Azərbaycan Konstitusiya Məhkəməsi Mərkəzi Seçki Komissiyasının okytyabrın 9-da keçirilən prezident seçkilərinin yekunu barədə protokolunun təsdiq olunmasına oktyabrın 19-da baxacaq. Bu barədə Trendə Konstitusiya Məhkəməsindən bildirilib. Xatırladaq ki, Mərkəzi Seçki Komissiyası dünənki iclasında oktyabrın 9-da keçirilmiş prezident seçkilərinə yekun vurub.
Seçki Məcəlləsinin 108-ci və 203-cü maddələrinin tələblərinə əsasən, MSK-nın seçkilərin nəticələri üzrə protokolu tərtib edilərək komissiya üzvləri tərəfindən imzalanıb.
Sonra protokol təsdiq olunmaq üçün Konstitusiya Məhkəməsinə göndərilib.
Qeyd edək ki, oktyabrın 9-da keçirilmiş prezident seçkilərində Yeni Azərbaycan Partiyasının prezidentliyə namizədi İlham Əliyev 84,54 faiz (3 126 113 seçici) səs toplayaraq qalib gəlib.
Digər namizədlərin səsləri isə belədir:
Cəmil Həsənli - 5,53% (204 642 səs)
İqbal Ağazadə - 2,40% (88 723 səs)
Qüdrət Həsənquliyev - 1,99% (73 702 səs)
Zahid Oruc - 1,46% (53 839 səs)
İlyas İsmayılov - 1,07% (39 722 səs)
Araz Əlizadə - 0,87% (32 069 səs)
Fərəc Sərdar Məmmədov - 0,61% (22 773 səs)
Quliyev - 0,86% (31 926 səs)
Hafiz Hacıyev - 0,66% (24 461 səs)