"Milli QHT Forumunda "Kəlağayı Bayramı" silsilə tədbirlərinə start verildi .....                        Qazaxda gənclərin karyera planlama müzakirəsi .....                        Könüllərdə taxt quran kişi .....                        TƏHSİL TARİXİMİZİN SÖNMƏYƏN ÇIRAQLARI .....                        20 oktyabr — Səttarxanın doğum günü: .....                        Zəngilanın dirçəliş və qayıdış dövrü .....                        Sədaqətli dost, dəyərli qələm sahibi .....                        Azərbaycan və Kamboca əməkdaşlığın yeni mərhələsinə hazırlaşır .....                        Onlar məndən, mən onlardan öyrəndim… .....                       
30-10-2026, 22:49
Qazaxda gənclərin karyera planlama müzakirəsi


Qazaxda gənclərin karyera

planlama müzakirəsi


Qazaxda “CareerLAB” şəbəkəsi çərçivəsində “Region gənclərinin inkişafı və karyera planlaması” mövzusunda panel müzakirəsi təşkil olunub. Gənclərin İnkişaf və Karyera Mərkəzinin Qazax-Tovuz regional nümayəndəliyinin koordinatoru Abuhəyat Əfəndinin moderatorluğu ilə keçirilən müzakirədə Qazax-Tovuz Regional Məşğulluq filialının mütəxəssisi və karyera məsləhətçisi Bəkir Bəkirli, “VA Academy MMC”nin təsisçisi və direktoru Vüsalə Əhmədova, Bakı Dövlət Universitetinin Qazax filialının müəllimi Ayşən Qasımova və Qazax Dövlət Sosial-İqtisadi Kollecinin əməkdaşı Asya Alhüseynova spiker qismində iştirak ediblər. Panel çərçivəsində rəqabətli əmək bazarında uğurlu karyera qurmağın əsas şərtləri, nəzəri biliklərin praktiki bacarıqlarla tamamlanmasının əhəmiyyəti, peşə və ixtisas seçimində özünüdərkin rolu, eləcə də regionlarda mövcud karyera imkanlarından səmərəli istifadə və yeni imkanların yaradılması istiqamətləri müzakirə olunub. Spikerlər öz peşəkar təcrübələrini iştirakçılarla bölüşərək gənclərin əmək bazarına hazırlığı, bacarıqlarının inkişaf etdirilməsi və karyera hədəflərinin düzgün müəyyənləşdirilməsi ilə bağlı tövsiyələrini təqdim ediblər. İnteraktiv müzakirə formatında davam edən tədbirin sonunda iştirakçıların sualları cavablandırılıb.

Gənclərin İnkişaf və Karyera Mərkəzinin Qazax-Tovuz regional nümayəndəliyinin təşkilatçılığı, Bakı Dövlət Universitetinin Qazax filialının tərəfdaşlığı ilə keçirilən tədbirin məqsədi region gənclərinin karyera imkanları barədə məlumatlılığını artırmq, əmək bazarının müasir tələblərini diqqətə çatdırmaq və onların peşəkar inkişafına dəstək göstərmək olub. Qeyd edək ki, “CareerLAB” şəbəkəsi gənclərin ixtisas seçimində və karyera planlamasında düzgün istiqamətlənməsinə, əmək bazarının tələbləri barədə məlumatlılığının artırılmasına, eləcə də peşəkar əlaqələrinin genişləndirilməsinə xidmət edir.






30-10-2026, 22:35
İrəvan kitabları Konqres Kitabxanasının kataloqunda

İrəvan kitabları Konqres Kitabxanasının kataloqunda

Professor Fəridə Səfiyevanın İrəvanın tarixinə və Azərbaycan xalqının bölgədəki zəngin tarixi-mədəni irsinə həsr olunmuş iki kitabı ABŞ Konqres Kitabxanasının kataloquna daxil edilib. Kitabxanadan müəllifə ünvanlanan rəsmi məktubla bu fakt təsdiqlənib. Beləliklə, hər iki kitaba aid ümumilikdə beş nəşr vahidi dünyanın ən nüfuzlu kitabxanalarından birinin kataloqunda öz yerini alıb.

EDnews xəbər verir ki, “IRAVAN Through the language of Historical Documents” (“İrəvan tarixi sənədlərin dili ilə”) kitabı ingilis dilində nəşr olunub və Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə işıq üzü görüb.
“İrəvan: tarixin və itirilmiş irsin əks-sədası” kitabı isə Azərbaycan, ingilis, fransız və rus dillərində nəşr edilib. Bu kitab Heydər Əliyev Fondunun vitse-prezidenti Leyla Əliyevanın dəstəyi ilə çap olunub.

Nəşrlərdə İrəvanın tarixi keçmişi arxiv sənədlərinin, fotoşəkillərin, şəxsi və ailə arxivlərinin, şəcərə materiallarının dili ilə təqdim olunur. Kitabların diqqətçəkən cəhətlərindən biri də indiyədək geniş ictimaiyyətə və elmi dövriyyəyə məlum olmayan bir sıra sənədləri üzə çıxarmasıdır. Bu materiallar tarixi faktları sənədlər əsasında araşdırmağa, unudulmaqda olan yaddaşı bərpa etməyə və Azərbaycan xalqının bölgədəki irsini gələcək nəsillərə çatdırmağa xidmət edir.

“İrəvan tarixi sənədlərin dili ilə” kitabının təqdimat mərasimi oktyabrın 11-i Nyu-York, oktyabrın 16-sı isə Vaşinqton şəhərlərində keçirilib.

Kitabların ABŞ Konqres Kitabxanasının kataloquna daxil edilməsi müəllifin araşdırmalarının beynəlxalq elmi məkanda tanıdılması baxımından əlamətdar hadisədir. Bu, nəşrlər haqqında məlumatların dünyanın müxtəlif ölkələrindəki tədqiqatçılar, tarixçilər və oxucular üçün əlçatan olmasına imkan yaradır. Eyni zamanda, İrəvanın tarixi və Azərbaycan irsi ilə bağlı sənədli materialların beynəlxalq elmi mühitdə daha geniş tanıdılmasına töhfə verir.
29-10-2026, 22:24
Yadlaşmayan yaddaş

Yadlaşmayan yaddaş

Qərbi Azərbaycan İcmasının inzibati binasında şəhidlər anılıldı. Zəfər günü ərəfəsində anım törənini Qafan rayonunun Gığı Kənd İcmasının Qadınlar Şurası keçirdi. Tədbir zamanı şəhidlərimiz ehtiramla anıldı. Gığı kəndinin sakinləri tərəfindən Azərbaycanın ərazi bütövlüyü uğrunda gedən döyüşlərdə ölkə tarixinin ən mühüm və qəhrəmanlıq səhifələrində silinməz izlər buraxan Gığı şəhidlərinin, qazilərin qəhrəmanlıq salnamələri dilə gətirildi. I Qarabağ döyüşlərində, 44günlük Vətən Müharibəsi zamanı xüsusi şücaət göstərmiş Gığı kəndinin şəhidləri haqqında ətraflı məlumatlar verildi. İgid oğulları tanııyanlar xatirələrini bölüşdülər.

Keçirilən tədbirin əsas mahiyyəti Yaddaşdır. El-obamıza bağlılıq, qəhrəmanlarımızın qısa, lakin şərəfli ömrünü yada salıb fəxr hissi yaşamaq, biz gənclərə qədim diyarımız Zəngəzurun unudulmadığını, şəhidlərimizim hər daim yaddaşlarımıza həkk olunduğunu bildirməkdir. Yaddaş xalqın tarixini yaşadan ən güclü mənəvi sütunlardan biridir. Şəhidlərin xatirəsini yaşatmaq onların ailələrini, əzizlərini, adlarını yalnız müəyyən tarixlərdə xatırlamaqla məhdudlaşmır.

Belə anım günlərinin keçirilməsi şəhidlərimizin uğrunda mübarizə apardıqları dəyərləri qorumaq, Vətənə məsuliyyət hissini gələcək nəsillərə aşılamaq və Azərbaycanın müasir tarixini obyektiv şəkildə öyrənmək deməkdir. Belə maarifləndirici tədbirlərin keçirilməyi yüksək səviyyədə qiymətləndirilir və xüsusi fərəh hissi duyurur.

Çıxış edən icma üzvləri, şəhid anaları, bacıları tədbirin təşkilatçılarına, şəhidlərin xatirəsini əziz tutanlara minnətdarlıqlarını bildirdilər. Gığı icmasının tanınmış ziyalıları şəhid analarına Qızılgüllər hədiyyə etməklə könüllərini oxşadılar. Sonda xatirə şəkli çəkdirildi.

Beləcə yaddaşımızdan heç vaxt silinməyəcək bir gün yaşadıq. Videoçarxlarda nümayiş olunan şəhidlərimizi ürəyimizə, adlarını yaddaşımıza, Vətən sevgilərini ruhumuza köçürdük.

Səbinə Səfərova (Aslanova)
29-10-2026, 10:58
Şərqlə Qərbin mədəniyyət körpüsü


Şərqlə Qərbin

mədəniyyət körpüsü


Prezident İlham Əliyev oktyabrın 27-də Bakıda “Ortaq gələcək naminə dialoq” mövzusunda keçirilən VII Ümumdünya Mədəniyyətlərarası Dialoq Forumunda çıxış edərək Azərbaycanın multikulturalizm ənənələri, milli həmrəyliyi, ərazi bütövlüyünün bərpası, Ermənistanla sülh prosesi və beynəlxalq münasibətlərdə ikili standartlar barədə fikirlərini bölüşüb.
Dövlət başçısı bildirib ki, ötən 15 il ərzində Ümumdünya Mədəniyyətlərarası Dialoq Forumu qlobal gündəlikdə duran aktual məsələlərin müzakirəsi, mədəniyyətlər və dinlər arasında münasibətlərin möhkəmləndirilməsi baxımından səmərəli beynəlxalq platformaya çevrilib. Qeydiyyatdan keçmiş 2000-dən artıq iştirakçının və 100-dən çox ölkədən gələn 500-dən artıq qonağın iştirakı forumun beynəlxalq əhəmiyyətini göstərir.
Prezident vurğulayıb ki, Azərbaycan tarixən Şərqlə Qərb arasında mədəniyyət körpüsü rolunu oynayıb. Multikulturalizm, dini və etnik dözümlülük xalqımızın əsrlər boyu qoruyub saxladığı dəyərlərdir. Onun sözlərinə görə, ölkənin sabit inkişafının əsas amillərindən biri cəmiyyətdə mövcud olan həmrəylik, qarşılıqlı hörmət və anlaşmadır. Azərbaycanda bütün etnik və dini qrupların nümayəndələri Konstitusiya ilə təsbit edilmiş bərabər hüquqlara malikdir və vahid cəmiyyətin tərkib hissəsi kimi yaşayırlar.
İlham Əliyev qeyd edib ki, azərbaycançılıq ideyası ölkədə yaşayan müxtəlif xalqları birləşdirən əsas dəyərlərdəndir. Bu birlik Azərbaycanın müstəqillik tarixinin ən çətin dövrlərində, Ermənistanın hərbi təcavüzü və işğalı zamanı, eləcə də İkinci Qarabağ müharibəsində özünü aydın şəkildə göstərib. Dövlət başçısının sözlərinə görə, müxtəlif etnik və dini qrupların nümayəndələri ölkənin ərazi bütövlüyünün bərpası uğrunda vahid amal ətrafında birləşiblər.
Prezident Azərbaycanın müxtəlif siyasi sistemlərdə yaşamasına baxmayaraq, milli dəyərlərini, dilini, ənənələrini və həyat tərzini qoruyub saxladığını bildirib. O vurğulayıb ki, 1991-ci ildə dövlət müstəqilliyinin bərpasından sonra ölkə öz taleyini müstəqil şəkildə müəyyənləşdirmək imkanı əldə edib. Müstəqillik illərində əldə olunan nailiyyətlərlə yanaşı, milli-mənəvi dəyərlərin qorunması və daha da möhkəmləndirilməsi də mühüm əhəmiyyət daşıyıb.
Çıxışında təhlükəsizlik məsələlərinə toxunan dövlət başçısı ideoloji risklərin də fiziki təhlükələr qədər ciddi olduğunu diqqətə çatdırıb. O bildirib ki, müasir dünyada baş verən proseslər ölkələrdən daim ayıq-sayıq olmağı, dövlətçiliyi, müstəqilliyi və milli özünəməxsusluğu qorumağı tələb edir.
Prezident Ermənistan-Azərbaycan münaqişəsinin həlli tarixindən danışarkən uzun illər davam edən danışıqların nəticəsiz qaldığını qeyd edib. Onun sözlərinə görə, Azərbaycan beynəlxalq hüququn norma və prinsiplərinə, o cümlədən BMT Nizamnaməsinin 51-ci maddəsində təsbit olunmuş özünümüdafiə hüququna əsaslanaraq ərazi bütövlüyünü bərpa edib. İlham Əliyev bildirib ki, 2020-ci ildə baş vermiş İkinci Qarabağ müharibəsi və 2023-cü ildə keçirilmiş antiterror əməliyyatı nəticəsində Azərbaycanın suverenliyi bütün ərazisi üzərində təmin olunub.
Dövlət başçısı Azərbaycanın münaqişədən sonra Ermənistana sülh təklif etməsini xüsusi vurğulayıb. O bildirib ki, Azərbaycan qisas siyasəti yürütmək niyyətində olmayıb və müharibədən sonra sülhün təmin olunmasını prioritet hesab edib.
İlham Əliyev beynəlxalq təşkilatların qərarlarının icra mexanizmlərinin gücləndirilməsinin vacibliyini də diqqətə çatdırıb. O xatırladıb ki, BMT Təhlükəsizlik Şurası 1993-cü ildə Azərbaycanın işğal olunmuş əraziləri ilə bağlı dörd qətnamə qəbul etsə də, həmin sənədlər uzun illər icra edilməyib. Prezident hesab edir ki, beynəlxalq təşkilatların qərarlarının kağız üzərində qalmaması üçün effektiv mexanizmlər yaradılmalıdır.
Dövlət başçısı beynəlxalq münasibətlərdə ikili standartların aradan qaldırılmasının vacibliyini vurğulayıb. Onun sözlərinə görə, Azərbaycanın üzləşdiyi işğal, etnik təmizləmə və tarixi-mədəni abidələrin dağıdılması faktlarına münasibətdə beynəlxalq ictimaiyyətin mövqeyi ilə digər münaqişələrə yanaşmalar arasında fərqlər ikili standartlar məsələsini gündəmə gətirib. Prezident bildirib ki, Azərbaycan bundan sonra da dövlətlərin suverenliyinə hörmət, qarşılıqlı münasibətlərdə bərabərlik və daxili işlərə qarışmamaq prinsiplərini müdafiə edəcək.
Çıxışda Azərbaycanın müstəqillik illərində əldə etdiyi iqtisadi və diplomatik nailiyyətlərə də toxunulub. İlham Əliyev qeyd edib ki, ölkə dağıntılardan və iqtisadi çətinliklərdən inkişaf və tərəqqiyə doğru uzun yol keçib. Prezidentin sözlərinə görə, Azərbaycanın beynəlxalq mövqelərinin möhkəmlənməsi, enerji və nəqliyyat sahələrində artan rolu, eləcə də müstəqil xarici siyasəti ölkənin beynəlxalq əməkdaşlıq imkanlarını genişləndirib.
Dövlət başçısı Azərbaycanın Çin və ABŞ ilə strateji tərəfdaşlıq münasibətlərini, Avropa İttifaqına üzv ölkələrlə əməkdaşlığını, eləcə də beynəlxalq təşkilatlardakı rolunu ölkənin xarici siyasətinin mühüm istiqamətləri kimi qiymətləndirib. Bildirib ki, Azərbaycan gələn il İslam Əməkdaşlıq Təşkilatının Zirvə Görüşünə ev sahibliyi edəcək və təşkilata sədrlik edəcək. 2028-ci ildə isə Avropa Siyasi Birliyinin Zirvə Görüşünün Bakıda keçirilməsi nəzərdə tutulur. Prezidentin fikrincə, bu tədbirlər Azərbaycanın beynəlxalq dialoq və əməkdaşlıq məkanı kimi rolunu nümayiş etdirir.
İlham Əliyev Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirədə sədrliyinin daha iki il uzadılmasını, həmçinin ölkənin Mərkəzi Asiya Məşvərət Formatına tamhüquqlu üzv kimi dəvət edilməsini də beynəlxalq əməkdaşlıq baxımından əhəmiyyətli hadisələr kimi qeyd edib.
Prezident çıxışında Azərbaycanın enerji təhlükəsizliyi və beynəlxalq nəqliyyat bağlantılarındakı rolunu da önə çəkib. Qeyd edib ki, ölkənin əlverişli coğrafi mövqeyi, müasir infrastrukturu, həyata keçirilən investisiyalar və qonşu dövlətlərlə qurulan münasibətlər Azərbaycanı regional bağlantılar baxımından mühüm tərəfdaşa çevirir.
Forumdakı çıxışının sonunda İlham Əliyev Ermənistanla sülh prosesinə bir daha toxunaraq, sülh sazişi layihəsinin 2025-ci ilin avqustunda Vaşinqtonda, Ağ Evdə ABŞ Prezidenti Donald Trampın iştirakı ilə paraflandığını xatırladıb. O bildirib ki, həmin tədbir zamanı Azərbaycan və Ermənistan arasında sülhün təşviqinə yönəlmiş üçtərəfli Bəyannamə də imzalanıb.
Prezidentin sözlərinə görə, Azərbaycanın ərazi bütövlüyünü və suverenliyini bərpa etməsi, ardınca sülh təşəbbüsü ilə çıxış etməsi Cənubi Qafqazda yeni münasibətlər mərhələsinin formalaşması üçün zəmin yaradıb. Dövlət başçısı beynəlxalq ictimaiyyətin qarşılıqlı hörmət, suverenliyə ehtiram və əməkdaşlıq prinsiplərinə əsaslanmasının münaqişələrin azalmasına, xalqlar arasında dialoqun genişlənməsinə xidmət edəcəyinə əminliyini ifadə edib.

İkram Manafov
Xırdalan şəhər 11 illik musiqi məktəbinin direktoru, əməkdar müəllim
29-10-2026, 10:50
Dialoqdan ədalətə və sülhə gedən Azərbaycan yolu

Dialoqdan ədalətə və sülhə

gedən Azərbaycan yolu


Prezident İlham Əliyevin 2026-cı il 27 oktyabr tarixində Bakıda “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunda çıxışı müasir dünyanın ən həssas məsələlərinə Azərbaycan baxışının ifadəsi olub. Dövlət başçısı qeyd edib ki, Ümumdünya Mədəniyyətlərarası Dialoq Forumu artıq 15 ildir ki,
mövcuddur
[justify][/justify]və mədəniyyətlərarası münasibətləri həll etmək üçün ən səmərəli platformalardan birinə çevrilib. Bu il Forumda 2000-dən artıq iştirakçı, 100-dən artıq ölkədən 500-dən çox qonaq iştirak edib. Azərbaycan bu təşəbbüsü hələ 2011-ci ildə irəli sürüb və BMT-nin Sivilizasiyalar Alyansı ilə birlikdə yaşadıb.
Prezidentin çıxışında multikulturalizm əsas yer tutub. Azərbaycan tarixən Asiya ilə Avropa arasında körpü olub. Dövlət başçısı vurğulayıb ki, multikulturalizm ənənələri, dini və etnik dözümlülük xalqımızın əsrlər boyu yaşatdığı meyarlar olub. Azərbaycanın uğurlu və sabit inkişafının təməlində məhz cəmiyyətimizdəki ahəngdarlıq dayanır. Bütün etnik qrupların, dinlərin nümayəndələri Konstitusiyamıza uyğun bərabər hüquqlara malikdir və bir ailə kimi yaşayırlar. Bakıda məscid, kilsə və sinaqoqun yanaşı fəaliyyəti bunun canlı sübutudur.
Milli birlik məsələsinə toxunan dövlət başçısı bildirib ki, hamımız azərbaycançılıq ideyası ətrafında birləşirik və bu ideya Azərbaycandakı bütün xalqları bir araya gətirir. Bu birlik müstəqillik tariximizin ən ağır vaxtlarında sınaqdan çıxıb.
Prezident İlham Əliyev bildirib ki, Ermənistanın hərbi təcavüzü və işğalı, həmçinin İkinci Qarabağ müharibəsi zamanı bütün etnik və dini qrupların nümayəndələri Qələbəmizin rəmzi olan Dəmir yumruq kimi vuruşublar. Dövlət başçısının sözlərinə görə, əgər Azərbaycanda yaşayan bütün xalqlar arasında qarşılıqlı hörmətin real platforması olmasaydı, heç zaman uğur qazana bilməzdik.
Dövlət başçısı deyib ki, yaşadığımız sistemdən asılı olmayaraq dəyərlərimizi, dilimizi, ənənələrimizi, həyat tərzimizi qoruyub saxlaya bilmişik. Azərbaycan əsrlər boyu dövlətçiliyindən məhrum olub, lakin milli hisslərini itirməyib. Bu ay müstəqilliyimizin bərpasının 35-ci ildönümü qeyd olunub. Bütün quruculuq işləri məhz bu illərdə görülüb.
Cənab İlham Əliyev vurğulayıb ki, Azərbaycanda hər hansı daxili risk yoxdur, bütün potensial risklər hüdudlarımızın kənarından gəlir və ideoloji risklər fiziki risklər qədər təhlükəlidir.
Dövlət başçısı bildirib ki, biz əraziləri işğal altında olan ölkə kimi, ən elementar insan hüquqları daim pozulan xalq kimi əbədi yaşamalı deyildik. Uzun illər danışıqlarda səmimiyyətlə iştirak etmişik, nəticə olmayanda isə BMT Nizamnaməsinin 51-ci maddəsinə əsaslanaraq özünümüdafiə hüququmuzdan istifadə etmişik. Bəli, biz özümüzü müdafiə etmişik, düşməni məğlub etmişik, 30 il işğal altında olmuş torpaqlarımızı azad etmişik və ədaləti bərpa etmişik.
Prezident İlham Əliyev bildirib ki, BMT Təhlükəsizlik Şurasının 1993-cü ildə qəbul etdiyi, lakin 30 il kağız üzərində qalan dörd qətnaməni təkbaşına icra etmişik. 2020-ci ildə İkinci Qarabağ müharibəsi və 2023-cü ildə antiterror əməliyyatı işğala son qoyub.
Dövlət başçısı deyib ki, bundan sonra Ermənistana sülh təklif etmişik və bu misli görünməmiş haldır. Müharibələr tarixində qanlı toqquşmadan iki il keçməmiş sülh təklifinə rast gəlinmir. Sülh sazişinin layihəsini Azərbaycan hazırlayıb. Cənab İlham Əliyevin fikrincə, biz qisasımızı döyüş meydanında almışıq və bundan irəli getməməliyik, əks təqdirdə bu sonsuz müharibəyə çevrilər. Prezident vurğulayıb ki, müharibəyə başlamaq çox asandır, onu bitirmək isə çox çətindir və Azərbaycanın bu təcrübəsi bu gün müharibə aparan tərəflər üçün öyrənilməlidir.
Beynəlxalq təşkilatların qərarlarının icra mexanizmi də müzakirə olunub. Dövlət başçısı qeyd edib ki, BMT Təhlükəsizlik Şurasının qətnamələrinin icra mexanizmi olmalıdır. Onlar icra olunmayıb, onları təmin edən mexanizm yox idi və Ermənistana qarşı heç bir sanksiya tətbiq edilməyib. Prezident deyib ki, indi ətrafımıza baxanda hər yerdə sanksiyalar görürük, Azərbaycandan şimala və cənuba baxdıqda yüzlərlə sanksiyanın tətbiq olunduğunu görürsünüz, lakin Ermənistana qarşı sanksiya tətbiq edilməyib və bu ikili standartdır. Dövlət başçısının sözlərinə görə, cəmiyyətimiz ikili standartları qətiyyətlə rədd edir və biz siyasətdə ikili standartlara qarşı həmişə mübarizə aparmışıq. Bütün nailiyyətlər xalqımızın zəhməti sayəsində olub.
Dövlət başçısı bildirib ki, bütün nailiyyətlər Azərbaycan xalqının öz zəhməti sayəsində mümkün olub və biz heç bir beynəlxalq yardım almamışıq. Prezidentin dediyinə görə, biz özümüzü beynəlxalq birliyin etibarlı üzvü kimi təqdim edə bilmişik. 2025-ci ildə Çinlə hərtərəfli strateji tərəfdaşlıq Bəyannaməsi, ABŞ ilə Strateji Xartiya imzalanıb, Avropa İttifaqının 10 üzvü ilə strateji tərəfdaşlığımız var. Dövlət başçısı qeyd edib ki, Azərbaycanın borcu ÜDM-in 5 faizindən bir az artıqdır. Gələn il İslam Əməkdaşlıq Təşkilatının Zirvə Görüşünə, 2028-ci ildə Avropa Siyasi Birliyinin Zirvə Görüşünə Bakı ev sahibliyi edəcək. Dövlət başçısının sözlərinə görə, Ermənistanla sülh keçən ilin avqust ayında Vaşinqtonda, Ağ Evdə ABŞ Prezidenti Donald Trampın iştirakı ilə paraflanıb. Beləliklə, Azərbaycan ədaləti bərpa edərək Cənubi Qafqazda yeni reallıq yaradıb və bunu Ağ Evdə möhürləyib.

Ceyran Həsənova
Abşeron-Xızı Regional Mədəniyyət İdarəsinin Abşeron rayonu üzrə nümayəndəsi, şəhid anası
29-10-2026, 10:45
Doğma yurda qayıdışın sevinci


Doğma yurda

qayıdışın sevinci


İllərlə doğma torpağın həsrəti ilə yaşayan Vəliyəddin Rüstəmovun ən böyük arzusu bir gün ailəsi ilə birlikdə Xocalıya, Xanabad kəndinə qayıtmaq idi. Bu gün həmin arzu gerçəkləşib. Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, uzun illər keçmiş məcburi köçkün kimi Oğuz rayonunda müvəqqəti məskunlaşmış Xocalı rayonunun Xanabad kənd sakini Vəliyəddin Rüstəmov Böyük Qayıdış proqramı çərçivəsində ailəsi və nəvələri ilə birlikdə doğma yurda qayıdaraq, həyatının yeni mərhələsinə qədəm qoyub.

İşğaldan əvvəl Şuşada polis əməkdaşı kimi çalışan Vəliyəddin kişi hazırda təqaüddədir. Uzun illərdən sonra doğma torpağa qayıtmaq, uşaqlıq və gənclik xatirələri ilə bağlı olan yurdda yenidən yaşamaq onun üçün böyük sevinc və qürur hissidir. Bu gün Vəliyəddin Rüstəmovun xoşbəxtliyi, ailəsi və nəvələri ilə birgə doğma torpaqda yaşamaq, hər yeni günə öz yurdunda başlamaqdır. Onun üçün Xanabada dönüş sadəcə evə qayıtmaq deyil, həsrətin sona çatması, doğma torpaqda xoşbəxt həyatın yeni başlanğıcı deməkdir.


27-10-2026, 18:16
OKTAY SARALIN SƏVİYYƏSİ BUDURMU?


Şapur Qasimi


OKTAY SARALIN

SƏVİYYƏSİ

BUDURMU?


Türkiyəmizin Prezidenti sayın Rəcəp Tayyib Ərdoğanın baş müşaviri Oktay Saralın Tehran mollalarının Bakıda təşkil etdikləri “hicab şivəni” tragikomediyası ilə bağlı Azərbaycan rəhbərliyinə sərt və təhqiramiz müraciət –mühazirəsinə rast gəldim. Məni ilk növbədə heyrətləndirən bu dərəcədə savadsız, bir-birini tam və mütləq inkar edən fikirlər söyləyən birisinin Türkiyə kimi böyük dövlətin, dünyanın ən nəhəng siyasətçilərinə meydan oxuyan sayın Ərdoğanın müşaviri, həm də baş müşaviri olması oldu.
İlk növbədə Oktay Saral Türkiyə və Azərbaycanın bir millətin iki dini deyil, dünyəvi dövləti olduğunu bilməlidir. Türkiyə ilə Azərbaycanı bir-birinə qırılmaz tellərlə bağlayan əsas, həlledici amil məhz hər ikisinin türk dövləti olmasıdır. Türkiyədə dindar əhalinin, tarixən yaranmış səbəb və şərait üzündən sayı başqalarından çox olsa da, Azərbaycanda dindar əhalinin sayı əhalinin ümumi sayının 3-4 faizindən çox deyil. Elə, bu da tarixi şəraitin nəticəsidir.
İkinci bir məsələ də, Bakıda “Hicab şivəni” təşkil edən şovinist fars mollaları, Türkiyənin ərəb milli ideologiyasının daşıyıcıları olduğu, klassik islamın müəllifi olan Məhəmməd peyğəmbərə əsaslanan islamı deyil, Əlinin oğlu Hüseyn ilə Sasani hökmdarının qızı Şəhərbanunun izdivacından doğulan oğlu Zeynalabdinə, yəni, İmamətə, daha dəqiq desək, imamət adı ilə fars etnik əsaslı milli ideologiyanın daşıyıcıları olub, ərəb, həm türk millətinin ən qatı düşmənləridir.
Görünür Oktay Saral İran İslam Respublikasının qurucularından, sonra prezidenti olmuş Rəfsəncaninin qızı, Faizə Haşimi-Rəfsəncaninin “Əl-Monitora” verdiyi müsahibədə, – “Bizim (yəni, İranın molla rejiminin – Ş.Q.) xətalarımız İsrail, ABŞ və şah rejimi də daxil olmaqla, pis adlandırdığımız rejimlərin səhvlərindən daha çoxdur. Xalqımıza yaşatdığımız müsibətlərin heç birini onlar etməyib. Suriyada 500 min insan ölüb, bunda bizim də payımız var. Yəməndə yeddi ildir davam edən müharibədə biz də iştirak edirik. Müsəlmanlara qarşı qətliamlar törətmişik. Bu da o deməkdir ki, müsəlmanları öldürməkdə İsraili keçmişik”.
F.Haşimi Rəfsəncaninin bu müsahibəsindən bu yana Tehran rejiminin illərdir ki, ərəb ölkələrində səkkiz böyük hərbi hissələr yaradaraq, sünnə-şiə əsasında illərdir ki, müsəlman ərəbləri, elə müsəlman ərəblərə qırdırdığını nəzərə alsaq, dünya tarixində Tehran şovinist fars mollaları qədər müsəlman qətlə yetirmiş millət, dövlət olmadığı aydın olar.
Üçüncüsü isə, hələ Ermənistan Rusiyanın, İranın köməyi ilə Azərbaycanı işğal etdiyi zaman, Azərbaycan hökuməti Türkiyəyə yardım üçün müraciət etdiyi zaman, Turqut Özalın, “onlar şiədir, qoy onlara şiə İran kömək etsin”, cavabından bir müddət sonra, Ərdoğanın bütün türklərə, onların dini inancı əsasında deyil, türk milli mənliyi əsasında yanaşaraq, bu gün türk düşmənlərinin gözünə yanar ox kimi girən Türk Dövlətləri Təşkilatının yaranmasında əsas, aparıcı xidmətləri olduğunu, sayın Ərdoğanın baş müşaviri bilməlidir.
Dördüncüsü, Türkiyə dövləti prezidentinin baş müşaviri Bakıdakı “Hicab şivəninin” hicab davası olmayıb, Tehranın şovinist şiə mollalarının Güney Azərbaycan və Qacar yurdunun ümumilikdə 63 milyondan çox türkünün türk milli ərazilərini qəsb edib, özlərini əsarətə aldıqdarı kimi, quzey Azərbaycan ərazisini işğal edib və əhalisini əsarətə almaq məqsədi ilə Bakıya ölkə daxilində açdığı ideoloji savaş olduğunu başa düşməlidir. Həm də bu, son 35 il ərzində Quzey Azərbaycanda beyinlərini yuyub, ideoloji əsarətə aldığı qulbeçələrinin əlinə silah verib, ərəb ölkələrində etdiyi kimi, Azərbaycana qarşı hərbi təcavüz törətməsinin hazırlıq mərhələsidir. Oktay Saral bunu da anlamalıdır.
Beşincisi, Oktay Saral! Deyirsən ki, – “İnanca görə başını örtən bir şagirdi məktəbin qapısında saxlamaq hansı vicdana, hansı ədalətə sığar?”
Bu deyimində sən bir çoxları kimi “hicab” sözü əvəzinə “başını örtən” deməklə saxtakarlıq edirsən. Hər millətin, o cümlədən türklərin yaşadığı şəraitdən, fəsillərdən və s. asılı olaraq müxtəlif paltar, ayaqqabı, baş örtüyü vasitələri var. İslam dininin daşıyıcıları, xristianlar və sairələri daşıyıcısı olduğu dinin tələblərinə görə geyim və başörtüyü vasitələrindən istifadə edirlər. Hər bir ölkədə müxtəlif sahələr, ixtisaslar, peşələr üçün iş vaxtı geyilməsi icbari olan geyim vasitələri var və onların iş vaxtı başqa geyim formalarından istifadə edilməsinə yol verilmir. Bu geyim formaları ölkənin Anayasası və qanunları ilə deyil, hər bir sahənin idarə edilməsində məsul olan nazirlik, baş idarə, xüsusi kimyəvi, bakterioloji, proseslərin aparıldığı laboratoriya, müəssisələrdə, hüquq-mühafizə orqanlarında, orta və ali təhsil, tibbi müəssisələrdə və s. hər sahənin özünəməxsus xüsusi geyim formaları, bəzi sahələrdə hətta onların materialının tərkibi belə müəyyən edilərək qəbul edilir. Bu qaydalar qanun statusu daşıyır və onları pozan hər kəs cəzalandırılır. Bu cəzanın ən geniş tətbiq olunan forması da bu qaydanı pozan hər kəsin işdən kənarlaşdırılmasıdır. Dünyəvi dövlətin dövlət büdcəsindən maliyyələşən məktəbdə din deyil, şagirdlərə elm öyrədilir. Sən özün də təsdiq edirsən ki, – “Təhsil hüququ heç bir ideoloji məcburiyyətin qurbanına çevrilməməlidir. Baş örtüyü maneə deyil, inancın tələbidir”, – deyərək, hicabın inancın məcburiyyət elementi olduğunu etiraf edirsən. Hicablı qızın təhsil hüququnu da pozan, onun təhsil hüququnu özünün və uşağına aşıladığı inancın tələbi ilə uşağını hicaba bürüyüb, məktəbə gətirən, göndərən valideyindir. “İki qoçun başı bir qazanda qaynamaz”, – deyib türk aqilləri. Valideyn evdə uşağın beynini Qurandakı, – “Bütün yeri, göyü insanları allah yaradıb, bütün insanlar allahın quludur. Göylərdə, yerlərdə nə varsa onundur” (Quranın “Bəqərə surəsi”), – kimi cəfəngiyyatlarla doldurduqdan sonra, həmin uşaq fiziki proseslərdə Nyutonun, Kimyəvi proseslərdə Mendeleyev cədvəli elementlərin, Pifaqorun teoremini, Eynşteynin nisbillik nəzəriyyəsini, Lütfizadənin qeyri-səlis məntiqlər nəzəriyyəsini, Adam Smitin dəyər qanununu, Marksın izafi dəyər qanununu, iqtisadi-ictimai, texniki-texnoloji və təbiətdə gedən dəyişkən proses və hadisələri idarə edən təbii obyektiv qanunları qəbul edərək zehninə həkk edib, xüsusilə ictimai elmlərə yiyələnə bilərmi?
Əgər valideyn uşağını dindar görmək istəyirsə onun başına hicab taxaraq mədrəsəyə göndərsin. Dövlətin yetkinlik yaşına çatmamış vətəndaşının təhsil hüququna təcavüz etməsin. Oktay Saralın dediyi baş örtüyünün bütün formaları isə, şaxtalı günlərdə məktəbdə istilik sistemində baş verən nasazlıq üzündən siniflərdə soyuq hava olduğu hallarda nəinki şagirdlərə yaylıq, şal, papaq və s. kimi baş örtüyü taxmaqla soyuqdan qorunmağa icazə verilir. Hətta soyuqdan xəstələnmək ehtimalı olduqda, dərslər təxirə salınır.
Oktay Saralın Azərbaycan hakimiyyətinə, onun yanlış hesab etdiyi bu qərarı geri çəkmək çağırışına gəldikdə isə, əslində yetkinlik yaşına çatmamış, hələ zehni, şüuru formalaşmamış övladlarına hicab taxıb, dövlətin qayda-qanunlarını pozmağa sövq etməməli, uşaqlarının təhsil almaq hüququna təcavüz etmələrindən çəkinməli olduqları, barədə həmin uşaqların valideynlərinə ünvanlamalıdır.
Oktay Saralın dediyi vicdana, ədalətə sığmayan iş, Azərbaycan məktəblərində yetkinlik yaşına çatmamış qız uşaqlarını orta məktəblərə hicab bağlayıb göndərərək, Tehranın şovinist fars faşizminə tulalıq edib, Azərbaycanın Quzeyini də işğal edərək Güney Azərbaycan kimi əsarətə almaq məqsədinə, Tehranın onlara verdiyi tula payı qarşılığında ölkənin təhsil sisteminin birinci pilləsini bizim öz əlimizlə bizə qarşı ideoloji savaş meydanına çevirməsinə xidmət edir. və Tehran mollalarının öz məqsədinə çatmaq üçün Fələstində etdikləri kimi, Bakıda törətdikləri murdar əməllərində məhz günahsız körpə uşaqlardan istifadə etməsidir. Bu nə insanlığa, nə də müsəlmanlığa uyğun olan bir xüsusiyyət olmayıb, ermənilərin, farsların milli xüsusiyyətlərinin tərkib hissəsidir. Oktay Saral sonra Azərbaycanın 28 üzvündən 17-sinin müsəlman ölkəsi olan AQEM-in üzvü olduğunu xatırladır.
Burada da o, Bakıdakı “Hicab şivənində” Tehranın casuslarının, “Azərbaycan müsəlman ölkəsidir” şüarının başqa formasını irəli sürməklə, Türkiyəyə, Türklərə deyil, türk cildində Tehranın fars mollalarına xidmət etdiyini ortaya qoyur.
Ümumiyyətlə, təkcə islam deyil, bütün idealist və materialist dinlər, Əziz Nesin demişkən; – “Dünyada ən karlı ticarət dindir. Sərmayəsi yalan, müştərisi isə cahillikdir”.
Nəhayət, Azərbaycanq Respublikasının Anayasasının 48-ci maddəsinin (Vicdan azadlığı) IV bəndinə əsasən dini etiqad və əqidə hüquq pozuntusuna bəraət qazandırmır. 25-ci maddənin (Bərabərlik hüququ) IV bəndinə əsasən isə, irqi, etnik, dini əsaslara görə heç kəsə güzəştlər və imtiyazlar verilə bilməz.
Oktay Saralın iddia etdiyi kimi əgər hicab inancın daşıyıcısı olduğu dinin tələbi olduğuna görə islam dininin daşıyıcısı qızlar məktəbə hicabla buraxılsa, onda xristian qızlar rahibə qiyafəsində, oğlanlar molla, keşiş paltarında, nudistlərə isə lüt anadangəlmə məktəbə gəlməyə icazə verilməlidir. Çünki, nudizm də başqa dinlər kimi, eyni hüquqa malikdir. London yaxınlığında yerləşən Spielptaz kəndi 1929-cu ildə Çarlz Makaskie tərəfindən salınıb. Burada nudistlər yaşayır. Hamı küçəyə lüt çıxır.
Əgər Azərbaycan hökuməti 21.09.2026-cı il tarixli qərarını geri çağırarsa, bu Anayasanın 25-ci maddəsinin IV bəndi kobudcasına pozularaq, islam dini daşıyıcalarına qanunsuz imtiyaz verilməsi deməkdir. Belə olduqda isə, Azərbaycanda yaşayan bütün etnik, dini toplumlar, o cümlədən nudistlər də, ayağa qalxıb, özlərinin qanunlara zidd, uyğun olmayan dini və inanclarına uyğun, geyim və atributlardan nəinki, orta məktəbdə hüquq mühafizə orqanlarında, tibbi və s. sahələrdə iş yerlərində istifadə edilməsi azadlığını tələb etməkdə haqlı olarlar. Bu isə cəmiyyətdə xaos və anarxiya vəziyyətinin yaranması deməkdir.
Türkün və o cümlədən Azərbaycanın düşmənlərinin nail olmağa cani-dildən çalışdıqları məqsəd də elə budur. Hicablılar nudistlərlə bir sinifdə, bir partada oturmaq istəmədiyi kimi, nudistlər də hicablılar kimi bir sinifdə oturmaq istəmir. Bu zaman ya hicablılar məktəbə yox, mədrəsəyə, nudistlər London ətrafındakı Spielptaya getməli, ya da ki, dünyəvi dövlətin elm öyrədən, dünyəvi məktəbində hökumətin hamı üçün məqbul olan geyim formasında elm öyrənməlidir. Məsələnin də yeganə səmərəli həll yolu da budur.

21.10.2026
Redaksiyadan: Ərdoğanın baş müşaviri Oktay Saral vəzifəsindən kənarlaşdırılıb.
27-10-2026, 13:02
Xatirələrdə yaşayan qəhrəman


Günel Natiq

Xatirələrdə yaşayan qəhrəman


Aysu əlini köhnə albomun üzərində gəzdirdi. Elə bil, əli tarixin səhifələrinə toxunurdu. O tarixə ki, qan-qada ilə yazılır, hər günü döyüş və şəhid xəbəri ilə yadda qalırdı...
Bu albomda həmin döyüşlərin xatirələri uyuyurdu. Əynində əsgər forması, çiyinlərində leytenant paqonları, başında komandir papağı olan bu adam... Onun babası idi. Aysu qazi babası haqqında çox eşitmişdi, amma bu gün həmin tarixin dərinliklərinə özü baş vurmaq istəyirdi. Çünki Zəfər Günü münasibətilə məktəbdə hazırlanacaq stenddə Birinci Qarabağ müharibəsi döyüşçülərinin də fotoları yer alacaqdı. Aysu da qazi babasının xatirələrini, onun döyüş yolunu bu stendə gətirmək istəyirdi. Bunun üçün isə əvvəlcə o tarixi qəlbən yaşamalı, babasının keçdiyi yolları xəyalən də olsa, addım-addım izləməli idi...

***
Muxtar Məhəmməd oğlu Qarayev 1950-ci ildə Ağdam rayonunun Bağbanlar kəndində dünyaya göz açmışdı. Orta məktəbi bitirdikdən sonra Bakı Politexnik Texnikumunun radiotexnika fakültəsində təhsil almışdı. Təhsilini başa vurub Ağdam rayonunun «Kosmos» zavodunda texnik-müəllim vəzifəsində çalışırdı.
Həyat öz axarı ilə davam edirdi. Sevdiyi işi, isti ailə ocağı, dörd övladı vardı. Ən böyük arzusu övladları Məhəmməd, Mais, Samir və Samirəni sülh və əmin-amanlıq şəraitində böyütmək, onlara gözəl gələcək bəxş etmək idi. Lakin bu sakit və xoşbəxt həyat tezliklə müharibənin sərt reallıqları ilə üz-üzə qaldı.
1991-1992 ci il... Ağdamın başı üzərini qara buludlar almışdı. Belə bir vaxtda Muxtar Qarayev ailəsinə heç nə deməsə də, qərarını vermişdi. Artıq gənc olmasa da, Vətənin müdafiəsi üçün silaha sarılmalı idi. Doğma torpağın bu ağır günündə kənarda qalmağı özünə yaraşdırmırdı.
Beləliklə, Muxtar Qarayev Ağdam rayonunda yaradılan ilk könüllü batalyonun sıralarına qoşuldu. Milli Qəhrəman Şirin Mirzəyevin komandirliyi altında Ağdam, Ağdərə və Xocavənd istiqamətlərində gedən döyüşlərdə, bir çox kəndin azad olunması uğrunda aparılan əməliyyatlarda iştirak etdi. İxtisasca hərbçi olmasa da, cəbhədə qazandığı təcrübə, soyuqqanlılığı və məsuliyyət hissi onu döyüş yoldaşlarının etimadını qazanan mübariz döyüşçüyə çevirdi.

O, cəbhədə Vətənin müdafiəçisi, evdə isə qayğıkeş ata idi.[/color]

Muxtar Qarayev gözəl ailə başçısı, mehriban və qayğıkeş ata idi. Döyüşlərin qızğın çağında daim postlarda olduğu üçün övladları bəzən onu günlərlə görə bilmirdilər. Buna baxmayaraq, uşaqlara diqqət və qayğı göstərməyi unutmur, sevgisini hiss etdirirdi. Müharibənin bütün ağırlığına rəğmən, ailəsinə olan bağlılığını qoruyub saxlayırdı.
Bir dəfə Muxtar evə xeyli gec qayıtdı. Üst-başı toz-torpaq içində, özü isə yorğun və susqun idi. Həyat yoldaşı Valya xanım narahatlıqla nə baş verdiyini soruşsa da, o, danışmadı. Sonradan məlum oldu ki, həmin gün döyüş yoldaşı ilə birlikdə Ağdamın Mərzili kəndi ətrafında mühasirəyə düşmüş, qeyri-bərabər döyüşdə düşmənin iki əsgəri məhv edilmişdi.

Ata ilə çiyin-çiyinə

Bir gecə Muxtar müəllimin döyüş yoldaşları ona rabitə vasitələrinin sıradan çıxdığını xəbər verdilər. Vəziyyət təcili müdaxilə tələb edirdi.
Muxtar müəllim dərhal lazımi ləvazimatları şəxsi avtomobilinə yığaraq yola düşməyə hazırlaşdı. Maşını işə salanda kiçik oğlu Samirin də avtomobildə olduğunu gördü.
— Oğlum, sən burada nə edirsən? Dərhal düş maşından, evə get!
— Yox, ata, mən də səninlə gedəcəyəm!
— Getdiyim yol təhlükəlidir. Bu dəqiqə maşından düş!
Ata oğlunun bir cüt köz kimi yanan gözlərinə baxdı və susdu. Samirin xarakterinə bələd idi. Oğlu da özü kimi iradəli idi; bir qərar verdikdə asanlıqla geri çəkilməzdi.
Muxtar müəllim oğlunun israrı qarşısında daha bir söz demədi. Ata ilə oğul yola düşdülər. Qarşıda onları təhlükəli və çətin bir yol gözləyirdi. Düşmənin diqqətini cəlb etməmək üçün avtomobili işıqsız idarə etmək lazım idi. Gecənin qaranlığında hər an ehtiyatlı olmaq, hər addımı düşünərək atmaq vacib idi.
Nəhayət, bütün çətinliklərə baxmayaraq, çətin yolu qət edərək döyüşçülərə lazım olan ləvazimatları çatdırmağa nail oldular.
Bu hadisə Samirin yaddaşında silinməz iz buraxdı. Həmin gecə o, atasını başqa bir tərəfdən də tanıdı. Muxtar müəllim indi onun üçün yalnız sevən, qayğı göstərən ata deyil, həm də Vətən uğrunda öz həyatını təhlükəyə atan cəsur bir döyüşçü idi.

Yaralarından güclü olan Vətən sevgisi

Muxtar Qarayev dəfələrlə mühasirədə qalmış, Füzuli ətrafında gedən döyüşlərdə yaralanmış, ağır kəllə-beyin travması almışdı. Ancaq aldığı yaralar onu Vətənin müdafiəsindən çəkindirə bilməmişdi. Müalicəsini başa vurduqdan sonra yenidən cəbhə bölgəsinə qayıdır, döyüş yoldaşlarının sıralarında yer alırdı.
1994-cü ildə atəşkəs əldə edildikdən sonra leytenant rütbəsi ilə ehtiyata buraxıldı. Cəbhədəki xidməti başa çatsa da, ruhən hələ də döyüş meydanlarında, doğma yurdunun dağında, daşında idi. Ağdamın işğalının ağrısı cismani yaralarından da dərin idi. Doğma yurdun düşmən tapdağında qalması ilə barışa bilmir, torpaqların azad olunacağı günü gözləyirdi.
Müharibənin ağrı-acısı, aldığı yaraların ağır fəsadları və doğma yurd həsrəti Muxtar Qarayevin ömründən illər aldı. Qəhrəman döyüşçü 2001-ci ilin may ayında dünyasını dəyişdi. Muxtar Qarayev doğma yurduna qayıda bilmədi. Ancaq Vətən uğrunda göstərdiyi şücaət onu həmin torpağın əbədi sakinlərindən birinə çevirdi. Bu gün Ağdamın azad torpaqlarında atılan hər addımda onun da izi var.

***
Zəfər Günü münasibətilə məktəbdə yaradılmış stendin qarşısında dayanan şagirdlər diqqətlə fotolara baxır, Birinci Qarabağ müharibəsinin döyüşçüləri haqqında xatirələri maraqla dinləyirdilər. Hər xatirə tarixin qanla, canla yazılmış səhifələrini gözlər önündə canlandırırdı.
Aysu qürurlu idi; babasından qalan ən qiymətli əmanəti- qəhrəmanlıq xatirəsini məktəb yoldaşlarına çatdıra bilmişdi.
Bəlkə də bundan böyük mənəvi miras yoxdur: insanların yaddaşında sevgi ilə yaşamaq, gələcək nəsillərə örnək olmaq və illər keçsə də, adının qürurla çəkilməsi...
27-10-2026, 09:12
Abşeronda abadlıq-quruculuq   işləri davam etdirilir


Abşeronda abadlıq-quruculuq

işləri davam etdirilir


Abşeron rayonunda yol infrastrukturunun yaxşılaşdırılması, ətraf mühitin mühafizəsi, yaşıllıq sahələrinin genişləndirilməsi və yaşayış məntəqələrinin estetik görünüşünün yüksəldilməsi istiqamətində genişmiqyaslı abadlıq-quruculuq işləri davam etdirilir.
Bakı–Quba avtomobil yolunun 12-39-cu km-liyində, Abşeron rayonu ərazisinə düşən hissədə son iki həftə ərzində aparılan abadlıq işlərinə gündəlik olaraq 300 nəfərədək işçi qüvvəsi və 70-ə yaxın texnika cəlb olunub.
Abadlıq işləri yolun Xırdalan şəhəri, Masazır, Ceyranbatan, Saray və Şəfəq yaşayış məntəqələrindən keçən hissələrini əhatə edir. Bu çərçivədə yolun hər iki tərəfində yerləşən tikililərin ümumi memarlıq üslubuna uyğunlaşdırılması, fərdi yaşayış evlərinin fasadlarının və hasarların bərpası, eləcə də ətraf ərazilərin abadlaşdırılması istiqamətində tədbirlər həyata keçirilib.

Belə ki, fərdi yaşayış evlərinin fasadları, həmçinin ümumilikdə 2.150 m² hasar bərpa edilərək suvanıb və rənglənib. Yolboyu hasarlarda xüsusi dekorativ naxışlar yaradılıb, ümumi görünüşə xələl gətirən sənədsiz yarımtikililər və 950 m² hasar sökülərək ərazi təmizlənib və abadlaşdırılıb.
Uçmuş, yarımçıq qalmış və avtomobil qəzaları nəticəsində zədələnmiş hasarların bərpası məqsədilə ümumilikdə 850 m² sahədə hörgü işləri aparılıb. Bundan əlavə, yolboyu 10.950 m² hasara suvaq vurularaq rənglənib, 4.000 m² sahədə isə hasarlara dekorativ taxta elementlər quraşdırılıb.
Ərazidə piyadaların hərəkətinin rahatlığının təmin edilməsi məqsədilə səkilər təmir olunub, ümumilikdə 27.000 m² sahəyə asfalt örtüyü çəkilib.
Rayonun yaşıllıq potensialının artırılması və yolətrafı ərazilərin estetik görünüşünün yaxşılaşdırılması istiqamətində də genişmiqyaslı işlər görülüb. Yolun hər iki tərəfində müxtəlif növ palmalar, bonsaylar, Eldar şamı, kiparis, leyland şamı, xan çinarı və zeytun ağacları olmaqla, ümumilikdə 23.000 ağac əkilib. Eyni zamanda, 40 növdə 117.200 dekorativ ağac və kol, eləcə də 23.300 gül əkilərək ərazilərin yaşıllaşdırılması təmin olunub. Bundan əlavə, 19.800 m² sahədə qazon salınıb.

Yaşıllıqların qorunması və inkişafının təmin edilməsi məqsədilə bitkilərə aqrotexniki qaydalara uyğun qulluq göstərilir, əlavə texnikalardan istifadə edilməklə onların gündəlik suvarılması həyata keçirilir.
Yolun estetik görünüşünün və landşaft ahənginin təmin edilməsi məqsədilə dekorativ landşaft-relyef kompozisiyaları və yaşıl landşaft terrasları yaradılıb. Ağacların dayanıqlığının artırılması üçün 14.000 metr uzunluğunda kabel-troslu anker dayaq sistemi quraşdırılıb, yaşıllıqların küləyin təsirindən qorunması məqsədilə 9.450 ədəd taxta dirək basdırılıb.
Bununla yanaşı, yolkənarı ərazilərin abadlaşdırılması çərçivəsində 35.400 p\m uzunluğunda bordür düzülüb. Ərazilərdə genişmiqyaslı təmizlik işləri aparılıb, məişət tullantıları və tikinti qalıqları təmizlənib. Yolboyu ot və alaq bitkiləri xüsusi texnikaların və işçi qüvvəsinin köməyi ilə biçilərək ərazidən daşınıb.

Abşeron rayonunda həyata keçirilən abadlıq-quruculuq tədbirləri yol infrastrukturunun yaxşılaşdırılmasına, yaşıllıq sahələrinin genişləndirilməsinə və yaşayış məntəqələrinin daha səliqəli, estetik görkəm almasına xidmət edir. Bu istiqamətdə işlərin bundan sonra da mərhələli şəkildə davam etdirilməsi nəzərdə tutulur.
Seymur Qasımbəyli
27-10-2026, 08:49
Siyasət daha   mürəkkəb oyundur


Siyasət daha

mürəkkəb oyundur


Siyasət də şahmat oyunu kimidir: ağıl və səbir qələbəni təmin edən əsas şərtlərdir, emosiyalara qapılan tez uduzar! Şahmatda fiqur o vaxt qurban verilər ki, ya yeni yollar açılsın, ya da daha əlverişli mövqeyə keçilsin. Türkiyə prezidenti Rəcəb Tayyib Ərdoğanın hicab məsələsinə görə Azərbaycan hakimiyyətini sərt tənqid edən baş müşaviri Oktay Saralı istefaya göndərməsi də zəiflik və geriçəkilmə deyil, rəsmi Ankaranı gərginləşən Türkiyə-Azərbaycan münasibətlərində yeni yollara götürən və daha üstün bir mövqeyə keçirə biləcək ikinci əhəmiyyətli siyasi gedişdir.
Prezident Ərdoğanın birinci addımı münasibətlərin gərginləşdiyi və hər iki tərəfdən qarşılıqlı ittihamların dərinləşdiyi vaxt prezident Əliyevə ilk zəng vurması və onu oktyabrın 29-30-da Ankarada keçiriləcək TDT zirvəsinə şəxsən dəvət etməsi idi. Deməli, ikinci addım – müşavirin istefaya göndərilməsi - birincinin davamıdır: Ərdoğan hər şey edir və edəcək ki, qəfil ortaya çıxmış “hicab əməliyyatı” və ardınca da “heç kəs burnunu bizim işlərimizə soxmasın” kimi olduqca sərt, itələyici ritorikayla başlamış Türkiyəylə məsafəli davranmaq siyasəti davam etməsin, münasibətlər pozularaq geridönməz xarakter almasın!
Çünki Ərdoğan təkcə Azərbaycan - Türkiyə münasibətlərində yox, həm də Rusiya - Azərbaycan, ABŞ - Azərbaycan, İsrail - Azərbaycan, İran - Azərbaycan, Ermənistan - Azərbaycan münasibətlərində hal-hazırda nəyin baş verdiyini, nələrin planlaşdırıldığını və Azərbaycanın da üzərində hansı ağır yükün, məsuliyyətin olduğunu elə çətin geopolitik seçim qarşısında qalmış Azərbaycan prezidenti İlham Əliyev qədər bilən çox informasiyalı və təcrübəli dövlət başçısıdır. Üstəlik, o dövlət başçısıdır ki, Azərbaycanın taleyinin ən həlledici anında bütün komandasıyla birgə yanımızda olub, 44 günlük Vətən Savaşında qələbə qazanmağımızda müstəsna dərəcədə rol oynayıb - hər hansı məbləğ, pul-para bu zəhmətin, xidmətin və qələbənin qarşılığı ola bilməz! 200 illik bir problemdən qurtuluşumuzun, azadlığımızın və son 50 ildə bir xristian ölkə üzərində qalib gələn ilk müsəlman dövlət olmağımızın qürurunu, sevincini və üstünlüyünü heç bir maddi sərvət əvəzləyə bilməz və bu, heç dilə də gətirilməməlidir!
Deməli, məsələ heç də, Azərbaycan mediasının iddia etdiyi kimi, pulda-parada deyil, gələcəyin birgə dizaynında ortaya çıxmış fundamental baxış fərqlərində, kəskin düşüncə ziddiyyətlərində, strateji yanaşmadadır!
Hazırda Türkiyə tərəfində ciddi narahatlıq var ki, Azərbaycan hakimiyyəti son 1 ay ərzində yaşananları bəhanə edərək, ondan daha da uzaqlaşma xətti seçə, TDT-nin 29 - 30 oktyabrdakı Ankara zirvəsi pozula və ya sönük keçə, Rusiya - Çin - İsrailə münasibətdə ortaq qərar ala bilməyən bu qurumun daxilinə çat düşə, beləcə, Türkiyənin TDT üzərindən planlaşdırılan xüsusən hərbi-siyasi layihələri puça çıxa bilər. Çünki yeni dünya düzəninin, daha dəqiqi, dünyanın yeni təsir zonalarına bölüşdürülməsinin təməllərinin atılması üçün noyabrın 18 - 19-da Çində keçirilməsi planlaşdırılan Tramp - Si - Putin görüşünə qədər Aralıq dənizi - Cənubi Qafqaz - Mərkəzi Asiya xətti boyunca qurulan TDT-nin də hansı gücün yanında yer aldığını nümayiş etdirmək çox vacibdir.
Türkiyə Pakistan və Səudiyyə Ərəbistanı ilə bu ilin 7 avqustunda “Məkkə”, 21 oktyabrında isə Qətər, Pakistan və İndoneziya ilə “Bədr” müdafiə sazişlərini imzalamaqla, faktiki olaraq, sünni müsəlman dünyasının lideri olduğunu ortaya qoyub, ciddi-cəhdlə şiə İranın da bu ittifaqlara cəlb edilməsinə çalışır və bununla da yeni nizamda bütün İslam coğrafiyasının əsas özək dövləti ola biləcəyini göstərir. Belə bir ərəfədə, əsas etibarilə müsəlman türklərdən ibarət TDT-ni (həm də MDB təmsilçilərini) öz yanına almağı bacarması onu ABŞ, Çin və Rusiya ilə gözlənilən sövdələşmədə daha da güclü edə bilər.
İndi baxaq, görək, Ankarada TDT zirvəsi necə keçəcək: bu qurum, həqiqətən, dildə, fikirdə, işdə birliyin olmasına çalışacaq, yoxsa “SSRİ şineli”ndə qalmağa üstünlük verəcək?!

Elxan Şükürlü

����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Oktyabr 2026    »
BeÇaÇCaCŞB
 1234
567891011
12131415161718
19202122232425
262728293031 
Reklam
Hava
Valyuta
Reklam

Sayğac
Ən çox baxılanlar
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Zəngilanın dirçəliş   və qayıdış dövrü


Zəngilanın dirçəliş

və qayıdış dövrü


Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.

Qərbi zəngəzurlular Zəngilan şəhidliyində

Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.

Azad Zəngilanın qonaqları

Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.

Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!