18-03-2026, 15:58
İran qonşusuna raket və dronlar atıb
İrandan BƏƏ-yə bu gün 1 ballistik raket və 27 dron atılıb.
Bu barədə BƏƏ Müdafiə Nazirliyi məlumat yayıb.
Nazirlik həmçinin qeyd edib ki, hücumlar başlayandan bəri İran BƏƏ-yə 327 ballistik raket, 15 qanadlı raket və 1699 dron atıb.
18-03-2026, 15:52
Ermənistanla Azərbaycan ticarət danışığı aparır
Ermənistan Azərbaycana biznes təklifləri edib.
Bunu Ermənistanın iqtisadiyyat naziri Gevorq Papoyan yerli KİV-ə müsahibəsində deyib.
Ermənistanın Azərbaycana nə təklif etdiyi və Azərbaycanın Ermənistandan hansı malları ala biləcəyi ilə bağlı suala cavab olaraq Papoyan bildirib:
"Biz təkliflərimizi etmişik: artıq konkret bir məhsul var ki, onunla bağlı Azərbaycan və Ermənistanın biznes dairələri danışıqlar və müzakirələr aparır”.
18-03-2026, 15:30
Qurum 6 min işçini ixtisar edir
Rusiya Dəmir Yolları itkilər və yük daşımalarının azalması səbəbindən 6000 işçisini işdən çıxaracaq.
Bu barədə Rusiya Dəmir Yollarının baş direktoru Oleq Belozerov "İnterfaks" agentliyinə verdiyi müsahibədə deyib. O, mərkəzi ofis işçilərinin 15%-ni, o cümlədən filial rəhbərlərini işdən çıxaracağını açıqladı. "Təxminən 6000 nəfəri işdən çıxaracağıq", - deyə o bildirib. Belozerovun sözlərinə görə, bu və Rusiya Dəmir Yollarının digər tədbirləri 2026-cı ildə 74 milyard rubl qənaət etməyə imkan verəcək. O, işdən çıxarılmalara əlavə olaraq, plana yanacaq, elektrik enerjisi və təmir xərclərinin azaldılması, eləcə də bütün təşkilati strukturun yenidən qurulması daxildir, deyə bildirib.
Rusiya Dəmir Yollarının idarəetmə heyətini azaltmaq və yeni işçilərin işə götürülməsini məhdudlaşdırmaq planları 2025-ci ilin payızında elan edilmişdi. O zaman şirkət bunun "iş həcmlərinin azalması və çətin iqtisadi vəziyyət qarşısında" səmərəliliyi artırmaq üçün zəruri olduğunu bildirmişdi.
Qərar Rusiya Dəmir Yollarının maliyyə vəziyyətinin kəskin pisləşməsi fonunda qəbul edilib. 2020-ci ildən bəri ilk dəfə olaraq, daşıyıcı 4,4 milyard rubl xalis zərərlə üzləşib. Rusiya Dəmir Yollarının ümumi borcu 50 milyard dollara yaxınlaşıb və təkcə 2025-ci ilin ilk doqquz ayı üçün faiz xərcləri ikiqat artaraq 332 milyard rubla çatıb.
Vəziyyət Ukraynada müharibənin başlanğıcından bəri davam edən yük daşımalarının azalması ilə daha da ağırlaşıb: 2025-ci ilin sonuna qədər həcmlər 1,1 milyard tona düşüb ki, bu da 2009-cu ildən bəri ən aşağı göstəricidir.
18-03-2026, 15:26
Tanınmış aparıcılar AzTV-dən AYRILDI - FOTO
Bir müddət əvvəl maliyyə intizamsızlığı ilə gündəmə gələn Azərbaycan Dövlət Televiziyasının (AzTV) rəhbərliyi haqqında bu dəfə işçi əməyinin istismarı ilə bağlı xəbərlər yayılıb.
AzTV rəhbərliyi ikinci iş yerləri olan teleaparıcılara seçim təklif edib.
Belə ki, AzTV sədri Rövşən Məmmədov başqa dövlət qurumlarında mətbuat və ictimaiyyətlə əlaqələr şöbəsinə rəhbərlik edən bir sıra əməkdaşlara AzTV-də qalmağın yeganə şərti kimi ictimai əsaslarla işləməyi təklif edib.
Bu isə başqa qurumlarda mətbuat katibi çalışan teleaparıcıların- Namiq Əliyevin, Ceyhun Səfərin, Nərmin Xəlilovanın istefası ilə nəticələnib.
Yerdə qalan iki aparıcı isə pulsuz efir aparmaq təklifini qəbul edib.
Azərbaycanın əmək qanunvericiliyində bir şəxsin iki iş yerində çalışmasına hər hansı qadağa yoxdur.
Belə ki, qanunvericilikdə işə götürənə daimi ştatlarla yanaşı həm də xidmət müqaviləsi çərçivəsində bu imkan yaradılır.
AzTV də isə bu hal sadəcə əməyin istismarı sayılmalıdır.
Məsələ ilə bağlı AzTV-nin İctimaiyyətlə Əlaqələr Şöbəsinindən isə Gununsesi.info-nun sorğusuna isə cavab olaraq bildirilib ki, AzTV-nin kadr siyasəti ilə bağlı məsələ QSC-nin də daxili işi, daxili siyasətidir:
“Sorğunuza və təklifinizə görə təşəkkür edirik. Lakin onu da diqqətinizə çatdırmaq istəyirik ki, kadr siyasəti hər bir qurum kimi, QSC-nin də daxili işi, daxili siyasətidir və bu məsələ ilə bağlı hər hansı açıqlama verməyi də doğru hesab etmirik. Bizim əməkdaşlarımız görülən işlərdən narazı olduqda, birbaşa QSC-nin rəhbərinə müraciət edir və suallarına cavab tapır”.
18-03-2026, 15:19
Türkiyədən qanunsuz dərman gətirənlər gömrükdə saxlanıldı
Tovuz Gömrük İdarəsinin əməkdaşları tərəfindən həyata keçirilən tədbirlər nəticəsində külli miqdarda dərman preparatlarının qanunsuz yolla ölkə ərazisinə gətirilməsi cəhdinin qarşısı alınıb.
“Qırmızı Körpü” gömrük postunda Türkiyə Respublikasından gələn yük nəqliyyat vasitəsinə gömrük yoxlaması tətbiq edilib.
Yoxlama zamanı nəqliyyat vasitəsinin qoşqusunda gömrük nəzarətindən gizlədilən, gömrük orqanına bəyan olunmayan 10449 konvalyut, 1269 qutu, 848 flakon və 68 ədəd iynə olmaqla müxtəlif adda külli miqdarda dərman preparatları aşkar olunub.
Faktla bağlı araşdırma aparılır.
18-03-2026, 14:51
“Azərbaycan ərazisi İrana qarşı istifadə edilməyib” - Səfir
“İran tərəfinin fikrincə, müharibə zamanı Azərbaycan Respublikasının ərazisi İrana qarşı istifadə edilməyib”.
Bunu İran İslam Respublikasının İrəvandakı fövqəladə və səlahiyyətli səfiri Xəlil Şirqolami Ermənistan KİV-nə müsahibəsində deyib:
“Bu, həm də Azərbaycanın təhlükəsizliyinin və sabitliyinin qorunmasına töhfə verir. Biz ABŞ və İsrailin İrana qarşı bütün əməliyyatlarını, onların mənbələrini və onlara dəstək olaraq göstərilən yardımı diqqətlə öyrənirik”.
Xəlil Şirqolami bildirib ki, Naxçıvan olayına görə, İranla Azərbaycan arasında yaranan anlaşılmazlıq həll olunub.
Səfir deyib ki, Azərbaycan tərəfi İranın düşmənlərinin təsirinə düşməməli və sayıq olmalıdır ki, hansısa təhlükəli oyunlara qoşulmasın.
“Amerika və İsrail elementlərinin mövcudluğu regional təhlükəsizliyə və sabitliyə xələl gətirir. Buna görə də, Azərbaycan Respublikası daha çox sayıqlıq göstərməlidir”.
Xəlil Şirqolami bir müddət öncə Naxçıvana dron atılmasını, Türkiyə istiqamətinə ballistik raketlərin buraxılmasını təxribat hesab edib. Onun sözləırinə görə, bu təxribatlar məhz Azərbaycan Respublikasını və Türkiyəni münaqişəyə cəlb etmək məqsədi daşıyırdı: “Ona görə də, bu ölkələr ehtiyatlı olmalıdırlar”.
18-03-2026, 14:46
"Qonşu ölkələrə hücumlar İranın yox, ABŞ-nin günahıdır"
İranın qonşu ölkələrin şəhərlərinə hücumları bizim günahımız deyil.
İranın xarici işlər naziri Abbas Araqçı bildirib.
"Qonşu ölkələrin şəhərlərinə hücumlar bizim günahımız deyil, Amerikanın günahıdır. Onlar qüvvələrini hərbi bazalardan çıxarıb şəhərlərdəki otellərə yerləşdiriblər. Ümumiyyətlə, regionu bu vəziyyətə gətirən ABŞ-ın davranışıdır.ABŞ qüvvələrini hərbi bazalarından çıxarıb həmin şəhərlərdəki otellərə yerləşdirib.Biz özümüzü yalnız düşmənlərin rəsmi bazaları ilə məhdudlaşdırmadıq. Amerika qüvvələri harada toplaşsa, harada obyektləri olsa, hədəfə alınıblar",- deyə A.Araqçı "Əl-Cəzirə"yə müsahibəsində bildirib.
Hörmüz boğazının bağlanması ilə bağlı isə Araqçı bildirib ki, müharibədən sonra su yolunda keçid üçün yeni bir protokol olmalıdır:
"Biz Hörmüz boğazı və müharibədən sonra gələcəkdə gəmilərin oradan keçməsi üçün yeni tənzimləmələr hazırlamalıyıq ki, bu su yolu vasitəsilə dinc naviqasiya aydın qaydalar çərçivəsində daimi olaraq saxlanıla bilsin".
18-03-2026, 11:54
Azərbaycanlı yazıçı Türk Dünyası Araşdırmaları Beynəlxalq Elmlər Akademiyasının fəxri professoru seçilib - FOTO
Azərbaycanlı yazıçı-publisist, filologiya üzrə fəlsəfə doktoru, Bakı Dövlət Universitetinin müəllimi Natəvan Dəmirçioğlu Türk Dünyası Araşdırmaları Beynəlxalq Elmlər Akademiyasının fəxri professoru seçilib. Eyni zamanda, alim beynəlxaq qızıl ulduz medalı ilə təltif olunub.
O, bu təltiflərə elm, təhsil, ədəbiyyat və mədəniyyətin inkişafına verdiyi töhfələrə görə layiq görülüb.
Qeyd edək ki, Natəvan Dəmirçioğlu “Üç nöqtə”, “Səbət”, “Yetim” povestlərinin, “Bir ovuc torpaq”, “Avey əfsanəsi” , “Dözüm”, “Kəlağayı” hekayələrinin, Birinci Qarabağ savaşına, 44 günlük Vətən müharibəsinə və Zəfərimizə həsr olunan “Açar” romanının müəllifidir. Əsərləri ingilis, rus, fars, özbək, tatar dillərinə tərcümə olunub, Türkiyə türkcəsinə uyğunlaşdırılıb. Kitabları və əsərləri Moskva, Ankara, İstanbul, Tehran, Daşkənd, Kazan və digər şəhərlərdə yayımlanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!