Bu gün  Trend.Az- ın mətbuat mərkəzində  8-ci Bakı Beynəlxalq Motor Şou və 1-ci Xəzər  Beynəlxalq  Kater və Yaxtalar  sərgisinin açılışına həsr olunmuş mətbuat konfransı keçirildi. 

İtesa Kaspian Şirkətinin direktoru  Fərid Məmmədov  sərgi haqqında məlumat verərək qeyd etdi ki,  mayın  15-də Bakı Ekspo Mərkəzində keçiriləcək bu sərgi avtomobil həvəskarlarının çoxdan  gözlədikləri Bakı Beynəlxalq  Motor Şou          ( BİMS 2014) sərgisidi.   Sözügedən sərgi avtomobil texnikası və komplektləşdirici hissələrinin məşhur brendlərinin  yerli və xarici istehsalçılarının, distribyutorlarını və dilerlərini bir araya gətirib. Direktor onu da  qeyd etdi ki,        “ BİMS 2014”  sərgisində dünyanın 14 ölkəsindən,  o cümlədən  Almaniya,  Çin, Polşa, Rusiya, Türkiyə və digər ölkələrədn 85 şirkət  təqdim olunur.  Sərgidə         “ Toyota”, “ Lexus”,  “Suzuki”,  “Volvo” və s. kimi  minik avtomobilləri ,  ”Aprilia”,  “ Harley Davidson “,   “ Vespa”,  “ Yamaha” və digər modellər təqdim olunacaq.  Sərginin meneceri Elnur Rzazadə isə  skuterlər və hava ilə doldurulan qayıqların Buzovnada təşkil olunacaq “ test-drayv”ı ziyarətçilər üçün əsl sürprizə çevriləcəyini vurğuladı. 

Konfransın sonunda Fərid Məmmədov mətbuat nümayəndələrinə öz minnətdarlığını bildirdi və onları mayın 15-dən 17-nə qədər davam edəcək sərgiyə dəvət etdi.

                                                                                                    Nuranə                              Nəcəfova