“Böyük İpək Yolu” Beynəlxalq Gənclər İttifaqı Azərbaycan Respublikası Mədəniyyət Nazirliyinin maliyyə dəstəyi ilə “İpək Yolu ölkələri mədəni irsi – Milli Bayramlar” adlı filmin çəkilişini həyata keçirir.


Film bir neçə irqə, dinə, millətə xas olan adət-ənələr əks olunaraq dünyanın üç qitəsinin mədəniyyətini bir yerə toplayacaq. Film, ipək yolu marşrutu üzərində yerləşən bütün regionu əhatə edir.

Belə ki, bura Avropa, Asiya və Afrika qitələri (Albaniya, Çin, Misir, Gürcüstan, Yunanıstan, Macarıstan, Hindistan, Iraq, İordaniya, Qazaxstan, Qırğızıstan, Malta, Moldova, Mərakeş, Pakistan, İtaliya, Rumıniya, Rusiya, Cənubi Korea, Türkiyə, Ukrayna , Azərbaycan) daxildir.

Hədəf qrupu kimi layihədən birbaşa faydalananlar xüsusən gənclər olacaqdır. Filmin iyirmi beş ölkəni əhatə etdiyini nəzərə alarsaq burada bir milyonadək gəncin filmin nümayişində iştirakı və maariflənməsi gözlənilir.

Layihənin başlıca məqsədi nəinki Azərbaycan mədəniyyətinin, adət-ənənələrimizin göstəricisi olan milli bayramlarımızı dünya ictimayyətinə təbliğ etməkdir.

Həm də İpək Yolu üzərində yerləşən digər xalqların mədəniyyətlərini əks etdirən, ən qədim milli bayramlarının yer aldığı bir sənədli filmin çəkilişi, həmin xalqların mədəni irsinin təbliği, mədəniyyətlər arası dialoqun inkişafında müsbət rolu oynayaraq, bu şəkildə dünyaya yenidən bir tolerantlıq örnəyi olmaq və bu şəkildə Azərbaycan dövlətinin bu günkü mövqeyinin bir daha gücləndirilməsidir.


Modern.az