30-10-2022, 14:10
Rusiyada "Telegram"ın saytına giriş bloklandı
Rusiya ərazisində "t.me" domeni bloklanıb. Butov.az xəbər verir ki, qərar Rusiya Federasiyası Baş Prokurorluğunun tələbi əsasında Roskomandzor tərəfindən qəbul edilib. Platformaya vebsayt üzərindən giriş bloklanıb. “Telegam”ın domeninin niyə bloklandığı barədə məlumat verilməyib.
30-10-2022, 14:06
Moskvanın qərarı gözlənilən idi - Zelenski çağırış etdi
Ukrayna prezidenti Volodimir Zelenski Rusiyanın taxıl sazişindən çıxmasına münasibət bildirib. Bu barədə o, "Telegram" kanalında video paylaşıb. Zelenski deyib ki, Rusiya ərzaq böhranını sentyabr ayında qəsdən ağırlaşdırmağa başlayıb. Dövlət başçısı Rusiyanın qərarının gözlənilən olduğunu vurğulayıb. Ukrayna lideri bildirib ki, Rusiya Federasiyası sentyabr ayından bəri taxıl dəhlizi razılaşması çərçivəsində Ukrayna limanlarını tərk edən 176 gəminin hərəkətinin qarşısını almağa çalışıb. "Rusiya sentyabr ayında ərzaqla yüklənmiş gəmilərin hərəkətinin dayandırılması ilə qəsdən ərzaq böhranını kəskinləşdirməyə başlayıb. Sentyabrdan bəri öz marşrutu ilə gedə bilməyən 176 gəmi taxıl dəhlizində qalıb. Bu, 7 milyondan çox istehlakçının qidasıdır. Bəzi taxıl daşıyıcıları üç həftədən çoxdur ki, gözləyirlər. Əlcəzair, Misir, Yəmən, Banqladeş, Vyetnam, bu və digər ölkələr Rusiyanın qəsdən təhrik etdiyi ərzaq böhranından əziyyət çəkə bilər”. Zelenski həm BMT-ni, həm də G20 ölkələrini Rusiyaya reaksiya verməyə çağırıb. Qeyd edək ki, Rusiya taxıl müqaviləsində iştirakını dayandırdığını bəyan edib.
30-10-2022, 14:03
Bağdadda partlayış - 8 ölü, 20 yaralı
İraqın paytaxtı Bağdad şəhərinin şərqində partlayış baş verib. Bu barədə "Reuters" yerli rəsmilərə istinadən məlumat yayıb. Bildirilir ki, partlayış nəticəsində 8 nəfər ölüb, 20-dən çox adam yaralanıb. Mənbələrin bildirdiyinə görə, partlayış futbol stadionu və kafenin yaxınlığında baş verib.
29-10-2022, 20:29
Ərdoğan yerli istehsal avtomobili sınaqdan keçirib
Türkiyə Prezidenti Rəcəb Tayyib Ərdoğan yerli "Togg" avtomobilinin istehsal edildiyi şirkətə baş çəkib. Bu barədə "Anadolu" agentliyi məlumat yayıb. Bildirilir ki, Ərdoğan avtomobilin istehsalında iştirak edən şəxslərlə görüşdən sonra maşını sınaqdan keçirib. Qeyd edilir ki, tezliklə avtomobillərin kütləvi istehsalına başlanılacaq.
29-10-2022, 20:27
Ukraynadan Rusiyanın taxıl sazişindən çıxmasına reaksiya
Ukrayna xarici işlər naziri Dmitri Kuleba Rusiyanın taxıl sazişindən çıxmasına reaksiya verib. Bu barədə nazir özünün "Twitter" hesabında yazıb. XİN başçısı deyib ki, Moskva taxıl dəhlizini bloklamaq üçün saxta bəhanədən istifadə edir."Biz xəbərdarlıq etmişdik. İndi Moskva milyonlarla insanın ərzaq təhlükəsizliyini təmin edən taxıl dəhlizini bloklamaq üçün saxta bəhanədən istifadə edir. Mən bütün dövlətləri Rusiyadan aclıq oyunlarını dayandırmağı və öhdəliklərini yerinə yetirməyi tələb etməyə çağırıram", - Kuleba vurğulayıb. Qeyd edək ki, Rusiya taxıl müqaviləsində iştirakını dayandırdığını bəyan edib.
29-10-2022, 20:25
"Neftçi" növbəti dəfə qələbə qazandı
Azərbaycan Premyer Liqasının XII turu çərçivəsində "Neftçi” səfərdə “Zirə” klubu ilə qarşılaşıb. Butov.az xəbər verir, "Ağ-qaralar” rəqibini 3 cavabsız qolla məğlub edib. Bu nəticə ilə xallarının sayını 25-ə yüksəldən “Neftçi” 3-cü pillədə yerini bir qədər də möhkəmlədib. “Zirə” isə 19 xalla 4-cü pillədə qalıb.
“Zirə” – “Neftçi” - 0:3
Qol: Yeqor Boqomolski, 6, Qodsyev Donyo, 75, Emin Mahmudov, 83
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
Zirə İdman Kompleksinin stadionu
29-10-2022, 20:21
Rusiya taxıl sazişindən imtina etdi
Rusiya İstanbulda imzalanan taxıl müqaviləsində iştirakını dayandırır. Bu barədə Rusiya Müdafiə Nazirliyi məlumat yayıb. Nazirlik Ukraynanı mülki gəmilərə hücum etməkdə ittiham edib."Oktyabrın 29-da Kiyev tərəfindən həyata keçirilən terror aktını nəzərə alaraq, Rusiya tərəfi Ukrayna limanlarından kənd təsərrüfatı məhsullarının ixracına dair sazişlərin həyata keçirilməsində iştirakını dayandırır", - nazirlik bildirib. Xatırladaq ki, iyulun 22-də İstanbulda dünya bazarlarına ərzaq və gübrə ixracı probleminin həlli üçün sənədlər paketi imzalanıb. İmzalanan sənədlərdən biri Ukraynanın nəzarətində olan Qara dəniz limanlarından taxıl ixracının mexanizmini müəyyən edib. Türkiyə, Ukrayna, Rusiya və BMT tərəfindən yaradılmış dördtərəfli koordinasiya mərkəzi silah qaçaqmalçılığı və təxribatların qarşısını almaq üçün taxıl gəmilərinə baxış keçiriblər.
29-10-2022, 20:02
Rusiya Ukraynanın 2370 PUA-sını vurub
Müharibə başlayandan bəri Rusiya qoşunları Ukraynaya məxsusu 2370 pilotsuz uçuş aparatını məhv edib. Müharibə başlayandan bəri Rusiya qoşunları Ukraynaya məxsusu 2370 pilotsuz uçuş aparatını məhv edib. Bu barədə Rusiya Müdafiə Nazirliyi bəyan edib.“Ümumilikdə, xüsusi hərbi əməliyyat başlayandan indiyədək 327 təyyarə, 164 helikopter, 2370 pilotsuz uçuş aparatı, 384 zenit-raket kompleksi, 6162 tank və digər zirehli döyüş maşını, 878 reaktiv yaylım atəşi sistemli, 3536 sahə artilleriya qurğusu və minaatan, həmçinin 6863 ədəd xüsusi təyinatlı hərbi maşın sıradan çıxarılıb”, - nazirliyin məlumatında deyilir.
29-10-2022, 19:51
Azərbaycan avarçəkəni Avropa çempionu oldu
İspaniyanın San Sebastian şəhərində təşkil edilən sahil avarçəkməsi üzrə Avropa çempionatında 4000 metr məsafəyə yürüşlərin qalibləri müəyyənləşib. Avarçəkmə Federasiyasından verilən məlumata görə, Azərbaycanı qitə birinciliyində Diana Dimçenko təmsil edib.“Baku” avarçəkmə klubu adından yarışan Dimçenko mübarizəyə yarımfinal mərhələsindən başlayıb. O, bu mərhələdə ən yaxşı nəticəni göstərib. 4000 metr məsafəni 22 dəqiqə, 56.72 saniyəyə qət edən idmançımız finiş xəttinə birinci çatıb. Bununla Diana Dimçenko əsas finala vəsiqəni təmin edib. Azərbaycan təmsilçisi finalda da uğurlu çıxış edib. Dimçenko ən yaxın rəqibi, ispaniyalı Qonzales Karotanı 5 saniyə qabaqlayaraq sahil avarçəkməsi üzrə Avropa çempionu adına layiq görülüb. Qeyd edək ki, Dimçenko sahil avarçəkməsi üzrə Avropa çempionu adına layiq görülən ilk Azərbaycan təmsilçisidir. Əlavə olaraq xatırladaq ki, Diana Dimçenko Uelsin Pembrukşir şəhərində təşkil edilən sahil avarçəkməsi üzrə sonuncu dünya çempionatında Azərbaycan bayrağı altında gümüş medal qazanıb.
29-10-2022, 18:37
ABŞ Rusiyanın Ermənistanla Azərbaycanı barışdıracağına inanmır
ABŞ Dövlət Departamentinin sözçüsü Ned Prays rəsmi Vaşinqtonun onilliklər ərzində Ermənistan və Azərbaycanın tərəfdaşı olduğunu vurğulayıb. Butov.az xəbər verir ki, Ned Praysın sözlərinə görə, Cənubi Qafqaz ölkələrinin, o cümlədən Ermənistan və Azərbaycanın suverenliyi və müstəqilliyinin ABŞ-dan böyük tərəfdarı yoxdur.“1991-ci ildə Ermənistan və Azərbaycanın müstəqilliyini bərpa etməsi dönüş nöqtəsi oldu. Biz Ermənistan və Azərbaycanla əlaqə saxlayırıq, bunu yalnız bir məqsədlə edirik: zorakılığa son qoymaq və bu ölkələri davamlı və hərtərəfli sülh yoluna çıxarmaq. Biz bu ölkələri onlar üçün ən faydalı formatda görüşməyə çağırdıq. Biz problemlərin həlli və davamlı sülhə nail olmaq üçün birbaşa dialoqun faydalı olacağına inanırıq”, - deyə o bildirib. Ned Prays bəyan edib ki, Ermənistan və Azərbaycanla bağlı Moskvadan aldadıcı məlumatlar, daha doğrusu, dezinformasiyalar yayılmaqda davam edir. Rusiya Federasiyasının səylərini konkret şərh etməyən ABŞ rəsmisi deyib ki, Ermənistan və Azərbaycan qarşıdakı danışıqlarda hansı yanaşmadan istifadə edəcəklərinə qərar verməlidirlər.“Dünya Rusiyanın qonşularına münasibətini görür”, - deyə o bildirib. Praysın sözlərinə görə, 2008-ci ildə Rusiyanın Gürcüstana təcavüzü və Ukraynada davam edən qəddar işğalı göstərir ki, Moskva qonşularının suverenliyinə hörmət etmir və çətin ki, etibarlı uzunmüddətli tərəfdaş ola bilər."Bizim yeganə məqsədimiz bu ölkələrə zorakılığa son qoymağa, Ermənistan və Azərbaycan xalqlarının çox istədiyi sabit və hərtərəfli sülhün bərqərar olmasına kömək etməkdir", - o vurğulayıb. Xatırladaq ki, Rusiya prezidenti Vladimir Putin bəyan edib ki, Ermənistanla Azərbaycan arasında sülh sazişi zəruridir və Rusiya sülh yolu ilə nizamlanmanın tərəfdarıdır. O qeyd edib ki, erməni xalqı və rəhbərliyi hansı varianta ehtiyacı olduğunu seçməlidir, lakin sülhə aparan istənilən variant onlar üçün məqbul olacaq.“Biz heç nəyi məcbur etmək fikrində deyilik və Ermənistana nəyisə diktə etməyəcəyik. Əgər erməni xalqı və Ermənistanın bugünkü rəhbərliyi qərara gəlsə ki, konkret variant seçməlidir, bildiyimə görə, “Vaşinqton variantı” Azərbaycanın Qarabağ üzərində suverenliyinin tanınmasını nəzərdə tutur, o zaman Rusiya Federasiyası istənilən seçimə dəstək verəcək”. Qeyd edək ki, oktyabrın 31-də Soçi şəhərində Rusiya, Azərbaycan və Ermənistan liderləri – Vladimir Putin, İlham Əliyev, Nikol Paşinyan arasında üçtərəfli görüş keçiriləcək. Görüşdə Ermənistan-Azərbaycan münasibətlərinin normallaşdırılması ətrafında müzakirələr aparılacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!