“Crocus City Hall”da törədilən terrora görə daha bir nəfər saxlanıldı .....                        Boksçularımız beynəlxalq turniri 21 medalla başa vurdular .....                        Erməni spiker Sahibə Qafarova ilə görüşündən danışdı .....                        Bişkekdə fövqəladə vəziyyət elan olundu .....                        Lavrov: “Ermənistan uydurma bəhanələrlə son üç ilin tarixini təhrif edir” .....                        AZƏRTAC-ın sabiq sədri təltif olundu .....                        Moskvada baş verən terror aktında “Ukrayna izi” aşkarlandı .....                        Mingəçevirdə yataqxana binasında yanğın baş verdi - FHN cəlb olundu - VİDEO .....                        Əlillərə məxsus maşınlara taksi fəaliyyəti göstərmək qadağan edildi .....                       
Tarix : 21-01-2021, 13:44
20 YANVARDA DOĞULAN QARABAĞ ŞƏHİDİ SƏBUHİ ORUCOV - FOTOLAR

Vətən müharibəsində Azərbaycanın ərazi bütövlüyü və azadlığı uğrunda şəhid olan oğulların xatirəsi həmişə qəlbimizdə yaşayacaq. Onların hər biri haqqında nə qədər yazılsa belə yenə azdır. Çünki bu Vətən oğulları 1988-ci ildən bəri işğala məruz qalan yurd yerlərimizi böyük qəhrəmanlıq və şücaət göstərərək erməni faşistlərindən azad etməyi bacardı. Bu qələbə həm də Azərbaycan gəncliyinin bizlərə böyük hədiyyəsi oldu. Dünənə qədər hələ də yaxınlarının gözündə sadə, təvazökar, məsum olan oğullar sonradan elə tarix yazdılar ki, onların qəhrəmanlığı dillərdə dastan oldu. Onlar erməni səddlərini darmadağın etməklə yanaşı, xain düşmənlərimizi belə qarşılarında diz çökdürdülər. Bu gün 20 Yanvar günündə Vətən müharibəsində şəhidlik zirvəsinə ucalan Səbuhi Orucovun xatırlamaq isə mənəvi borcumuzdur. Taleyin ömür payıdır ki, onun dünyaya gəlişi tariximizin qan yaddaşı olan - 20 Yanvar gününə təsadüf edib. Yəqin ki, 20 Yanvar faciəsinin qəhrəmanları Vətən müharibəsinin bu şəhidinə bir məktəb olub ki, o da dünyaya gəldiyi günün şərəfli olduğunu unutmayıb. Bəli, bu gün şəhidlik zirvəsinə ucalan Səbuhi Orucovun ad günü onsuz keçirilsə də əziz xatirəsi yaddaşlarda əbədi qalacaq! II Qarabağ müharibəsindəki Böyük Qələbəni bizə ərməğan etməkdə xidmətləri olan şəhid Səbuhi Orucovun anası Narınc xanımın da qarşısında baş əyirik ki, o ürəyi, amalı Vətən eşqi ilə dolu olan belə qəhrəman oğulu dünyaya gətirib!

Səbuhi Vahid oğlu Orucov 1993-cü il yanvarın 20-də Bülbülə qəsəbəsində anadan olub. 2000-ci ildə Suraxanı rayonu, Bülbülə qəsəbəsi 232 nömrəli tam orta məktəbini I sinfinə daxil olub, 9-cu sinifə qədər bu təhsil ocağında oxuyub. 2009-2011-ci illərdə isə orta təhsilini Əmircan qəsəbəsindəki 87 nömrəli tam orta məktəbdə davam etdirib. Atası Vahid Orucov I qrup əlil, anası Narınc Orucova isə evdar qadındı. Səbuhi ailənin ilk övladı olub. Hələ uşaq yaşlarında dayısı Səbuhiyə onun kimi hərbiçi olmağı məsləhət bilib. Səbuhi Orucov orta təhsilini bitirdikdən sonra 2011-ci ilin oktyabr ayında Səfərbərlik və Hərbi Xidmətə Çağırış üzrə Dövlət Xidmətinin Suraxanı rayonu İdarəsindən hərbi xidmətə çağrılıır. Onun hərbi xidməti Tərtər rayonunun Qapanlı kəndindən başlayır. S.Orucov hərbi xidmətdə olarkən komandirinin də böyük etimadını qazanır. O, Azərbaycan Respublikasının Müdafiə Nazirliyinin Sülhməramlı Taborunda da hərbiçi kimi çalışır. Fəallığına, nümunəvi davranışına, təlim-tərbiyəsinə və ən əsası vətənpərvər olduğuna görə daima adı öndə çəkilir. Anası Narınc xanımın dediyinə görə oğlu həmişə Vətəninə, dogma xalqına xidmət etməkdən böyük qürur duyub. S.Orucovun həyatında unudulmaz anlar çox olub. Xüsusən də, 2020-ci il iyun ayının 1-i onun yaddaşına əbədi yazılır. Həmin tarixdə o, qardaş türk hərbiçiləri ilə bərabər dörd ay müddətində hərbi təlimlərdə fəal iştirak edir. Arzuları böyük idi, Səbuhinin. Ancaq o isə qarşıdakı müharibədən xəbərsiz idi. İçində bir hiss isə həmişə onu düşməndən qisas almağa çağırırdı. 2020-ci il sentyabrın 27-də sübh tezdən çalınan telefon zəngi ona Vətənin təhlükədə olmasına bir çağırış olur. Ailədə heç kimə bir söz demədən o, tələsərək cəbhə xəttinə gəlir. Sonradan anasına zəng edən Səbuhinin bircə cavabı o olur ki, “ana məndən nigaran qalma, hər şey yaxşıdır”. Müzəffər Azərbaycan Ordusunda Müddətdən Artıq Xidmət Edən Hərbi Qulluqçu Səbuhi Orucov Cəbrayıl, Füzuli, Qubadlı, Horadiz rayonlarının düşməndən azad olunmasında iştirak edir. Daha sonra Laçın rayonunun dörd kəndini işğaldan azad etməsində böyük şücaət göstərir. Acı təəssüf ki, qəlbi daima Vətənin azadlığı və ərazi bütövlüyü uğrunda döyüşlərdə qələbə çalmaq arzusu ilə çırpınan Səbuhi Orucov namərd gülləsinə tuş gəlir. Cəsur döyüşçü 2020-ci il oktyabrın 26-da Laçın rayonunun Suarası kəndində mənfur düşmənin atdığı minamyot qəlpəsi nəticəsində şəhid olur. Şəhid Səbuhi Orucov 2020-ci il oktyabrın 27-də Bülbülə kəndindəki Şəhidlər Xiyabanında dəfn olunur. Prezident İlham Əliyevin Sərəncamı ilə Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş şəhid Səbuhi Vahid oğlu Orucov ölümündən sonra “Vətən uğrunda” medalı, ”Cəbrayıl rayonunun azad olunması uğrunda” medalı, “Qubadlı rayonunun azad olunması uğrunda” medalı, “Laçın rayonunun azad olunması uğrunda” medalı, ”Bayraq Ordeni” və 3-cü dərəcəli “Vətənə xidmətə görə Orden” ilə təltif olunub.

Qeyd edək ki, 20 Yanvarda şəhid Səbuhi Orucovun xatirəsi döyüş yoldaşlari tərəfindən Bülbülə kənd Şəhidlər Xiyabanında yad edilib. Şəhidin ailəsinə YAP Suraxanı rayon təşkilatının sədri Vüqar Səməndəroğlu tərəfindən anım lövhəsi təqdim olunub.
Allah rəhmət eləsin!

Təranə Cəbiyeva














Paylaş



Bölmə: Şəhidlər / Köşə / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!