Azərbaycan Beynəlxalq Bankı “SMS-xəbərdarlıq” xidməti üzrə tariflərdə böyük dəyişikliklər edib.
Butov.az xəbər verir ki, bankdan Trend-ə verilən məlumata görə, əvvəllər ayda 1.18 manatlıq abunə haqqı ilə təklif edilən bu xidmət indi VISA və Master Cardın Gold, Platinum, Amex Green Card, VISA PrimeCard Gold, Amex Gold Card, VISA PrimeCard Platinum, VISA Infinite/MC World Elite, Amex Platinum Card ödəniş kartlarının sahibləri üçün tamamilə pulsuz olub. Digər ödəniş kartlarının sahibləri isə bu xidmətdən indi cəmi 0.40 aylıq abunə haqqı ilə faydalana bilərlər. Qeyd edək ki, Azərbaycan Beynəlxalq Bankı həmçinin digər bir sıra məhsul və xidmətlər üzrə də tarifləri optimallaşdırıb və beləliklə, xidmətlərini müştərilər üçün daha sərfəli edib.

“SMS-xəbərdarlıq” xidməti müştəriyə ödəniş kartı üzrə keçirilən bütün әmәliyyatlar barәdә real vaxt rejimindә SMS şəklində bildirişlər almaq imkanı verir. Kart hesabına vəsait daxil olanda, yaxud hesabdan vəsait çıxanda müştərinin mobil telefonuna dərhal bu barədə SMS göndərilir. Beləliklə, müştəri bu xidmət vasitəsilə öz kart hesabını 24/7 rejimində nəzarət altında saxlamış olur. Azərbaycan Beynəlxalq Bankının “SMS-xəbərdarlıq” xidmətinə bankın bankomatları vasitəsilə qoşulmaq mümkündür.

36 filiala və 40 şöbəyə malik olan Azərbaycan Beynəlxalq Bankının məhsul və xidmətləri barədə ətraflı məlumatı www.ibar.az internet səhifəsindən, Bankın filial və şöbələrindən, yaxud 937 nömrəli Məlumat Mərkəzindən əldə etmək olar.