Ötən il ərzində Azərbaycanın neft məhsullarının istehsalı sahəsində istehsalın ümumi dəyəri 2 mlrd. 772,7 mln. manat olmaqla 2015-ci illə müqayisədə 9,1% azalıb.

Butov.az xəbər verir ki, Dövlət Statistika Komitəsindən "APA-Economics"ə verilən məlumata görə, ötən il ölkədə 1 mln. 153,2 min ton avtomobil benzini istehsal olunub ki, bu da daha əvvəlki il ilə müqayisədə 5,8% azdır. Nəticədə bu ilin yanvarın 1-nə 20,9 min ton məhsul ehtiyatı yaranıb.

2016-cı ildə Azərbaycanda 2 mln. 315,2 min ton dizel yanacağı istehsal edilib. Bu, 2015-ci il ilə müqayisədə 17,4% azdır. Nəticədə bu ilin yanvarın 1-nə 69,1 min ton hazır məhsul ehtiyatı yaranıb.

Ötən il Azərbaycanda ağ neftin istehsalı 8,9% azalıb. Belə ki, ötən ilin 12 ayı ərzində ölkədə 627,3 min ton ağ neft istehsal olunub ki, bu ilin yanvarın 1-nə 16,1 min ton hazır məhsul ehtiyatı yaranıb.

Ötən il ərzində ölkədə neft bitumunun istehsalında 4,3% artaraq 179,2 min ton təşkil edib. Nəticədə yanvarın 1-nə 12 min ton hazır məhsul ehtiyatı yaranıb.

Ötən il ölkədə sürtgü yağlarının istehsalı 2015-ci illə müqayisədə 61,7% azalıb. Belə ki, 12 ay ərzində 9,7 min ton sürtgü yağları istehsal olunub ki, nəticədə bu ilin yanvarın 1-nə 5,2 min ton hazır məhsul ehtiyatı yaranıb.

Ötən il ərzində Azərbaycanda neft məhsullarının istehsalında neft-kimya sənayesində istifadə üçün benzinin də istehsalında azalma var. Belə ki, öt il ərzində 197,4 min ton neft-kimya sənayesində istifadə üçün benzini istehsal olunub ki, bu da 2015-ci il ilə müqayisədə 4,1% azdır. Nəticədə bu ilin yanvarın 1-nə 1,3 min ton hazır məhsul ehtiyatı yaranıb.

Ötən il ərzində Azərbaycanda 485,8 min ton yanacaq mazutu istehsal edilib ki, bu da daha əvvəlki il ilə müqayisədə 48,1% artım deməkdir. Nəticədə bu ilin yanvarın 1-nə 9,6 min ton hazır məhsul ehtiyatı yaranıb.

Ötən il ərzində Azərbaycanda 204,9 min ton neft koksu istehsal edilib. Bu, 2015-ci il ilə müqayisədə 7,4% azdır. Nəticədə bu ilin yanvarın 1-nə 33,6 min ton hazır məhsul ehtiyatı yaranıb.