Azərbaycan Respublikasının Prezidenti yanında Bilik Fondu

“QARDAŞLAŞMIŞ MƏKTƏBLƏR”

Proqramı

Akademik Zərifə Əliyeva adına

Bərdə şəhər texniki təmayüllü məktəb-liseyi

və Şamaxı rayonu Sabir qəsəbə tam orta məktəbi

Bu gün bir qrup Şamaxılı məktəblinin həyatında unudulmaz bir gün yaşanacaq; onlar avtobusla 300 kilometrlik bir yol qət edib Bərdəyə gələcək, burdakı yaşıdları ilə tanış olub, 2 gün bir yerdə qalacaqlar.

Akademik Zərifə Əliyeva adına Bərdə şəhər texniki təmayüllü məktəb-liseyi və Şamaxı rayonu Sabir qəsəbə tam orta məktəbinin şagirdləri “QARDAŞLAŞMIŞ MƏKTƏBLƏR” olduğunu bəyan edərək bunu imzaları ilə təsdiq edəcəklər.

Maraqlı, rəngarəng səfər proqramında rayon ictimaiyyətinin, icra hakimiyyətinin rəhbərləri ilə görüşlər də nəzərdə tutulub.

Məktəblilər, onları müşayiət edən müəllim və valideynlər də 15 sentyabr “Bilik günü” ərəfəsində reallaşan Azərbaycan Respublikasının Prezidenti yanında Bilik Fondunun bu xeyirxah layihəsini məmnunluqla qarşıladıqlarını bildirirlər. Bu görüş barədə ətraflı məlumatı qəzetimizin növbəti sayında dərc edəcəyik.

Uğurlar sizə, məktəbli dostlar!

 Məktəblilərin tədbirindən hazırlanan geniş materialı "Bütöv Azərbaycan" qəzetinin növbəti sayında oxuya bilərsiniz.