiya Ticarət Mərkəzləri İttifaqı hücum nəticəsində "Crocus City Hall"a dəymiş ziyanı 9,5-11,4 milyard rubl (102-120 milyon dollar) qiymətləndirir.
Bu barədə RİA agentliyi məlumat yayıb.
Bildirilir ki, 1 kvadratmetr üçün ən azı 200 min rubl ziyan dəyib.
O da bildirilir ki, “Crocus City Hall” Moskvanın ən yaxşı konsert salonlarından biri olub.
Qeyd edək ki, ötən gün axşam Moskvadakı “Crocus City Hall”da törədilən terror aktı nəticəsində ölənlərin sayı 115 nəfərə çatıb.
23-03-2024, 18:38
Sahibə Qafarova İsveçrəyə işgüzar səfərində həmkarıyla görüşdü
Parlamentlərarası İttifaqın Cenevrədə keçirilən 148-ci Assambleyası çərçivəsində İsveçrə Konfederasiyasında işgüzar səfərdə olan Milli Məclisin sədri Sahibə Qafarova martın 23-də Syerra-Leone Respublikası Parlamentinin sədri Abass Çernor Bundu ilə görüşüb.
Görüşdə parlametlərarası əlaqələrin inkişafı imkanları, həmçinin beynəlxalq təşkilatlar çərçivəsində əməkdaşlığın əhəmiyyəti barədə fikir mübadiləsi aparılıb.
Söhbət zamanı Qoşulmama Hərəkatının və Parlament Şəbəkəsinin fəaliyyətində Azərbaycanın vacib rolu qeyd olunub. Diqqətə çatdırılıb ki, Azərbaycanın Qoşulmama Hərəkatına sədrliyi dövründə bu təşkilatın institusional inkişafı istiqamətində mühüm addımlar atılıb. Xatırladılıb ki, Azərbaycan Prezidenti İlham Əliyevin təşəbbüsü ilə Qoşulmama Hərəkatının Parlament Şəbəkəsi və Qoşulmama Hərəkatının Gənclər Təşkilatı təsis edilib.
Milli Məclisin sədri Sahibə Qafarova bildirib ki, Qoşulmama Hərəkatı Parlament Şəbəkəsi parlament diplomatiyasının inkişafında, təşkilata üzv ölkələrin qanunverici orqanları arasında əlaqələrin genişləndirilməsində, eləcə də bəşəriyyəti narahat edən bir sıra məsələlərin həlli üçün həmrəylik göstərilməsində mühüm platforma rolunu oynayır.
Syerra-Leone Parlamentinin spikeri Abass Çernor Bundu Qoşulmama Hərəkatı Parlament Şəbəkəsinin fəaliyyətinin genişləndirilməsində göstərdiyi təşəbbüs və səylərinə görə təbriklərini çatdıraraq bildirib ki, Azərbaycanın sədrliyi bu təşkilata yeni nəfəs verib və təşkilatın fəaliyyətində yeni istiqamətlər müəyyənləşdirib. Qeyd olunub ki, Qoşulmama Hərəkatı Parlament Şəbəkəsinin diqqət ayırdığı məsələlər yeni çağırışlarla üst-üstə düşür, xüsusilə dekolonilaziya məsələsində Azərbaycanın mövqeyi təqdir olunub.
Parlamentlərarası əlaqələrin inkişafının əhəmiyyətinin qeyd olunduğu görüşdə bildirilib ki, istər Parlamentlərarası İttifaq, istərsə də digər beynəlxalq təşkilatlar çərçivəsində keçirilən görüşlər və qurulan dialoq hər iki ölkənin qanunverici orqanları arasında əlaqələrin dərinləşdirilməsinə xidmət edir.
Görüşdə qarşılıqlı maraq doğuran digər məsələlər barədə də fikir mübadiləsi aparılıb.
23-03-2024, 18:06
Putin 24 martı Ümumxalq hüzn günü elan etdi
Qanlı terror aktı nəticəsində zərərçəkən bütün ailələrə, yaralılara və xəsarət alanlara lazımi yardım göstərəcəyik. Yaxınlarını itirən hər kəsə dərindən, səmimi başsağlığı verirəm. Bütün ölkə, bütün xalqımız sizinlə birlikdə ağlayır. 24 martı Ümumxalq hüzn günü elan edirəm.
Bu sözləri Rusiya Prezidenti Vladimir Putin xalqa müraciətində səsləndirib.
“Moskvada və ətrafında, ölkənin bütün bölgələrində təxribat əleyhinə əlavə tədbirlər tətbiq edilib. İndi əsas məsələ bu qan gölünün arxasında duranların yeni cinayət törətməsinin qarşısını almaqdır”, - deyə o əlavə edib.
Qeyd edək ki, ötən gün axşam Moskvadakı “Crocus City Hall”da törədilən terror aktı nəticəsində ölənlərin sayı 115 nəfərə çatıb.
23-03-2024, 17:52
Səfirlik terror zamanı ölən Vüqar Hüseynovla bağlı araşdırma aparır
“Crocus City Hall”da baş vermiş terror aktı ilə əlaqədar səfirliyimizə heç bir müraciət daxil olmayıb”.
Bu barədə Azərbaycanın Rusiyadakı Səfirliyi məlumat yayıb.
Bildirilib ki, ötən gün “Crocus City Hall” konsert zalında baş vermiş terror aktı ilə əlaqədar səfir Polad Bülbüloğlu tərəfindən bayram günlərinə baxmayaraq, bütün məsul işçilərə diplomatik nümayəndəlikdə iş yerlərində toplaşmaq göstərişi verilib.
Dəstək üçün vətəndaşlarımıza müraciət edildiyi təqdirdə təcili yardımın göstərilməsi məqsədilə gecə növbətçiliyi təşkil edilib, lakin hazırda səfirliyə heç bir müraciət daxil olmayıb.
“Hücum nəticəsində yaralananlar haqqında ilk məlumatlar aşkarlanmağa başlayan kimi səfirlik açıqlanan bütün məlumatları diqqətlə izləyib. İlkin siyahılarda adı çəkilən Sevinc Rüstəmova yenilənmiş siyahılarda artıq qeyd olunmayıb. Lakin həlak olanların siyahısında 1983-cü il təvəllüdlü Hüseynov Vüqar Fuad oğlu adlı azərbaycanlı, ehtimal ki, Rusiya vətəndaşı vardır.
Hazırda Azərbaycan Səfirliyi bu informasiyanın aydınlaşdırılması üçün bütün lazımi tədbirləri görür, o cümlədən öldürülən şəxsin cəsədinin yeri, habelə mərhumun qohumları və tanışları haqqında məlumatlar toplanılır. Yeni məlumat əldə edilən kimi, dərhal səfirliyin teleqram kanalında yerləşdirəcək”, - açıqlamada qeyd olunub.
23-03-2024, 17:39
Moskvada terror zamanı ölənlərin sayı açıqlandı
Moskvada terror aktı nəticəsində ölənlərin sayı 133-ə çatıb.
Bunu Rusiya İstintaq Komitəsi bildirib.
Qeyd olunub ki, “Crocus City Hall”da dağıntıların bir hissəsi təmizlənib. Nəticədə ölənlərin sayının 133 nəfərə çatdığı məlum olub. Axtarış tədbirləri davam edir.
Terror aktı nəticəsində yaralanan 107 nəfər isə xəstəxanalarda müalicə olunur, onlardan üçü uşaqdır.
23-03-2024, 17:17
Kiyev ruslara qarşı aktiv terror həyata keçirir - Zaxarova
Kiyev rejimi son illər ruslara qarşı aktiv və sistemli terror fəaliyyəti həyata keçirir.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın "Crocus City Hall"da baş vermiş terror aktı ilə bağlı xaricdən gələn başsağlığı və dəstək mesajlarını şərh edərkən deyib.
"Ötən illər ərzində Kiyev rejimi Rusiya vətəndaşlarına qarşı aktiv və sistemli terror fəaliyyəti həyata keçirir: yaşayış məntəqələrini, o cümlədən uşaq bağçalarını, məktəbləri, tibb müəssisələrini sistematik atəşə tutmaq; əhəmiyyətli mülki infrastruktura, o cümlədən nəqliyyat və enerji obyektlərinə hücumlar; ictimai xadimlərə və jurnalistlərə qarşı sui-qəsdlər olub”, - diplomat qeyd edib
23-03-2024, 17:05
Putin: “Birliyimizi heç kim və heç nə sarsıda bilməz”
“Bizim birliyimizi, iradəmizi heç kim və heç nə sarsıda bilməz”.
Bunu Rusiya Prezidenti Vladimir Putin Moskvadakı terror aktından sonra televiziya vasitəsilə yayımlanan çıxışında deyib.
“Bizim qətiyyətimiz və cəsarətimiz, birləşmiş Rusiya xalqının gücü. Çoxmillətli cəmiyyətimizə heç kim zəhərli nifaq, çaxnaşma və nifaq toxumu səpə bilməyəcək.
Rusiya dəfələrlə çətin, bəzən dözülməz sınaqlardan keçib, lakin daha da güclənib. İndi də belə olacaq”, — Putin vurğulayıb.
23-03-2024, 16:52
Aidiyyəti orqanlar terroru törədənləri cəzalandıracaq - Putin
Hüquq-mühafizə orqanları Moskva yaxınlığındakı “Krokus Siti Holl”da terror aktı hazırlayan və ya orada iştirak edən hər kəsi müəyyən edib cəzalandıracaq.
Bunu Rusiya Prezidenti Vladimir Putin Moskvadakı terror aktından sonra televiziya vasitəsilə yayımlanan çıxışında deyib.
“Bu cinayətin bütün icraçıları, təşkilatçıları və sifarişçiləri kimliyindən, kimin istiqamətləndirməsindən asılı olmayaraq ədalətli və qaçılmaz cəza alacaqlar. Biz Rusiyaya qarşı bu hücumu hazırlayan terrorçuların arxasında duran hər kəsi müəyyən edib cəzalandıracağıq”, - Putin çıxışında qeyd edib.
23-03-2024, 16:34
Rusiyada milli matəm günü elan olundu
Prezident Vladimir Putin martın 24-nü Rusiyada milli matəm günü kimi elan edib.
V.Putin bunu xalqa müraciətində səsləndirib.
O, “Crocus”da terror aktını törədən 4 nəfərin hamısının saxlanıldığını deyib. Putin onların Ukraynaya qaçmağa cəhd etdiyini deyib.
Qeyd edək ki, bu gün Rusiya Prezidenti Moskvada baş verən terror aktı ilə bağlı xalqa müraciət edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!