9-03-2026, 15:24
Gəncədə iki maşın toqquşdu: Xəsarət alanlar var
Gəncədə yol-nəqliyyat hadisəsi baş verib.
Qəza şəhərin Şah İsmayıl Xətai prospektində qeydə alınıb.
Belə ki, hərəkətdə olan "Hyundai "ilə "VAZ 21010" markalı minik maşınları toqquşub. Qəza zamanı bir neçə nəfər xəsarət alıb.
Yaralılar xəstəxanaya yerləşdirilib. Hadisə yerinə polis əməkdaşları cəlb edilib. Faktla bağlı araşdırma aparılır.
9-03-2026, 15:07
Adanadakı ABŞ konsulluğundan təxliyə başladı
ABŞ Türkiyənin Adana şəhərindəki konsulluq işçilərinin bir hissəsini təxliyə edir.
Bu barədə Dövlət Departamenti məlumat yayıb.
"Adanadakı (Cənubi Türkiyə) ABŞ konsulluğunun əsas olmayan işçilərinin və konsulluğun əməkdaşlarının ailə üzvləri təxliyə ediləcək".
Səbəb olaraq İranla artan münaqişə fonunda təhlükəsizlik riskləri göstərilir. Dövlət Departamenti Türkiyə üçün səyahət tövsiyəsini 2 səviyyəsində saxlayır ("artan ehtiyat").
Xatırladaq ki, Adana şəhəri Suriya ilə sərhəd yaxınlığında yerləşir və regionda mühüm logistika mərkəzidir.
9-03-2026, 14:47
Ceyhun Bayramov almaniyalı həmkarı ilə Yaxın Şərqi müzakirə etdi
Almaniya Federativ Respublikasının xarici işlər naziri Yohan David Vadeful Azərbaycan Respublikasının xarici işlər naziri Ceyhun Bayramova zəng vurub.
Bu barədə Xarici İşlər Nazirliyindən məlumat verilib.
Bildirilib ki, tərəflər regionda mövcud təhlükəsizlik vəziyyətini və Yaxın Şərqdə artan gərginliyin regional və qlobal təhlükəsizliyə təsirlərini müzakirə ediblər.
Almaniya naziri İranın ölkəmizə qarşı həyata keçirdiyi dron hücumlarından narahatlığını ifadə edib, hücumları qətiyyətlə pisləyib, ölkəmizlə həmrəy olduğunu bildirib.
Almaniya naziri ölkəsinin vətəndaşlarının İrandan təxliyəsi istiqamətində göstərilən dəstəyə görə Azərbaycan tərəfinə təşəkkür edib.
Telefon danışığı zamanı həmçinin Azərbaycan–Almaniya ikitərəfli münasibətlərinin inkişaf perspektivləri, eləcə də qarşılıqlı maraq doğuran digər regional məsələlər ətrafında fikir mübadiləsi aparılıb.
9-03-2026, 14:41
Doqquz nəfər imtahandan çıxarıldı
Bu gün Dövlət İmtahan Mərkəzinin 11 illik orta təhsil səviyyəsi üzrə keçirdiyi buraxılış imtahanında 9 nəfər mobil telefon aşkarlandığı üçün imtahandan xaric edilib.
Qeyd olunan hallar protokollaşdırılıb və araşdırma aparılır.
Martın 10-dan etibarən DİM-də imtahan protokolları və cavab vərəqlərinin emalına başlanılacaq. İmtahanlarda istifadə olunan yazılı cavab tələb edən açıq tipli tapşırıqların yoxlanılması vaxt tələb etdiyindən nəticələrin yaxın 7 həftə ərzində elan olunması nəzərdə tutulur.
9-03-2026, 14:20
Paşinyan Təhlükəsizlik Şurasının iclasını çağırdı
Ermənistan Təhlükəsizlik Şurasının iclası keçirilib.
Bu barədə Ermənistan Baş nazirinin mətbuat katibi Nazeli Baqdasaryan “Facebook”da bildirib.
Baş nazir Nikol Paşinyanın sədrliyi ilə keçirilən iclasda parlamentin sədri Alen Simonyan və digər rəsmi şəxslər iştirak ediblər.
Təhlükəsizlik Şurasının iclasında bölgədəki vəziyyət müzakirə edilib.
9-03-2026, 14:12
Putin Müctəba Xameneini təbrik etdi
Rusiya Prezidenti Vladimir Putin İranın Ali Lideri seçilməsi münasibətilə Müctəba Xameneini təbrik edib.
Bu barədə Kremlin saytında bildirilib.
Putinin təbrikində deyilir: "İran İslam Respublikasının Ali Lideri Zati-aliləri Ayətullah Seyid Müctəba Hüseyni Xameneiyə... İran İslam Respublikasının Ali Lideri seçilməyiniz münasibətilə səmimi təbriklərimi qəbul edin".
9-03-2026, 13:54
ABŞ rəsmilərinin İsrailə səfəri ləğv edildi
ABŞ Prezidenti Donald Trampın Yaxın Şərq üzrə xüsusi nümayəndəsi Stiv Uitkoff və Cared Kuşnerin İsrailə sabah nəzərdə tutulan səfəri ləğv edilib.
Bu barədə “The Jerusalem Post”a məlumatlı mənbələr bildirib.
Qeyd edək ki, Uitkoffla Kuşnerin İsrailə səfəri zamanı Netanyahu ilə görüşü planlaşdırılırdı.
9-03-2026, 13:48
ABŞ diplomatlarını Səudiyyə Ərəbistanından çıxarır
ABŞ Dövlət Departamenti Səudiyyə Ərəbistanında fəaliyyət göstərən bəzi diplomatlara və digər dövlət işçilərinə bu ölkəni tərk etməklə bağlı tapşırıq verib.
Bu barədə ABŞ Dövlət Departamenti məlumat yayıb.
"Dövlət Departamenti fövqəladə vəzifələrə aid olmayan tapşırıqları yerinə yetirən ABŞ dövlət qulluqçularına, həmçinin onların ailə üzvlərinə təhlükəsizlik təhdidi səbəbi ilə Səudiyyə Ərəbistanını tərk etməyi tapşırıb", - deyə məlumatda bildirilib.
ABŞ hakimiyyəti daha əvvəl vətəndaşlarına İranın raket və PUA hücumları təhlükəsi səbəbindən Səudiyyə Ərəbistanına səfər planlarını yenidən nəzərdən keçirməyi tövsiyə etmişdi.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
9-03-2026, 13:43
Paşinyan Avropa Parlamentində nə danışacaq? - TƏFƏRRÜAT
Ermənistanın Baş naziri Nikol Paşinyan çərşənbə günü Avropa Parlamentində çıxış edəcək.
Bu haqda Avropa Parlamentinin saytında bildirilib.
“Bu, Nikol Paşinyanın Ermənistanda 7 iyun 2026-cı ildə keçiriləcək parlament seçkiləri öncəsi ilk çıxışı olacaq. Gözlənilir ki, bu seçkilər ölkənin Avropa İttifaqı ilə sürətlə dəyişən münasibətlərinin gələcək inkişaf istiqamətini və qonşu Azərbaycanla sülh prosesinin taleyini müəyyən edəcək”, - deyə saytda qeyd edilib.
Əlavə olunub ki, Ermənistan hökuməti Bakı ilə davamlı sülhün əldə olunmasına və Türkiyə ilə münasibətlərin normallaşdırılmasına, Qərblə yaxınlaşmaya və gələcəkdə Avropa İttifaqına mümkün üzvlüyə sadiqdir.
Qeyd olunur ki, hazırda Avropa İttifaqı (Aİ) Ermənistanla viza rejiminin liberallaşdırılması üzrə dialoq aparır və 5 may tarixinə Aİ-Ermənistan sammiti planlaşdırılıb.
Bu, Paşinyanın 2023-cü ildəki səfərindən sonra Avropa Parlamentində ikinci çıxışı olacaq.
9-03-2026, 13:40
Vətən sevdalıları ilə
ilə görüş keçirildi
7 mart 2026- cı il tarixində Bakı Şəhər Mədəniyyət Baş İdarəsinin nəzdində fəaliyyət göstərən Vəli Məmmədov adına Mədəniyyət Evində Mirvarid Dilbazi Poeziya Dərnəyinin təşəbbüsü və təşkilatçılığı ilə 8 Mart Beynəlxalq Qadınlar Bayramı Günü münasibəti ilə Birinci Qarabağ müharibəsinin iştirakçısı, polis mayoru, qazi, şair Aidə Şirinova və şəhid Mehman Musayevin nişanlısı Sevda Əliyeva ilə görüş keçirildi.
Tədbirin əvvəlində dövlət himni səsləndirildi. Vəli Məmmədov adına Mədəniyyət evinin nəzdində fəaliyyətə başlayan Mirvarid Dilbazi Poeziya Dərnəyinin rəhbəri Güllü Eldar Tormarlı qonaqları salamladı.Keçirilən tədbir haqqında geniş məlumat verdi.
Vətən yolunda canından keçən şəhidlərimizin əziz xatirəsi bir dəqiqəlik sükutla yad edildi.
Tədbirdə Xətai Rayon Ağsaqqallar Şurasının sədri, şəhid atası Mürvət Əsgərov, Prezident təqaüdçüsü, əmək qəhrəmanı Tərlan Musayeva, Qazi Nadir Həsənoğlu, Mirvarid Dilbazi Poeziya Məclisi İB idarə heyətinin üzvü Azadə Quliyeva, şairlərdən Tamam Yaralı, Esmira Aslanxanlı çıxış etdilər.
Tədbirin gedişində söz 1- ci Qarabağ müharibəsinin iştirakçısı Aidə Şirinovaya və Mehman Musayevin nişanlısı Sevda Əliyevaya verildi. Onlar gənclərin onlarla görüşə gəlişini ürəkdən alqışladılar. Gənclərin onlara ünvanladığı maraqlı sualları cavablandırdılar.
Daha sonra ''Əbədi Tədbirlər Birliyi'' nin üzvləri Sevda xanım və Aida xanım üçün əl işindən ibarət hazırladıqları gül dəstəsi hədiyyə etdilər.
Mirvarid Dilbazi Poeziya Dərnəyinin üzvləri - Zakir Əhmədov adına 64 saylı tam orta məktəbinin şagirdləri Zəhra Əzimova və Mədinə Hüseynli şeir söylədilər.
Dərnək rəhbəri Güllü Eldar Tomarlı bayram münasibəti ilə xanımları təbrik etdi və Bakı Mədəniyyət Baş idarəsinə, tədbir iştirakçılarına təşəkkürünü bildirdi.
Sonda xatirə şəkli çəkildi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!