İki ay idi çıxıb evimdə oturmuşdum, rəisimizə nə deyim, məni yenidən işə çağırdı və durduğum yerdə zibilə salıdı.

Nə gündəlik planı (pulu) vermək olur, nə də Allah kömək olmuş yaşlı sürücü həmkarlarım adama düz-əməli bir söz deyirlər...

Butov.az Gün.Az-a istinadən xəbər verir ki, bunu “Transgeyt” şirkətinə məxsus olan “193” saylı avtobusun sürücülərindən biri dünən səhər saatlarında sərnişinlərlə giley-güzar edərkən səsləndirib.

“Soruşanda dedilər ki, planı da veririk, üstəlik gündəlik “çax-çuxumuz” da olur, amma neçə gündür planı 15-20 manat ziyanla yerinə yetirirəm” - deyən sürücü 59 yaşı olduğunu və 16 yaşından sürüçü işlədiyini bildirib.

O, həmçinin, şirkət tərəfindən gündəlik planın həddindən çox yüksək müəyyən edildiyini bildirib.

“Bir neçə gündür 193 işləyirəm, kaş işləməz olaydım. Əvvəllər başqa marşrutda (artıq ləğv olunub) işləyirdim və gündəlik planı ödəyir, birtəhər ailəmi dolandırırdım. Ancaq “193”-ə gələn gündən zərərlə işləyirəm, hər gün ən azı 15-20 man əskik plan ödəyirəm.

Gündəlik plan da çox müəyyən olunub, onu heç cür ödəmək mümkün deyil. Hətta, dünən 6 sürücü həmkarım açarları qaraj müdirinin üstünə tullayıb, işdən getdilər... Başqa marşrutlarda da vəziyyət bundan yaxşı deyil...

Hətta, dövlətə məxsus şirkətlərdən birinə aid olan avtobusa işə düzəlmək istədim, dedilər ki, “pensiya yaşındır”, biz 55 yaşdan yuxarı olanları götürmürük... Axı, Azərbaycanda “pensiya yaşı” 65-dir... Heç kim heç kimin kitabını oxumur...”- deyə, adını çəkmədiymiz sürücü daha sonra deyib.

Dünəndən bu yana 109-dan götürdüyümüz “Transgeyt”-in telefonları isə müdrikcəsinə susur... Dəstəyi qaldıran yoxdur...