26 aprel 2014-cü il tarixində Azərbaycan prezidenti yanında Gənclər Fondunun maliyyə dəstəyi ilə icra olunan "Vətənimin Xatirəsi" layihəsi çərçivəsində təşkil olunmuş vətənpətvərlik müsabiqəsinə yekun vurulub.  Müsabiqədə Bakı şəhəri və regionlarda yaşayan 14-29 yaş arasında olan gənclər iştirak edib. Müsabiqənin keçirilməsində əsas məqsəd  gənclər arasında vətənpərvərlik ruhunun təbliği, Milli qəhrəman və şəhidlərimizin yaxından tanıdılması, gənclərin yaradıcılıq potensialının inkişafına nail olunması, onların vətəndaş cəmiyyətinin inkişafında iştirakının artırılmasıdır. Gənclər tərəfindən hazırlanaraq müsabiqəyə təqdim olunmuş qısametrajlı videoçarxlar vətənpərvərlik ruhunda, Azərbaycanın tarixi, işğal altında olan bölgələrimizi, milli qəhramanlarımızı, şəhidlərimizi və onların həyatını və s. istiqamətləri əhatə edib.

Müsabiqəyə təqdim olunan video çarxlar münsiflər vasitəsilə seçilərək və müxtəlif yerlərə (I,II,III) layiq görülmüşdür. Müsabiqədə qalib gəlmiş şəxslərə sertifikat və qiymətli hədiyyələr təqdim olunmuşdur. Həmçinin 10 ən yaxşı videoçarx müəllifinə də diplom verilib.

Məlumat üçün qeyd edək ki,  ilk üçlüyə daxil olan  video çarxın hər birinin disk halında nüsxəsi artırılaraq ictimai təşkilatlara, müxtəlif təhsil müəssisələrində paylanacaq və sözügedən müəssisələrdə həmin video çarxların təqdimatlarıkeçiriləcək.