Tarix : 13-02-2017, 20:07
Azərbaycan Milli Elmlər Akademiyası (AMEA) Botanika İnstitutunun direktoru, akademiyanın müxbir üzvü Validə Əlizadə Antalyada Avropa və Mərkəzi Asiya üçün Biomüxtəliflik və Ekosistem üzrə Hökumətlərarası Elmi-Siyasi Platforma (IPBES) tərəfindən regional qiymətləndirmə çərçivəsində keçiriləcək sənədləşmə işlərinin aparılması üzrə növbəti işçi toplantısında aparıcı ekspert kimi iştirak edib.
Butov.az xəbər verir ki, İnstitutdan AZƏRTAC-a bildiriblər ki, bu fəaliyyətin məqsədi regional və subregional səviyyələrdə biomüxtəliflik, ekosistem funksiyaları və ekosistem xidmətləri sahəsində elm-siyasət əlaqəsini gücləndirməkdir.
Qeyd edək ki, V.Əlizadə Avropa və Mərkəzi Asiya regionları üçün biomüxtəliflik və ekosistem xidmətlərinin qiymətləndirilməsi üzrə üç il IPBES-in aparıcı eksperti kimi fəaliyyət göstərəcək.
Paylaş
Bölmə: Xəbər / Karusel / Slayd / Xəbər lenti