Abşeron rayonununFatmayı kəndində yeni tibb ocağının təntənəli açılış mərasimi keçirilib.

Rayon İcra Hakimiyyətinin başçısı Zakir Fərəcov kəndin əhalisinə yüksək səviyyəli səhiyyə xidməti göstərilməsi üçün geniş şəraiti olan poliknikanın açılışı münasibətilə kənd sakinlərini təbrik edib.Bildiribki,son səkkiz ildə Fatmayı kəndində yeni uşaq bağçası, kitabxana, poçt və avtomat telefon stansiyası, məktəbin yanında əlavə tədris korpusu tikilib.Ötən əsrin 30-cu illərində inşa olunmuş məktəb əsaslı təmir olunub.

Prezident İlham  Əliyevin sərəncamı ilə Fatmayı kəndindən keçməklə Saray-Novxanı-Mehdiabad-Fatmayı-Görədil avtomobil yolu tikilib istifadəyə verilib.

Əhalinin elektrik enerjisi,  qaz  və içməli su ilə təminatı yaxşılaşdırılıb, kanalizasiya şəbəkəsinin çəkilişinə başlanıb.

        Rayonda səhiyyə ili elan etdiyimiz  2007-ci ildən başladığımız quruculuq proqramı çərçivəsində bütün qəsəbə və kəndlərimizdə müasir layihələr əsasında poliklinika tipli səhiyyə ocaqlarının tikilib istifadəyə verilməsi bu möhtəşəm səhiyyə müəssisəsinin açılışı ilə uğurla başa çatır. Bu münasibətlə fatmayılıları bir daha təbrik edir, tibb işçilərinə gözaydınlığı verirəm.

      Fatmayı həkim ambulatoriyasının baş həkimi Sucayət Zeynalova əhaliyə xidmət göstərmək üçün geniş şəraiti olan bu yaraşıqlı binada işləmək sevincini onlara bəxş edən rayon rəhbərliyinə, şəxsən Rayon İcra Hakimiyyətinin başçısı  Zakir Fərəcova başçılıq etdiyi kollektiv adından minnətdarlığını bildirib, bu qayğıya cavab olaraq bundan sonra da kənd camaatının sağlamlığı naminə əllərindən gələni əsirgəməyəcəklərini  bildirib.

Fatmayı kənd sakini Səyavuş Əliyev kəndin bütün ictimaiyyəti adından Zakir Fərəcova minnətdarlığını bildirib.

 Zakir Fərəcov yeni binanın girişinə çəkilmiş al lenti kəsərək ümumi sahəsi 495 kv.metr olan tibb ocağının müxtəlif təyinatlı 14 otağının hamısına baxıb, səhiyyə işçiləri ilə birlikdə xatirə şəkili çəkdirib.

Fotolar Qüdrətindir.