Bir neçə il bundan əvvəl avtomobil sürən qadınlara tək-tək rast gəlinirdi. Azərbaycanda qadın sürücülərinə qarşı  Avropadan fərqli olaraq aqressiv, kobud münasibətlər bəsləyirdilər . Elə fikirləşirdilər ki, qadınların maşın sürməsi  mentalitetə ziddir. Dünyanın heç bir ölkəsində sürücünü cinslərə görə fərqləndirmədikləri halda Azərbaycanda isə bu belə deyildi. Bunun səbəblərindən  biri kişilərin qadınlara rəqib kimi yanaşması idi. Onlar “Kim yaxşı maşın sürür” -deyə  qadınlarla rəqabətə girirdilər. Əslində isə tarixə baxsaq görərik ki ,bəzi qadınlar avtomobilin detallarının hazırlanmasında və nasazlıqlarının həllində mühüm rol oynamışdılar.Hamının yaxşı tanıdığı şüşə silənləri bir xanım – Meri Anderson kəşf etmişdir. Benzinlə işləyən maşını ixtira edən Karl Benzin yoldaşı Berta Benz maşında olan nasazlığı aradan qaldırmışdı. Bunun üçün o, sancaq və corab rezindən istifadə etmişdir. Berta Benz həmdə tarixdə  ilk qadın sürücü olmuşdur.         

   Azərbaycan SSR - də ilk qadın sürücülərdən biri də Sevil Qazıyeva olub. Lakin təhlükəlsizlik qaydalarına əməl etmədiyi üçün faciəvi şəkildə həlak olmuşdur.

İndi isə qadınların maşın  sürməsi adi hala  çevrilib. Lakin bunu da qeyd etmək lazımdır ki, bəzi qadınlar  maşını ehtiyac üçün sürsələr də, əksəriyyətində belə deyil. Onlar avtomobili aksessuar kimi qebul edir, maşın sahibi olmağı "prestij" (etibar) hesab edirlər.

             Həqiqəti qəbul etmək lazımdır ki, yaxşı maşın sürən kişilər qadınlardan çoxdur. Bunun səbəbi onların uşaqlıqdan maşına maraq göstərmələri və diqqətli maşın sürmələridir. Zərif cinsin nümayəndələri də maşın sürərkən diqqətli olsalar daha yaxşı olar.

Nazilə Əsgərova 

BDU jurnalistika  fakültəsinin II kurs tələbəsi