Bir çox orta ixtisas təhsil ocaqlarının eyni profil üzrə fəaliyyət göstərməsi bunu zəruri edir.

Azərbaycanın təhsil sistemində yaşanan özbaşınalıq və hərc-mərclik pik həddədir. Mikayıl Cabbarov kimi təhsilə naşı olan birinin nazir təyin edilməsi isə durumu daha da ağırlaşdırmaqdadır.

Butov.az Jam.az-a istinadən xəbər verir ki, bu sahədə mütəxəssis olanlar artıq danışmağa başlayıblar. Onların böyük əksəriyyəti bəyan edir ki, təhsil sektorunda vəziyyət gərgindir və prosesin zamanında qarşısı alınmalıdır. Ekspertlər vurğulayırlar ki, hazırkı təhsil sistemi mahiyyət etibarı ilə gözəl görünsə də, ortalıqdakı reallıq vahiməli durumdan xəbər verir.

Bəzi müşahidəçilər isə Təhsil Nazirliyində daha maraqlı bir təklif verərək, onlardan qənaətçil olmalarını istəyiblər. Onlar qeyd edirlər ki, hal hazırda dövlət qənaət siyasətinə keçib və bu səbəğdən də büdcə xərclərini azaldaraq, minimum həddə endirib. Boş və mənasız işlərə sərf olunan vəsaitlərin ödənişi dayandırılıb. Bundan sonra daha nələrin olacağı isə hələlik məlum deyil.

JAM.AZ bildirir ki, mütəxəssislərin təklifləri kifayət qədər maraqlıdır və onların tətbiq edilməsi bir xeyli xərclərin azalmasına gətirib çıxaracaq. Onların dediyinə görə, Bakıda fəaliyyət göstərən bir çox kolleclər var ki, onların birləşdirilməsi lazımdır. Çünki həmin təhsil ocaqlarının təyinatları eynidir.

Təkliflərdən biri belədir ki, Bakı Sosial Pedoqoji Kollec, Bakı Sənaye Pedoqoji Kolleci və Bakı Humanitar Kollecinə qəbul aparılan ixtisaslar Azərbaycan Pedoqoji Kollecindəkiylə eyniyyət təşkil edir. Ona görə də, hər 3 kollecin APK-yə birləşdirilməsi daha məqbul hesab edilir.

Digər təklifə əsasən Bakı Sosial-İqtisad Kolleci ilə ADİU-nun nəzdindəki Maliyyə-İqtisad Kolleclərinin birləşdirilməsidir. Müşahidəçilər vurğulayırlar ki, hər iki təhsil ocağının təyinatları eynidir və bu səbəbdən də birləşmələri daha doğru olardı.

Üçüncü təklif Bakı Kompyüter Kolleci ilə bağlıdır. Və bildirilir ki, həmin təhsil ocağı ləğv edilərək, Texniki Kollecə birləşdirilməlidir.

Xatırladaq ki, sözügedən kolleclərin böyük əksəriyyəti 2001-2001-ci illərdə yaradılıb və məqsəd kollec sistemini daha da inkişaf etdirmək olub. Lakin bu zaman ciddi səhvlərə yol verilib, o səbəbdən də hər il yüz minlərlə manat pullar xərclənib.