Azərbaycan Respublikası Gənclər Fondunun maliyyə dəstəyiilə “Rəsmlərdəki şəhidlərim” adlı gənclərarasında rəsm müsabiqəsi həyata keçirilmişdir.

Layihənin məqsədi gənclər arasında vətənpərvərlik ruhunun təbliği, Milli Qəhrəman və şəhidlərimizin yaxından tanıdılması, gənclərin yaradıcılıq potensialının inkişafına nail olunması, gənclərin vətəndaş cəmiyyətinin inkişafında iştirakının artırılması idi. Layihədə Bakı şəhəri və regionlarda yaşayan 14-29 yaşarası gənclər iştirak etmişdirlər.

Müsabiqənin ilkin və əsas mərhələsi Yasamal rayon Heydər Əliyev Mərkəzində keçirilmişdir. İlkin olaraq sərginin açılış mərasimi olmuş və iştirakçılara uğurlar arzulanmışdır. Sonra sərgidə iştirak edən qonaqlar çıxış edərək iştirakçılara uğurlar arzuladılar. Daha sonra sərgi qonaqlara açıq elan edildi. Burada gənclərin xüsusi olaraq bu müsabiqə üçün işlədikləri on iki rəsm əsərləri nümayiş etdirilmişdir. Tədbirdə Milli Qəhrəman İbad Hüseynov da  iştirak etmişdir.Son olaraq layihənin qalibləri səsvermə yolu ilə seçildi və mükafatlandırıldı. Layihə iştirakçıları Fəxri Fərmanla təltif olundular.

Layihənin davamı olaraq rəsm əsərləri Azərbaycan Memarlıq və İnşaat universitetinin sərgi salonunda tələbərin nümayişinə verilmişdir. Sərgi iki gün ərzində davam edib.