17-03-2026, 16:28
Paşinyan təcili iclas çağırdı
Paşinyan Yaxın Şərqdəki müharibə fonunda Ermənistan Təhlükəsizlik Şurasının iclasını keçirib.
İclasda Təhlükəsizlik Şurasının üzvlərindən əlavə, prezident Vaaqn Xaçaturyan, parlamentin sədri Alen Simonyan və digər rəsmi şəxslər iştirak ediblər.
İştirakçılar regiondakı vəziyyəti və mövcud hadisələri müzakirə ediblər.
17-03-2026, 16:16
Bu şəhər Azərbaycanın “İdman paytaxtı” seçildi
Gənclər və İdman Nazirliyinin 17 mart tarixli Kollegiya iclasında 2027-ci il üçün "İdman Paytaxtı” seçilib.
Nazirlikdən verilən məlumata görə, namizəd şəhərlərin təqdimatlarından sonra Yevlax şəhəri gələn il üçün ölkəmizin “İdman Paytaxtı” seçilib.
17-03-2026, 16:12
Onlar Azərbaycanın 2026-cı il üçün “İdman səfiri” seçildilər - SİYAHI
Gənclər və İdman Nazirliyinin Kollegiya iclası keçirilib.
Nazirlikdən bildirilib ki, nazir Fərid Qayıbovun sədrliyi ilə keçirilən iclasda gündəliyə əsasən bir sıra məsələlər müzakirə olunub və müvafiq qərarlar qəbul edilib.
Tədbirdə 2026-cı il üçün “İdman səfirləri” və 2027-ci il üçün “İdman Paytaxtı” seçimi ilə əlaqədar namizədlərin təqdimatları dinlənilib, səsvermə keçirilib.
Gənclər və İdman Nazirliyinin Kollegiya qərarı ilə Ülviyyə Fətəliyeva (şahmat), Vəfa Musayeva (alpinizm), Aynur Yusifova (gimnastika), Dadaş Dadaşbəyli (ağırlıqqaldırma) və Elçin Əsədov (velosiped idmanı) 2026-cı il üçün “İdman səfiri” seçiliblər.
Yevlax şəhəri isə 2027-ci il üçün Azərbaycanın “İdman Paytaxtı” seçilib.
17-03-2026, 16:06
Müctəba Xamenei ABŞ və İsrail üçün hərbi hədəfdir - Con Bolton
Əgər İranın yeni Ali Lideri ölərsə və ya ölkəni idarə etməyə davam edə bilməsə, bu, mövcud sistemin çökməsinə səbəb ola bilər.
Bunu həmişə İrana və müharibəyə qarşı sərt siyasətin aparıcı tərəfdarı olmuş ABŞ prezidentinin keçmiş milli təhlükəsizlik müşaviri Con Bolton xarici KİV-ə müsahibəsində bildirib.
"Hamı düşünürdü ki, Ayətullah Əli Xameneinin ölümündən sonra varislik böhranı yaranacaq, çünki inqilabdan bəri yalnız bir varislik olub və o, İslam Respublikasının ikinci ali lideri olub. İndi biz varislik böhranının kəskinləşməsini sürətləndirdik və Müctəba Xameneinin seçilməsi vəziyyətin nə qədər çətin olduğunu göstərir. Əgər Müctəba Xamenei ölərsə və ya ölkəni idarə etməyə davam edə bilməsə, yeni bir varislik böhranı yaranacaq. Bu an hətta avtoritar rejimi də çox tez bir zamanda devirməyə səbəb ola bilər", - Bolton bildirib.
Müctəba Xameneinin artıq təslim olmağı istisna etdiyini və İrana qarşı müharibəyə başladığı üçün qisas alacağını vəd etdiyini nəzərə alsaq, ABŞ və İsrailin nə edəcəyi soruşulduqda, Con Bolton onun hərbi hədəf olaraq qalacağını söyləyib.
"O, hazırda baş komandan və hökumətinin rəhbəri qanuni hərbi hədəfdir. Düşünmürəm ki, bu halda İranın təslim olması nəzərə alınmalıdır; mənim fikrimcə, məqsəd rejimin süqutu olmalıdır və yaxın gələcəkdə ən çox ehtimal olunan nəticə İran ordusunun nizami generallarından ibarət hərbi hökumətin yaradılması olacaq. Təkrar edirəm, İslam İnqilabı Keşikçiləri Korpusundan deyil, ölkədəki bu qeyri-sabit vəziyyətdə nizam-intizamı bərqərar edəcək və sonra İran xalqına gələcək konstitusiya idarəetmə modelini müəyyən etmək üçün məsləhətləşmə prosesində iştirak etməyə imkan verəcək nizami silahlı qüvvələrdən olan generallar. Düşünürəm ki, bu halda onlarla əlaqə qurmaq mümkün olardı", - Bolton deyib.
17-03-2026, 15:56
Xameneinin Moskvada olması təkzib edildi
İranın Rusiyadakı səfiri Kazem Cəlali yeni Ali Liderin müalicə üçün Moskvada olması ilə bağlı xəbərləri təkzib edib.
O, Facebook paylaşımında yazıb: "İnqilabın Ali Liderinin müalicə üçün Rusiyaya köçürülməsi xəbəri yeni psixoloji müharibədir".
Səfir əlavə edib ki, "İran liderlərinin qaçıb sığınacaqlarda gizlənməyə ehtiyacı yoxdur; onların yeri küçələrdə, xalq arasındadır".
O, həmçinin bir İran atalar sözünü xatırladıb: "Yalan danışmaq vərdişi yalançının ağlından heç vaxt çıxmır, amma bir İran atalar sözü deyir ki, yalançının yaddaşı qısadır və unutqandır".
Bir gün əvvəl Rusiya Prezidentinin mətbuat katibi Dmitri Peskov Xameneinin Moskvaya mümkün gəlişi ilə bağlı xəbərlərə münasibət bildirməkdən imtina edib.
İran Xarici İşlər Nazirliyi yeni Ali Liderin ABŞ-İsrail hücumlarında yaralandığını, lakin vəziyyətinin qənaətbəxş olduğunu bildirib.
Möctəba Xamenei 28 fevralda ABŞ və İsrailin hava hücumlarında atası Ayətullah Əli Xameneinin öldürülməsindən sonra İranın yeni Ali Lideri seçilib. ABŞ İranın yeni lideri və digər əsas vəzifəli şəxslər haqqında məlumat verənə 10 milyon dollara qədər mükafat vəd edib.
17-03-2026, 15:25
202 nömrəli marşrutun avtobusları yenilənir
Bakının Biləcəri qəsəbəsini metronun "Azadlıq prospekti", "Gənclik" və "Nəriman Nərimanov" stansiyaları ilə əlaqələndirən 202 nömrəli müntəzəm marşrutda istismar olunan avtobusların bir qismi yenilənir.
Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə (AYNA) istinadən xəbər verir.
Məlumata görə, martın 18-dən sərnişinlərin xidmətinə veriləcək 11 böyüktutumlu "Yutong" markalı müasir avtobus CNG texnologiyası ilə təchiz olunub. Beləliklə, marşrut xəttində fəaliyyət göstərən bütün avtobuslar ekoloji təmiz nəqliyyat vasitələri olacaq.
Ümumilikdə 15 avtobus 8 dəqiqə hərəkət intervalı ilə sərnişinlərin ixtiyarında olacaq. Avtobuslarda ödəniş nağdsız qaydadadır. Gedişhaqqı 0,60 manat təşkil edir.
17-03-2026, 15:15
Netenyahu İran xalqını təbrik edib
İsrailin Baş naziri Benyamin Netanyahu İran xalqına Novruz bayramı münasibətilə videomesaj ünvanlayıb.
Bayram mesajı İsrail Baş Nazirinin Ofisinin sosial şəbəkə hesablarında paylaşılıb.
Netanyahu mesajında builki Novruzun xüsusi məna daşıdığını deyib:
“İranın cəsur xalqı, hər il olduğu kimi, sizə İşıqlar Festivalı ilə başlayan xoş bir bayram mövsümü arzulayıram.
Bu, İran xalqının işığın qaranlığa, xeyirin şərə qalib gələcəyinə dair qədim inancını ifadə edir.
Qoy bu il azadlıqla dolu olsun. Hamınıza ümidverici yeni başlanğıc arzulayıram”.
17-03-2026, 14:53
Xamenei atəşkəs təkliflərini rədd etdi
İranın Ali Rəhbəri ayətullah Müctəba Xamenei danışıqlar prosesində vasitəçi rolunu oynamış iki ölkə tərəfindən Tehrana ünvanlanmış gərginliyin azaldılması və ya ABŞ və İsrail ilə atəşkəs barədə təklifləri rədd edib.
“Reuters” adı açıqlanmayan yüksək vəzifəli iranlı məmura istinadən xəbər verir ki, Xamenei xarici siyasətlə bağlı ilk görüşündə ABŞ və İsrailə qarşı “sərt və ciddi” mövqe nümayiş etdirərək “qisas” tələb edib.
Qeyd edək ki, ABŞ və İran arasında nüvə proqramı ilə bağlı danışıqlarda konkret razılaşma əldə olunmadığına görə, 28 fevraldan etibarən ABŞ və İsrail İrana hərbi hava hücumlarına başlayıb. Buna cavab olaraq İran da həmin gündən etibarən İsrailə və ABŞ-nin region ölkələrindəki hərbi obyektlərinə raket və dronlarla hücum edib.
İrana hərbi hava hücumlarının ilk günündə İranın Ali Lideri Ayətullah Seyid Əli Xamenei, bir sıra yüksək vəzifəli hərbçilər ölüb. 8 martda İranın Ekspertlər Məclisi səsçoxluğu ilə Ayətullah Seyid Əli Xameneinin oğlu Seyid Muctaba Xameneini İranın 3-cü Ali Lideri seçib.
1-5 mart tarixlərində qarşıdurma daha da genişlənərək Yaxın Şərqin müxtəlif ölkələrini əhatə edib.
ABŞ tərəfinin itkisinin 13 ölü, 140-dan çox yaralı olduğu bildirilib.
Münaqişə nəticəsində regionun enerji infrastrukturu və dəniz nəqliyyatı da ciddi risk altına düşüb. Hörmüz boğazı ətrafında təhlükəsizlik gərginliyi səbəbindən dünya bazarında neft qiymətləri kəskin artıb və bir sıra ölkələr vətəndaşlarını regionu tərk etməyə çağırıb.
17-03-2026, 14:33
Sürət qatarına daş atan yeniyetmələr polisə çağırıldı
Bakı-Sumqayıt marşurutu üzrə hərəkət edən sürət qatarı hərəkətdə olan zaman ona daş atılması və şüşəsinin zədələnməsi barədə polisə məlumat daxil olub.
Bu barədə DİN-in mətbuat xidmətindən məlumat verilib.
Bildirilib ki, Dəmiryolu Nəqliyyatında Polis İdarəsinin əməkdaşları tərəfindən keçirilən tədbirlər nəticəsində əməli törətməkdə şübhəli bilinən dörd yeniyetmə müəyyən edilib. Onlar valideynləri ilə birlikdə polis orqanına dəvət olunublar. Yeniyetmələrlə profilaktik söhbətlər aparılıb və bu hərəkətlərin yarada biləcəyi təhlükə onların diqqətinə çatdırılıb.
Bir daha qeyd edək ki, qatara daş atılan zaman bu sərnişinlərin və qatar heyətinin həyatına ciddi təhlükə yaradır. Bir çox hallarda isə qrafikdə gecikmələr yaşanır və bu da sərnişinlərin mənzil başına gecikməsi ilə nəticələnir.
17-03-2026, 14:20
Putin 23 qadını əfv etdi
Rusiya Prezidenti Vladimir Putin 23 qadının əfvi ilə bağlı sərəncam imzalayıb.
Bu barədə Prezident yanında İnsan Hüquqları Şurasının (İHŞ) rəhbəri Valeri Fadeyev bildirib.
"Yadınızdadır, dekabr ayında prezidentlə görüşdə mümkün əfv məsələsi müzakirə olunmuşdu. Prezident 23 qadının əfvi ilə bağlı sərəncam imzalayıb. Əfv olunanlar xüsusi əməliyyatda iştirak edən uşaqları və qohumları olanlardır", - Fadeyev deyib.
“Əfv olunanların adları açıqlanmır; bu, şəxsi məlumatlardır”, - Fadeyev əlavə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!