29-11-2023, 18:05
Dövlətə xəyanətdə ittiham olunan Hacı Əli Behiştinin məhkəməsi başladı
Dövlətə xəyanətdə ittiham olunan Hacı Əli Behiştinin (Əliyev) cinayət işi üzrə məhkəmə baxışı başlayıb.
Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən iclasda ittiham aktı elan olunub.İttihama görə, təqsirləndirilən şəxs 2007-ci ildə qəsdən və tamah məqsədilə İranın Qum şəhərində həmin ölkənin xüsusi xidmət orqanı olan SEPAH-a bağlı olan Əkbər adlı şəxslə əməkdaşlığa başlayıb. Hacı Əliyev orada olarkən Behişti təxəllüsünü götürüb.
O, 2007-2014-cü illərdə Bakının Binə, Maştağa və Nardaran ərazilərində olan məscidlərə gedib, orada İrana yaxınlığı ilə seçilən şəxslər barədə məlumatlar toplayıb.
Təqsirləndirilən şəxs bu məlumatlar qarşılığında 2007-ci ildə 3 min, 2008-ci ildə 3 min, 2009-cu ildə 3 min, 2010-cu ildə 2 min, 2011-ci ildə 2 min, 2012-ci ildə 1500 və 2013-cü ildə 1000 dollar alıb.
Hacı Əliyev özünü təqsirli bilmədiyini deyib.
Daha sonra şahid qismində Rasim Niftullayev ifadə verib. O, təqsirləndirilən şəxslə Qum şəhərində tanış olduğunu deyib: "10 il Qumda dini təhsil almışam. Hacı Əli Əliyevlə orada tanış olmuşam. Orada oxuyan hər kəsə təxəllüs verilirdi. Bu, orada soyad kimi istifadə edilirdi. Azərbaycanca gələndən sonra da Hacı ilə əlaqəmiz qalıb. O, bizə gəlirdi və ya mən gedirdim onlara. Telefonla danışırdıq. Danışıqlarımız əsasən, dini məsələlər üzərində olurdu. Məsələn, Ramazanda Ayın görünüb-görünməməsi barədə söhbətlərimiz olurdu. Hacı da, mən də camaat içində ruhani kimi tanınırıq".
Təqsirləndirilən şəxs Hacı Əli Əliyev məhkəməyə Azərbaycan Ruhanilər Məclisi adında icmalarının olduğunu, orada gündəlik məsələlər və dini söhbətlər etdiklərini deyib.
Digər şahid Yaşar Əliyev təqsirləndirilən şəxsi uzun müddətdir tanıdığını bildirib: "İran İslam Respublikasının Qum şəhərində dini təhsil alarkən tanış olmuşuq. Azərbaycanda İslam Universitetini bitirəndən sonra İrana təhsil üçün getmişəm. Yaş fərqimiz çox olduğu üçün təhsil aldığımız zaman kənarda görüşürdük. Təhsilimi bitirib gələndən sonra da əlaqəmiz qalmışdı. Azərbaycan Ruhanilər Məclisinin üzvüyəm. Bu məclisin İran İslam Respublikası tərəfindən qurulduğu barədə deyilir. Bu məclisi biz özümüz qurmuşuq. Gündəlik məsələlər barədə söhbətlər aparırdıq".
Məhkəmə prosesi dekabrın 7-də davam etdiriləcək.
Qeyd edək ki, bu il aprelin 6-da həyata keçirilən əməliyyatlar zamanı Binə qəsəbə sakini Hacı Əli Behişti (Əliyev) saxlanılıb.
Hacı Əli Behişti Cinayət Məcəlləsinin 274-cü (Dövlətə xəyanət) maddəsi ilə ittiham olunur.
29-11-2023, 17:42
Rusiya ilə NATO arasında silahlı münaqişə baş verə bilər - XİN müavini
“Rusiya ilə NATO arasında silahlı münaqişə istisna edilmir, lakin onun başlayıb-başlamaması Şimali Atlantika Alyansının hərəkətlərindən asılıdır”.
Bunu Rusiya xarici işlər nazirinin müavini Sergey Ryabkov “İzvestiya”ya müsahibəsində bildirib.
“Eyni zamanda, Moskva bütün mümkün vasitələrlə öz milli maraqlarını müdafiə etməyə hazırdır”, - deyə Ryabkov əlavə edib.
Onun sözlərinə görə, Rusiya ilə NATO arasındakı münasibətlərin yaxın gələcəkdə bərpa olunma ehtimalı yoxdur:
“Güman etmirəm ki, yaxın gələcəkdə Rusiya ilə NATO arasında münasibətlər bu və ya digər formada bərpa olunacaq. Bu həm prinsipiallıq, həm də praktiklik baxımından istisna edilir. Əgər Qərbdə kimsə düşünürsə ki, bu əlaqələr Moskvaya lazımdır və nə vaxtsa gedib onların bərpasını xahiş edəcəyik, bu, böyük səhvdir”.
Ryabkov dünən ABŞ-ı ittiham edərək bildirmişdi ki, Vaşinqton Rusiya daxilində iğtişaşlar təşkil etməklə hakimiyyəti dəyişmək istəyir.
29-11-2023, 17:31
Türkiyə prezidenti Bahçeli ilə görüşdü
Türkiyə prezidenti Rəcəb Tayyib Ərdoğan hakim Ədalət və İnkişaf Partiyasının (AKP) "Cümhur İttifaqı"ndakı siyasi müttəfiqi olan Milliyyətçi Hərəkat Partiyasının (MHP) sədri Devlet Bahçeli ilə görüşüb.
Bu barədə Türkiyə Cümhuriyyətinin Prezident Administrasiyası məlumat yayıb.
Qəbul Prezident İqamətgahında baş tutub.
Qarşılıqlı maraq doğuran məsələlər müzakirə olunub.
29-11-2023, 17:07
Paşinyan Qarabağ erməniləri ilə ayrıca idarənin yaradılmasından imtina etdi
Ermənistanın baş naziri Nikol Paşinyan ölkədə Qarabağ erməniləri ilə iş üzrə ayrıca idarənin yaradılmasından imtina edib.
Bunu özünü buraxmış qondarma rejimin keçmiş "TŞ katibi" və sabiq "müdafiə naziri" olmuş Samvel Babayan jurnalistlərə müsahibəsində deyib.
Babayanın sözlərinə görə, Paşinyanın bu qərarının və imtinanın səbəbləri ona məlum deyil. O əlavə edib ki, Ermənistan baş naziri ilə bu məsələ ilə əlaqədar olaraq şəxsən əlaqə saxlamayıb.
Xatırladaq ki, Babayan bu gün Ermənistan parlamentinin 44 günlük müharibəni araşdıran komissiyası tərəfindən dindirilib. Komissiyanın səlahiyyət müddəti 3 dekabrda başa çatacaq.
29-11-2023, 16:55
Rusiya və Özbəkistan Prezidentləri telefon danışığı apardı
Özbəkistan Respublikasının Prezidenti Şavkat Mirziyoyev ilə Rusiya Federasiyasının Prezidenti Vladimir Putin arasında telefon danışığı olub.
İkitərəfli gündəlikdəki cari məsələlər, o cümlədən bu il oktyabrın 5-7-də Rusiya Federasiyasına yüksək səviyyəli səfər zamanı əldə olunmuş razılaşmaların praktiki icrası müzakirə edilib. Hər iki ölkənin liderləri Özbəkistan-Rusiya münasibətlərinin hərtərəfli strateji tərəfdaşlıq və müttəfiqlik münasibətlərinin ardıcıl olaraq möhkəmlənməsini məmnunluqla qeyd ediblər. O cümlədən çoxşaxəli əməkdaşlığın genişləndirilməsi vurğulanıb.
"Qarşılıqlı ticarət dövriyyəsi göstəricilərində artım dinamikası davam edir, iqtisadiyyatın müxtəlif sahələrində əməkdaşlıq layihələri həyata keçirilir, səmərəli regionlararası əlaqələr inkişaf edir. Bir gün əvvəl Cizzax rayonunda böyük müştərək aqrooloji kompleks işə salınıb", - deyə qeyd olunub.
Özbəkistan və Rusiya dövlət başçıları həmçinin səhiyyə sektorunda fəal mədəni-humanitar mübadiləni və davam edən proqramları alqışlayıblar.
29-11-2023, 16:28
F-16-ların Ukraynaya tədarükü vəziyyəti kökündən dəyişməyəcək - NATO
F-16-ların Ukraynaya tədarükü cəbhədəki vəziyyəti kökündən dəyişməyəcək.
Bu sözləri NATO-nun baş katibi Yens Stoltenberq Ukrayna-NATO Şurasının xarici işlər nazirləri səviyyəsində iclasının yekunlarına dair mətbuat konfransında deyib.
Onun sözlərinə görə, bu təyyarələrin Kiyevə tədarükü Rusiya ordusuna itkilər verməyə kömək edəcək, lakin onlar özlüyündə bütün problemləri həll edə və cəbhədəki vəziyyəti kökündən dəyişə biləcək “gümüş güllələr” deyillər.
Eyni zamanda, baş katib Kiyevin bu təyyarələri nə vaxt alacağı ilə bağlı konkret müddət deyə bilməyib.
29-11-2023, 16:03
Dəmiryol vağzalında terror aktının qarşısı alındı
Rusiya İstintaq Komitəsi Moskvadakı dəmiryol vağzalında terror aktının qarşısının alındığı barədə məlumat yayıb.
Moskvadakı dəmiryol vağzalını partlatmağı planlaşdıran şəxs həbs edilib.
Bunu paytaxt İstintaq Komitəsində Baş İdarə rəisinin köməkçisi Yuliya İvanova jurnalistlərə bildirib.
Onun məlumatına görə, 1983-cü il təvəllüdlü şəxs “naməlum şərikdən tapşırıq alaraq” pul müqabilində terror aktı törətməyə - dəmiryol stansiyalarından birini partlatmağa razılaşıb.
İstintaq Komitəsinin yaydığı videoda həmin şəxs deyib ki, “bu missiyadan sonra bir təhlükəsizlik işçisi onu Ukrayna ərazisinə aparacağına söz verib, lakin beləcə terakt gerçəkləşməyib”.
29-11-2023, 15:30
Mirzoyan Şimali Makedoniyada səfərdədir
Ermənistanın xarici işlər naziri Ararat Mirzoyan Şimali Makedoniyanın paytaxtı Skopyedə işgüzar səfərdədir.
Bu barədə Ermənistan XİN-in mətbuat katibi Ani Badalyan sosial şəbəkədə bildirib.
Onun sözlərinə görə, Ararat Mirzoyan ATƏT Xarici İşlər Nazirləri Şurasının 30-cu sessiyasında iştirak edəcək.
“Səfər zamanı ikitərəfli görüşlər də planlaşdırılır”, - deyə o yazıb.
28-11-2023, 17:59
Paşinyanın mətbuat katibi Putinlə bağlı suala cavab vermədi
"Hazırda mən bu xəbəri heç bir şəkildə şərh etməyəcəyəm".
Bunu Nikol Paşinyanın mətbuat katibi Nazeli Baqdasaryan Ermənistan baş nazirinin MDB ölkələri liderlərinin dekabrda keçirləcək qeyri-rəsmi ənənəvi görüşündə iştirak edib-etməyəcəyi barədə suala cavabında bildirib.
O, Paşinyanın Sankt-Peterburqakı görüşdə iştirakını nə inkar edib, nə də təsdiqləyib.
“Ermənistan hökuməti hər zaman baş nazirin səfərləri ilə bağlı rəsmi məlumat verir, o getsə, mütləq məlumat verəcəyik, getməsə, yox”.
Qeyd edək ki, Rusiya prezidentinin köməkçisi Yuri Uşakov bildirib ki, Moskva İrəvandan Paşinyanın MDB ölkələri liderlərinin qeyri-rəsmi görüşündə iştirak etmək üçün dekabrın sonunda Sankt-Peterburqa gedəcəyi barədə siqnal alıb.
28-11-2023, 17:47
Erməni deputatın nəvəsi adam bıçaqladı
Ermənistan parlamentinin hakim partiyadan olan deputatı Qaqik Melkonyanın nəvəsi adam bıçaqlayıb.
“Hraparak”ın məlumatına görə, hadisə İrəvandakı Hüquq, İqtisadiyyat və İdarəetmə Kollecində baş verib. Deputatın onun öz adını daşıyan tələbə nəvəsi Qaqik Kareni Melkonyan digər bir tələbəyə bıçaqla xəsarət yetirib.
Xəsarət alan tələbə Qriqor Lusavoriç adına tibb mərkəzinə aparılıb. Dindirilmə zamanı xəsarət alan tələbə hüquq-mühafizə orqanlarının əməkdaşlarına ağacdan yıxıldığını bildirib. Lakin hadisə yerinə gələn polis xəsarəti deputat Qaqik Melkoyanın nəvəsinin törətdiyini müəyyən edib.
Məlumata görə, bıçaqlanma hadisəsindən sonra hüquq-mühafizə orqanlarının əməkdaşları deputatın tələbə nəvəsini tapa bilmirlər.
Artıq hadisə ilə bağlı müvafiq materiallar Ermənistan İstintaq Komitəsinə göndərilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!