ZUHUR.TV - Azərbaycanda ilk dini internet televiziya

2013-cü il fevral ayının 1-dən Azərbaycanın televizyia məkanında yeni nailiyyətlər əldə olundu. İlk dini internet televiziyası olan Zuhur televiziyası açıldı. Zuhur tv bir neçə tanınmış ilahiyyatçı şəxslərin birgə dəstəyi nəticəsində fəaliyyətə başladı.

Bu gün Azərbaycanın televeziya məkanında müxtəlif tipli televiziyalar mövcuddur. Televiziyaların, ümumiyyətlə, mətbuatın məqsədi informasiyalandırmaq, maarifləndirməkdir. Əldə etdiyimiz məlumatda da Zuhur tv-nin məqsəd və vəzifələri qeyd olunur. Televiziyanın məqsədi İslam dinini insanlara doğru və düzgün çatdırmaqdır. Yəni, Zuhur televiziyası yalnız islam dininin təbliği naminə yayımlanır. Çünki, insanların dini bilgilər də əldə etməyə həm ehtiyyacları, həm də hüquqları var. Bu bilgilər isə televiziya vasitəsilə daha operativ əldə oluna bilər. Artıq 5 aydır ki, fəaliyyət göstərən Zuhur tv özünə kifayət qədər auditoriya toplaya bilib. Televiziyanın şəriət, əxlaq, xütbə, uşaq və s verilişləri internet məkanında sərhədsiz yayımlanır. Zuhur tv-ni internetdən www.zuhur.tv ünvanına daxil olmaqla izləyə bilərsiniz. Eyni zamanda Zuhur tv-nin facebook sosial şəbəkəsində də rəsmi ünvanı var. Facebook istifadəçiləri http://www.facebook.com/Zuhur.tv səhifəsində verilişləri izləyə bilərlər.