“28 cinema” klubda, Azərbaycanda  Vətəndaş  Cəmiyyətinin İnkişafına Yardım  Assosiasiyası və Yunanıstan Səfirliyinin birgə təşkilatçılığı ilə "Azərbaycanda Yunan filmləri festivalı"keirilib. Festivalın açılışında görkəmli mədəniyyət xadimləri ilə yanaşı müxtəlif ölkələrin Azərbaycanda olan səfirləri və nümayəndəlikləri də iştirak ediblər.

                Fesitivalı giriş sözü ilə açan Azərbaycanda Vətəndaş Cəmiyyətinin İnkişafına Yardım Assosiasiyasının  Vitse-prezidentİ  Vəli Əlibəyov ölkəmizdə keçirilən "Azərbaycanda Yunan filmləri festivalı"nın  Azərbaycan və Yunanıstan arasındakı mədəni  əlaqələrin  inkişafında müsbət addımlardan biri hesab etdiyini vurğulayıb. Yunanıstan Respublikasının ölkəmizdəki səfiri Dimitrios Tsounqas Azərbaycanda Vətəndaş Cəmiyyətinin İnkişafına Yardım Assosiasiyası ilə birgə əməkdaşlıq nəticəsində ərsəyə gələn festivalın keçirilməsini müsbət hal kimi qarşıladıqlarını bildirərək, qonaqları filmlərə baxmağa dəvət edib.

Tamaşaçılar 28, 29, 30 noyabr və 1 dekabr da daxil olmaqla 4 gun  festivalda, dünya tamaşaçıları tərəfindən müsbət qarşılanan 8 yunan filmini izləyiblər.

                                                          Rəqsanə İntiqamqızı