Sadiq Qurbanov nüfuzlu beynəlxalq tədbirdə məruzəçi olub .....                        Xınalığa dolu düşüb .....                        Qəbul imtahalarında yenilik olacaqsa, azı iki il əvvəl elan edilir - DİM rəsmisi .....                        Binəqədidə baş vermiş yanğında 1 nəfər xəsarət alıb .....                        Bakı Fransız Liseyinin bağlanma səbəbi açıqlandı .....                        Bağlanan liseyin şagirdləri bu məktəblərə köçürüləcək - RƏSMİ .....                        G7 ölkələrindən İrəvan və Bakıya çağırış .....                        Tovuzda qadın tanışı tərəfindən yandırıldı .....                        İsmayıllıda torpaq qatı uçdu - Evlər təhlükə altındadır - ViDEO .....                       
Tarix : 16-10-2017, 12:06

MEK-də Cümhuriyyətimizin 100 illik yubileyinə həsr edilmiş sərgi təşkil olunub


Butov.az xəbər verir ki, 1991-ci ildə müstəqilliyini bərpa edən Azərbaycan Respublikası 1918-1920-ci illərdə 23 ay mövcud olan, müsəlman Şərqində ilk dünyəvi, demokratik dövlət kimi tarixə düşən Azərbaycan Xalq Cümhuriyyətinin siyasi varisidir. Azərbaycan Xalq Cümhuriyyəti xalqımızın qədim dövlətçilik ənənələrini yaşadaraq həmin dövr üçün mütərəqqi hesab edilən dövlət təsisatlarının yaradılmasına nail olmuşdur. Gərgin ictimai-siyasi şəraitdə fəaliyyət göstərmiş Azərbaycan Xalq Cümhuriyyətinin demokratik dövlət quruculuğu, iqtisadiyyat, mədəniyyət, təhsil, hərbi quruculuq və digər sahələrdə həyata keçirdiyi işlər Azərbaycan tarixinin parlaq səhifəsidir. Bu şanlı tarixi yaradanların əziz xatirəsini əbədiləşdirmək, tarixi dövlətçilik irsimizin qorunub saxlanılmasına töhfə vermək üçün Azərbaycan Respublikasının Prezidenti İlham Əliyev Azərbaycan Xalq Cümhuriyyətinin 100 illik yubileyinə hazırlıq haqqında müvafiq sərancam imzalamışdır. Sərəncamda Azərbaycan Xalq Cümhuriyyətinin yaradılmasının 100 illik yubileyinin dövlət səviyyəsində qeyd edilməsi, Nazirlər Kabineti tərəfindən tədbirlər planının hazırlanıb həyata keçirilməsi, Azərbaycan Respublikasının Milli Məclisinə Azərbaycan Xalq Cümhuriyyəti Parlamentinin yaranmasının 100 illik yubileyi münasibətilə xüsusi iclasının keçirilməsi tövsiyə edilib.

Sərəncamdan irəli gələn vəzifələrə uyğun olaraq AMEA Mərkəzi Elmi Kitabxanasında (MEK) Azərbaycan Xalq Cümhuriyyətinin 100 illik yubileyinə həsr edilmiş sərgi təşkil olunub. Sərgidə Cümhuriyyətin yaranmasını, fəaliyyətini, Azərbaycan Xalq Cümhuriyyəti qurucularının həyatını əks etdirən 50-ə yaxın mənbə nümayiş olunur. Mənbələr arasında AMEA Tarix İnstitutunun Azərbaycan Xalq Cümhuriyyətinin Böyük Britaniya arxivində olan sənədlərinə əsasən hazırladığı “Azərbaycan Demokratik Respublikası”, “Azərbaycan Xalq Cümhuriyyəti ensiklopediyası, “Azərbaycan Xalq Cümhuriyyəti tarixinin aktual problemləri”, “Azərbaycan Xalq Cümhuriyyəti və milli müstəqilliyin ideya-siyasi problemləri”, “Azərbaycan Xalq Cümhuriyyəti Xarici İşlər Nazirliyinin şəxsi heyəti”, “Azərbaycan Xalq Cümhuriyyətinin xarici siyasəti”, M.Ə.Rəsulzadənin müəllifi olduğu, məqalələrinin və məktublarının toplandığı “Məqalələr və məktublar toplusu”, Azərbaycan Xalq Cümhuriyyətinin 80 illiyinə həsr olunmuş, arxiv materialları və sənədlər əsasında hazırlanmış “Azərbaycan Demokratik Respublikası”, rus müəllifi H.Pçelinin “Müsavat öncəsi kəndli məsələsi”, Aydın Balayevin Məhəmməd Əmin ömrünün 1922-1943-cü illərini əhatə edən “Yad sahillərdə”, o cümlədən “Məhəmməd Əmin Rəsulzadənin siyasi portreti” və MEK-in fondlarında olan digər kitablar sərgilənir.

Qeyd edək ki, Azərbaycan Xalq Cümhuriyyətinin 100 illik yubileyi ilə bağlı Mərkəzi Elmi Kitabxanada Azərbaycan Diplomatik Akademiyası (ADA) ilə birlikdə Azərbaycan Xalq Cümhuriyyətinə aid sənədlərin rəqəmsallaşdırılması, Azərbaycanın istiqlal şairi, ictimai-siyasi xadim Əhməd Cavadın 125 illiyinin qeyd edilməsi, həmçinin MEK fondlarında Azərbaycan Xalq Cümhuriyyətinə aid mühafizə olunan ədəbiyyatın Milli Rəqəmsal Yaddaş bazasına salınması kimi işlər görülmüşdür.

Sərgi 2018-ci ilin sonuna qədər davam edəcək, oxucular sərgidəki kitablardan ümumi qaydada - oxucu sorğu-sifarişi əsasında istifadə edə bilərlər.


Paylaş



Bölmə: Ana seife / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!