Tarix : 9-09-2015, 10:00
“Sovetski” məhəlləsində evlərinin sökülməsi ilə əlaqədar köçürülməsi planlaşdırılan bəzi sakinlərinə 9 mərtəbəli binalarda mənzillər veriləcək
Butov.az Trend-ə istinadən məlumat verir ki, bunu jurnalistlərə baş nazirin müavini Abid Şərifov deyib.
Onun sözlərinə görə, “Sovetski”nin bəzi sakinləri sahəsi çox kiçik olan evlərdə yaşayır: “Məlum olduğu kimi, mənzilin 1 kvadratmetrinə görə 1500 manat həcmində kompensasiya ödənilir. "Sovetski” sakinlərinin təqribən 20 faizinin yaşayış sahəsi 25 kvadratmetrdən çox deyil. Əlbəttə, onlar həmin kompensasiya ilə mənzil əldə edə bilməzlər. Buna görə də belə ailələrin yerləşdirilməsi üçün iki 9 mərtəbə ayrılıb”.
A.Şərifov qeyd edib ki, bu binalardan biri “Gənclik” mehmanxanasının yanındadır və orada 60 ailə yerləşdiriləcək: “Bu bina daha əvvəl qaçqınlar üçün yataqxana idi. Onlar başqa yerə köçürülüb, bina təmir edilib və indi orada “Sovetski”dən olan sakinlər yaşayacaq. Əvvəlcə sakinlər buna qarşı idi, lakin hazırda ərizələrin sayı gündən-günə artır”.
O bildirib ki, binada sahəsi 36 kvadratmetr olan birotaqlı, eləcə də sahəsi 50 kvadratmetr olan ikiotaqlı mənzillər var: “Bu binalarda bütün zəruri şərait var. “Sovetski” sakinlərinin bunadək yaşadığı şəraiti nəzərə alsaq, onlar çox razı qalmalıdırlar. İkinci bina keçmiş Səttarxan adına maşınqayırma zavodu yaxınlığındadır. Bura daha əvvəl qaçqınlar üçün yataqxana olub. Hazırda ilin sonuna başa çatdırılması planlaşdırılan təmir işləri aparılır”.
Baş nazirin müavini əlavə edib ki, “Sovetski”nin yaşıllaşdırılması üzrə işlərə ilin sonunadək başlamaq planlaşdırılır: “Bir daha qeyd etmək istəyirəm ki, “Sovetski”də binaların tikintisi planlaşdırılmır. Bütün ərazidə parklar salınacaq və yollar çəkiləcək”.
Butov.az
Paylaş
Bölmə: Xəbər / Karusel / Slayd / Xəbər lenti
Başqa xəbərlər
- "Zəlzələnin fəsadlarının aradan qaldırılması üçün 2 milyon manat ayrılıb" — Abid Şərifov
- Xutorla Alatava söküləcək
- Abid Şərifov: "Azərbaycanda gömrük proseduru sadələşdiriləcək"
- Azərbaycanın 3-cü ən böyük mədəniyyət evi sökülür
- Prezident 2 həftə vaxt verdi
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!