15-03-2026, 10:32
Tehran böyük güzəştlərə hazır idi - Əraqçi
"Tehran ABŞ-nin hücumundan əvvəl nüvə proqramında böyük güzəştlərə getməyə hazır idi".
Bunu İranın xarici işlər naziri Abbas Əraqçi MS NOW-a verdiyi müsahibədə deyib.
O, Tehran və Vaşinqtonun 26 fevralda Cenevrədə baş tutan danışıqlarda irəliləyiş əldə etdiyini qeyd edib.
Nazir əlavə edib ki, bu danışıqlar zamanı o, 60%-ə qədər zənginləşdirilmiş 440 kq material elan edib ki, bu da daha da zənginləşdirilərsə, on bomba üçün kifayət edə bilər. Lakin Əraqçinin sözlərinə görə, İran bundan imtina etməyə və onu daha aşağı səviyyəyə endirməyə hazır idi.
“Bunu deməklə göstərmək istəyirdim ki, etdiyimiz güzəşt həqiqətən də əladır, amma bunu necə şərh etdiklərini bilmirəm...” - deyə nazir bildirib.
15-03-2026, 10:23
Türkiyənin məqsədi münaqişəyə qatılmamaqdır - Hakan Fidan
Türkiyənin xarici işlər naziri Hakan Fidan ölkəsinin mövcud regional gərginlik fonunda əsas prioritetinin münaqişədən kənarda qalmaq olduğunu bildirib.
Nazirin sözlərinə görə, Ankara müxtəlif təxribatlarla üzləşə bilər, lakin buna baxmayaraq Türkiyənin strateji məqsədi müharibənin tərəfi olmamaqdır.
Ankaranın əsas məqsədi münaqişədən kənarda qalmaqdır. Təxribatlara məruz qalacağımızı və bunun davam edəcəyini bilirəm, lakin məqsədimiz budur. Biz bu müharibənin kənarında qalmaq istəyirik”, - Hakan Fidan qeyd edib.
Nazir vurğulayıb ki, Türkiyə regionda sabitliyin qorunmasını və gərginliyin daha da artmamasını prioritet hesab edir.
15-03-2026, 10:15
Bakıda yanğın - 8 nəfər təxliyə olundu
Fövqəladə Hallar Nazirliyinin "112" qaynar telefon xəttinə Bakı şəhəri, Nizami rayonu, T.Abbasov küçəsində yerləşən çoxmərtəbəli yaşayış binasında yanğın baş verməsi barədə məlumat daxil olub.
Nazirlikdən verilən xəbərə görə, məlumatla əlaqədar dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Hadisə yerində əməliyyat şəraitinin qiymətləndirilməsi zamanı yanğının onsəkkizmərtəbəli yaşayış binasının 15-ci mərtəbəsində yerləşən mənzildə baş verdiyi və digər mənzillərə keçmə ehtimalının olduğu müəyyən edilib.
FHN qüvvələrinin operativ müdaxiləsi sayəsində yanğın genişlənməsinə imkan verilmədən qısa müddətdə söndürülüb.
Yanğın nəticəsində ümumi sahəsi 71 kv.m olan üçotaqlı mənzilin yanar konstruksiyaları 50 kv.m. sahədə yanıb. Xilasedicilər tərəfindən xəsarət almış bir nəfər xilas edilərək təcili tibbi yardım briqadasına təhvil verilib, həmçinin 8 nəfər bina sakini təxliyə edilib. Mənzilin qalan hissəsi və qonşu mənzillər yanğından mühafizə edilib.
15-03-2026, 10:11
Ukrayna Rusiyanın neft anbarını BOMBALADI
Ukrayna Ordusu Rusiyada neft bazasına zərbə endirib.
Bu barədə Krasnodar diyarının Operativ Qərargahı məlumat yayıb.
Qeyd edilib ki, Tixoretsk şəhəri ətrafında neft bazasına pilotsuz uçuş aparatının qalıqlarının düşməsi nəticəsində yanğın başlayıb.
15-03-2026, 10:06
İranın "Gerçək vəd" əməliyyatının növbəti dalğası başladı
İran ordusu İsrailin regional komandanlıq və nəzarət mərkəzlərinə qarşı hücumun 53-cü dalğasını həyata keçirib.
Bu barədə "Tasnim" agentliyi İslam İnqilabı Keşikçiləri Korpusuna (SEPAH) istinadən məlumat yayıb.
Bildirilib ki, "Gerçək vəd 4" əməliyyatının 53-cü dalğası çərçivəsində ABŞ-nin hərbi bazası da hədəf alınıb. "Hücumlarda 10 ədəd "Fəttah" və "Qədr" hipersəs raketləri, həmçinin pilotsuz uçuş aparatlarından istifadə olunub",- məlumatda qeyd olunub.
SEPAH açıqlayıb ki, ABŞ və İsrail təslim olana qədər hücumlar davam etdiriləcək.
Qeyd edək ki, fevralın 28-də ABŞ və İsrail İrana hava zərbələri endirib. Bundan sonra SEPAH ABŞ-nin regiondakı hərbi bazaları və İsrail ərazisini hədəf alıb.
15-03-2026, 09:49
Küveyt aeroportu yenə vuruldu
Küveyt Beynəlxalq Hava Limanına PUA-larla hücum edilib.
Bu barədə Küveytin Mülki Aviasiya İdarəsi məlumat yayıb.
Qeyd olunub ki, bir neçə pilotsuz uçuş aparatının hücumu nəticəsində radar sistemi zədələnib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!