Türkiyə parlamentinin tribunasından çıxış edən Hasip Kaplan : "Müzakirə ediləcək daha önəmli məsələlər olduğu halda, məmurların da müzakirə edə biləcəyi hansısa arxiv sənədini parlamentə gətiriblər".
"Azərbaycana qardaş deyisiniz. Qardaş da qardaşa viza tətbiq edərmi?! Qardaş qardaşa qazı baha qiymətə satarmı?!", Hasip Kaplan parlamentdə PKK-nın siyasi qanadı-müxalifətçi Barış və Demokrasi Partiyasının (BDP) fraksiyasında təmsil olunur.
Kaplan deyib ki, bölgədə son dövrlərdə siyasi danışıqlarda intensivlik müşahidə olunur: xarici işlər naziri Əhməd Davudoğlunun Qara Dəniz İqtisadi Əməkdaşlıq Təşkilatının növbəti toplantısına gedəcəyi gözlənilir, Rəcəp Tayyip Ərdoğan Amerika səfəri, Məsut Bərzani və İlham Əliyevlə görüşdükdən sonra Vladimir Putinlə danışıqlar aparıb, bölgədə enerji layihələrini müzakirə edib.
"Qafqazlarda enerji layihələrinə aid protokollar olduğu bir vaxtda hansısa arxiv razılaşmasını parlamentdə müzakirəyə çıxarmaq yersizdir".
Türkiyə parlamentarisi Türkiyədə enerji sövdələşmələrinin mətbuat azadlığına da mənfi təsir etdiyini deyib. Onun fikrincə, "qəzetlərin sahibliyini alan iş adamları enerji layihələri ilə ya Azərbaycanda, ya da Bərzaninin yanındadırlar".
Hasip Kaplan təklif edib ki, xarici işlər naziri Əhməd Davudoğlu Qara Dəniz İqtisadi Əməkdaşlıq Təşkilatının toplantısına müxalifətçi deputatları da aparsın.
"Gedək birlikdə Qafqaz barışını müzakirə edək" BDP-li parlamentari deyib.
http://www.bbc.co.uk/a