Xaçmaz rayonunda kənd bələdiyyəsinə məxsus ərazidə yanğın olub. APA-nın Fövqəladə Hallar Nazirliyinə istinadən verdiyi məlumata görə, hadisə nəticəsində 30 ha biçilmiş taxıl sahəsi və kol-kos yanıb.

Yanğın yanğınsöndürənlər tərəfindən söndürülüb. Yaxınlıqdakı meşə zolağı yanğından mühafizə olunub.

Quba rayonunda isə 5 ha biçilmiş taxıl sahəsi yanıb. APA-nın Fövqəladə Hallar Nazirliyinə istinadən verdiyi məlumata görə, hadisə rayon mərkəzindən 15 km aralıda yerləşən Ağbil kəndində bələdiyyəyə məxsus ərazidə baş verib.

Digər əkin sahələri yanğından mühafizə olunub.

Tərtər şəhərində süd emalı zavodunun ərazisində yanğın baş verib. APA-nın Fövqəladə Hallar Nazirliyinə istinadən verdiyi məlumata görə, hadisə nəticəsində zavod ərazisində yaşayan vətəndaşa məxsus ümumi sahəsi 24 kv.m olan talvarın yanar konstruksiyaları 14 kv.m sahədə yanıb.

Talvarın qalan hissəsi yanğından mühafizə olunub.

Biləsuvar rayonunda vətəndaşa məxsus ümumi sahəsi 135 kv.m olan 1-mərtəbəli 3 otaqlı evin yanar konstruksiyaları və ev əşyaları yanıb. APA-nın Fövqəladə Hallar Nazirliyinin rəsmi saytına istinadən verdiyi məlumata görə, hadisə rayon mərkəzindən 9 km aralıda yerləşən Əsgərabad kəndində baş verib.

Yaxınlıqdakı tikililər yanğından mühafizə olunub.