Bu payız Ermənistanda fövqəladə isti olacaq. Yerli politoloqlar belə hesab edirlər.

Məlum olduğu kimi, bu ilin noyabrında Vilnüsdə Ermənistanla Avropa Birliyi arasında assosiasiya haqqında saziş imzalanmalıdır. Bu, ölkənin siyasi dairələrini 2 hissəyə parçalayıb: Bəziləri hesab edirlər ki, qərb sahilinə yan almağın vaxtıdır, digərləri isə düşünürlər ki, Rusiya kursuna davam etmək lazımdır. Əks təqdirdə bu ölkənin təhlükəsizliyinə mənfi təsir edəcək.

Bir çox siyasi texnoloqlar hesab edirlər ki, Vilnüsdəki sammit və Avropa birliyinə "birdən gələn və qəflətən investisiya gətirən" Santa Klaus kimi yanaşmanı düzgün hesab etmirlər. Vilnüsdəki sammit və Avropa Birliyi hesabına Ermənistandakı kimi işləmək və isveçrəlilər kimi qazanmaq mümkün olmayacaq. Rusiya yönümlü ekspertlər hesab edirlər ki, bu sənəd Rusiyada fors-major yaradacaq.

Axı sirr deyil ki, Ermənistanın iqtisadiyyatı və silahlı qüvvələrin inkişafı bir çox halda şimal qonşusundan asılıdır. Sual olunur ki, Rusiyanın hərbi bazalarını gözlənilmədən Ermənistandan geri çəkməsi və Dağlıq Qarabağ məsələsində “neytral” mövqeyini dəyişdirməsi nə ilə nəticələnər?

Siyasi starteqlərin verdiyi rəylərə görə, bu yaxınlarda Putinin Bakı səfəri göstərdi ki, Rusiya-Azərbaycan münasibətlərinin gözə çarpan dərəcədə yaxşılaşması İrəvan üçün ciddi xəbərdarlıqdır.

İndi hər kəs Rusiya paytaxtında iki lider arasında danışıqların nəticəsini, çamadanları ilə Moskvadan zəng hayında olan Serk Sarkisyan isə çağırışı gözləyir. Axı, ekspertlərin də hesab etdiyi kimi, Ermənistanın taleyi məhz orada həll edilmiş ola bilər!