Şəmkirdə su borusundakı qəzanın səbəbi açıqlandı

Şəmkir Maşın-Kanal 2-ci pillə nasos stansiyasının 2-ci kilometrində hidro təzyiq nəticəsində metalın aşınması boruda qəzaya səbəb olub.
Bu barədə Azərbaycan Dövlət Su Ehtiyatları Agentliyindən (ADSEA) bildirilib.
Məlumata görə, qəzanın baş verdiyi andan etibarən Şəmkir Maşın-Kanalının İstismarı İdarəsi dərhal tədbirlər görüb və qəza aradan qaldırılıb. Hazırda borunun təmiri və bərpası istiqamətində işlər davam etdirilir.
Boru vasitəsilə ötürülən su suvarma məqsədilə istifadə olunur və qəza nəticəsində nə əkin sahələrinə, nə də mülki şəxslərə hər hansı zərər dəyməyib. Ətrafa axan su nasos stansiyanın suqəbuledici qurğusuna istiqamətlənib.

***

11:42

Şəmkir rayonunda su anbarına gedən boru xəttində qəza baş verib.
Hadisəyə dair görüntülər sosial şəbəkələrdə yayılıb.
Məlumata görə, boru Kür çayından Qaracəmilli kanalına su nəql edən xəttə aiddir.
Azərbaycan Dövlət Su Ehtiyatları Agentliyindən (ADSEA) bildirilib ki, boru kəmərində yaranan problem aradan qaldırılır.
Qeyd olunub ki, hadisə suyun təzyiqi səbəbindən baş verib.
"Sözügedən boru kəməri 1988-ci ildən istismar olunur. Suyun verilişi zamanı təzyiq nəticəsində qaynaq yerində qəza olub. İndi həmin hissə kəsilib, yenilənir. Hazırda ərazidə ciddi iş gedir.
Günün sonuna kimi işlər yekunlaşacaq və ərazidə suyun verilişi təmin ediləcək", - deyə məlumatda bildirilir.

Molla Əsgərdən qalma dini

ədəbiyyat və əlyazmalar

Dərləyəzin elmi-ədəbi mühitinin formalaşmasında ruhani institunun rolu danılmazdır. Sovetləşmə dönəmindən sonra bu təsisata qarşı aparılan repressiya mənəvi irsimizə böyük zərbə oldu. İnsanları din əlehinə təbliğata məcbur etməklə fundamental insan hüquqlarından olan vicdan azadlığı hüququnu tapdaq altına atdılar. Lakin bu repressiyadan dönməzliyi, möhkəm əqidəsi ilə çıxan bir çox din xadimlərimiz oldu. Bu gün belə şəxsiyyətlərdən biri haqqında Molla Əsgər haqqında söhbət açacağıq. Uşaqlıq yaddaşımda hazırcavablığı, məzəli zarafatları ilə qalan (haqqında İmirli kəndində məzəli əhvalatlar dolaşır) Molla Əsgər taleyin hökmü ilə bir müddət Bərdə rayonun İmirli kəndində yaşayıb və öz ruhani fəaliyyətini davam etdirib. Sovetlər dönəmində kənd məclislərində mollaları dolaşdırıb çətin duruma salmaq üçün onlara müxtəlif səpkili suallar verirdilər. Sonra isə mollaları savadsız yerinə qoyub gülürdülər. Dinsizlik mühitindən çıxmış insanlara bu çox adi gəlirdi. Belə məclislərdən birində Molla Əsgərə istehza ilə sual verən cavan oğlan söyləyir: “Əsgər baba Əzrayıl kişidi ya qadın?”. Molla Əsgər halını pozmadan deyir: “Darıxma bala yanına gələndə görəcəksən!”.
İki dəfə həbs edilməsinə baxmayaraq sarsılmaz əqidə sahibi, iman əhli olan Molla Əsgər öz dininə sadiq qalıb.

Dönməz əqidə sahibi olan Molla Əsgər kimdir? Əliyеv Əsgər Əli оğlu 1894-cü ildə Şərur-Dərləyəz qəzasının Cağazir kəndində аnаdаn оlub. Təqribən 1930-cu illərdə Şərur rаyоnunun Yuхаrı Yаycı kəndində mаğаzаsını işlədib. О illərdə həmin kənddə Mihəsən аdlı din adamından Qurаn dərsləri öyrənməyə bаşlаyıb. Bu müddət ərzində həm ərəb, həm də fаrs dillərini öyrənib və yахın ətrаf kəndlərdə mоllаlıq еtməyə bаşlаyıb. Dövrün şаhidlərinin bildirdiklərinə görə hər iki dili mükəmməl bilib və «Qurаn»ı cümlə-cümlə охumаqlа tərcümə еdib.

Bu fəаliyyəti Sоvеt hökumətinin yеrli nümаyəndələrinin nаrаhаtçılığınа səbəb оlur və оnа dəfələrlə хəbərdаrlıq еdirlər ki, Qurаn охumаqdаn və dini fəаliyyətdən əl çəksin. Mоllа Əsgər inаdındаn dönmür və nəhаyət həbs еdilir. 1942-ci ildə həbs еdilən Mоllа Əsgər Rusiyаnın Kuybışеv şəhərində yerləşən həbsxanaya göndərilir. 4 illdən sоnrа аmnistiyаyа düşən Molla Əsgər yenidən Cağazir kəndinə qаyıdır və yеnidən dini fəаliyyətlə məşğul оlmаğа bаşlаyır. 1947-ci-1948-ci illərdə ikinci dəfə həbs еdilir. Bu həbs zаmаnı isə əlində оlаn dini kitаblаrın çох hissəsi tоnqаldа yаndırılır. Kitаblаrın аz bir hissəsi gizlədmək mükün olur və övladları tərəfindən mühafizə edilərk bu günə kimi ailə arxivində saxlanılır.
İkinci həbsin аdını isə «Yеrli hökuməti sаymаmаq» аdı ilə «vətən dəyişikliyi» еdilir və 2,5 il müddətinə Çivə kəndinə gеdir və оrаdа (bаcаnаğı İbrаhimin yаnınа) аz müddət yаşаmаğа bаşlаyır. Növbəti хəbərdаrlıqdаn sоnrа Аğdаm rаyоnunun Mirəşelli kəndinə gеdir. Оrаdа əkinçiliklə, kоtаn sürməklə, bənnа işləməklə çörək pulu qаzаnmаğа çаlışır.1951-ci ildə аzərbаycаnlılаr Еrmənistаndаn dеpоrtаsiyа оlunаndа Çivə kənd cаmааtı dа yеrindən didərgin sаlınаrаq Bərdə rаyоnunun İmirli kəndinə köçürülürlər. Həmin vахtı Mоllа Əsgərin bаcаnаğı İbrаhim kişi Əsgərin qızı Püstəni və оğlu Məhəmmədi də özlərilə İmirli kəndinə gətirirlər.1951-1952-ci ildə Mоllа Əsgər də İmirliyə köçməklə оrаdа yаşаmаğа bаşlаyır. Sоnrаkı ildə isə аilənin digər üzvləri də (yоldаşı Kübrа, оğlu Qəşəm, qızı Fаtmа və Səkinə) İmirli kəndinə köçürlər və 1964-cü ilə qədər оrаdа yаşаyırlаr. Həmin müddət ərzində mоllа Əsgər öz pеşəsi üzrə dinlə məşğu оlmаğа bаşlаyır. Böyük оğlu Məhəmmədin də gözəl səsi оlduğu üçün İmirli kənd məscidində mərsiyə dеyirmiş. (Sоnrаdаn həkimlik sənətini sеçib). Molla Əsgər 1964-cü ildə, Mоskvаyа, SSRİ-nin Ədliyyə Nаzirliyinə mürаciət еdir ki, mən həbsdə оlmаqlа cəzаmı çəkmişəm, аmmа öz kəndimizdə yаşаmаğа imkаn vеrmirlər. Mоskvаdаn vеrilən cаvаbdа bildirilir ki, sən artıq cəzanı çəkmisən hаrаdа istəsən, yаşаyа bilərsən. 1964-cü ildə yеnidən Şərur rаyоnunun Cаğazir kəndinə qаyıdаn Mоllа Əsgər ömrünün sоnunаdək (1982-ci ilin mаy аyınаdək) оrаdа yаşаyır. Ömrünün sоnunаdək əlində оlаn dini kitаblаrı qоruyub sахlаyır. Övlаdlаrının və kənd cаmааtının bildirdiyinə görə hər zаmаn Qurаnın təbliğаtını vicdаnlа yеrinə yеtirib, hеç bir kаsıbın dəfnindən və yаsındаn pul ummаyıb və bildirib ki, bu Аllаh-təаlаnın bizim qаrşımızdа qоyduğu vəzifədir. Hər zаmаn kənd və qоnşu kəndlərin ziyаlılаrı, cаmааtı оndаn Qurаn охunmаsı və din haqqında öyrənmək üçün оnun еvinə yığışırlаrmış.

Оnu digər «mоllа»lаrdаn fərqləndirən digər bir хüsusiyyətidə İran dini rejimi haqqında tənqidi fikirləri olub. İranda din pərdəsi altında həyata keçirilən siyasətin İslama heç bir adiyyatı olmaması fikrini bildirirmiş.
Molla Əsgərin ocağında qorunub saxlanan kitabların və özünün əlyazmalarının mütəxəssis tədqiqatına ehtiyacı var. Bu həm Şərur-Dərələyəz elmi-ədəbi mühitinin öyrənilməsi həm də o dövrün ictimayi-siyasi hadisələrinə daha dolğun qiymət verilməsi baxımından çox zəruridir.

Tədqiqatçı-hüquqşünas Səməd Vəkilov

Metroda gedişhaqqı 1 manat olacaq? - RƏSMİ

"Bakı Metropoliteni" QSC metroda gedişhaqqının artırılması barədə xəbərlərə münasibət bildirib.
QSC sədrinin müşaviri Emil Əhmədov bildirib ki, bu məsələ daim müzakirə olunur, amma hazırda bu barədə rəsmi məlumat yoxdur.
"Bir çox ölkələrdə fərqli yanaşmalar var. Məsələn aylıq kartlar, bir səfərlik kartlar. Eyni zamanda tələbələr və sosial həssas qrupa daxil olan insanlar üçün fərqli yanaşmalar tətbiq olunur. Bir çox çox ölkələrdə məsafədən asılı olaraq ödənişlər mümkündür. Bunlar daim bizim gündəmimizdədir, müzakirələr olunur. Hələ ki yekun qərar yoxdur", - o deyib.
Xatırladaq ki, mətbuatda və sosial şəbəkələrdə metro və avtobuslarda gedişhaqqının 1 manat olacağı barədə xəbərlər yayılıb.
İctimai nəqliyyatda gedişhaqqı sonuncu dəfə 2024-cü ilin iyunun 30-da dəyişib. Qərar Rəqəmsal İnkişaf və Nəqliyyat Nazirliyinin Kollegiyası tərəfindən verilib.

Fidan Zəngəzur dəhlizindən danışdı: Azərbaycana güvənirik!

Ermənistanla Azərbaycan arasında əldə olunan razılaşmalar, həmçinin Azərbaycanla ABŞ arasında razılaşma region üçün çox müsbət vəziyyət yaradıb.
Bunu Türkiyənin xarici işlər naziri Hakan Fidan "TGRT Haber" kanalına müsahibəsində bildirib.
O qeyd edib ki, Vaşinqton görüşü və razılaşmalarla bağlı Azərbaycan tərəfi Türkiyə ilə məsləhətləşmələr aparıb.
Zəngəzur dəhlizi ilə bağlı Türkiyənin mövqeyinin qarşılıqlı etimada əsaslandığını deyən nazir bu mövzuda Azərbaycanla sıx əməkdaşlığın olduğunu vurğulayıb:
"Hazırda Zəngəzur dəhlizi ilə bağlı konkret heç nə yoxdur. Nə baş verəcəyi, vəziyyətin necə idarə olunacağı məsələlərini tərəflər öz aralarında müzakirə edəcəklər. Bizim tutduğumuz mövqe etimada əsaslanır. Biz azərbaycanlı qardaş və bacılarımıza güvənirik".
Hakan Fidan Ermənistanın Baş naziri Nikol Paşinyanın bu məsələdə son mövqeyini də təqdir edib: "Paşinyanın siyasi riskə getməsi də təqdirəlayiqdir".

Qarşılaşacağımız komandaların hamısı... - Qurban Qurbanov

Çox böyük məsuliyyət olduğunu başa düşürük. Yaxşı mübarizə aparmağa, azarkeşlərimizi sevindirməyə çalışacağıq.
Bunu klubun mətbuat xidmətinə açıqlamasında "Qarabağ"ın baş məşqçisi Qurban Qurbanov UEFA Çempionlar Liqasının Liqa mərhələsində qarşılaşacaqları rəqibləri dəyərləndirərkən deyib.
"Öncə öz azarkeşlərimizə bir daha təşəkkür etmək istəyirəm. "Ferentsvaroş"la pley-offun cavab oyunu zamanı stadionda etdikləri azarkeşlik, göstərdikləri dəstək, yaratdıqları atmosferə görə hər birinə təşəkkür edirəm. Bizim azarkeşlər Çempionlar Liqasının Liqa mərhələsini görməyi haqq edirdilər. Onlar üçün çox sevinirəm ki, bu mövsüm Çempionlar Liqasının minimum 4 görüşünü Bakıda canlı izləyəcəklər. Dörd səfər qarşılaşmasına isə ən azı televiziya ilə baxmaq şansları olacaq", - deyə baş məşqçi bildirib.
Qurban Qurbanov Liqa mərhələsindəki rəqiblər barədə də fikirlərini açıqlayıb:
"Qarşılaşacağımız komandaların hamısı çox ciddi rəqiblərdir. Öz ölkələrinin köklü, tarixi olan klublarıdır. "Liverpul", "Çelsi", "Ayaks", "Napoli", həmçinin digərləri "Benfika", "Ayntraxt", "Kopenhagen" və "Atletik" hamının yaxşı tanıdığı güclü komandalardır.
Çalışacağıq ki, bu matçlara yaxşı hazırlaşaq. Çünki bu turnir tam başqa bir səviyyədir. Çempionlar Liqasındakı həyəcan bir neçə dəfə artıq olur. Burada həm güc, həm sürət, həm oyunun gedişatı tam fərqlidir. Çox böyük məsuliyyət olduğunu başa düşürük. Yaxşı mübarizə aparmağa, azarkeşlərimizi sevindirməyə çalışacağıq".
Qeyd edək ki, komandamız Liqa mərhələsində "Liverpul" (İngiltərə), "Benfika" (Portuqaliya), "Napoli" (İtaliya) və "Atletik"lə (İspaniya) səfərdə, "Çelsi" (İngiltərə), "Ayntraxt" (Almaniya), "Ayaks" (Niderland) və "Kopenhagen"lə (Danimarka) evdə qarşılaşacaq.

41 yaşlı kişini "tok" vurub öldürdü

Masallı rayonunda bədbəxt hadisə nəticəsində 41 yaşlı kişi ölüb.
Hadisə Qasımlı kəndində yerləşən fermalardan birində baş verib. Axşam saatlarında 1-ci Yeddioymaq kənd sakini, 1984-cü il təvəllüdlü Rəşad Qədiməli oğlu Əsgərovu elektrik cərəyanı vurub. Nəticədə o, hadisə yerində ölüb.
Meyit ərazidən götürülərək, daxil və xarici müayinə olunması üçün Mərkəzi Tibbi Ekspertiza və Patoloji Anatomiya Birliyinin Masallı Rayon Şöbəsinə təhvil verilib.
Faktla bağlı Masallı Rayon Prokurorluğunda araşdırma aparılır.

F-16 qırıcısı qəzaya uğradı: pilot öldü

Polşa Hərbi Hava Qüvvələrinə məxsus "F-16" qırıcı təyyarəsi Radom şəhərində hava şousunun məşqi zamanı qəzaya uğrayıb.
Bu barədə Polşa hökumətinin sözçüsü Adam Şlapka məlumat verib.
Onun sözlərinə görə, təyyarənin pilotu həlak olub.
Bildirilir ki, təyyarə uçuş zolağına çırpılıb və nəticədə zolaq yararsız hala düşüb.

Putinlə görüş olmayacaq

“Ukrayna prezidenti Volodimir Zelenski ilə Rusiya prezidenti Vladimir Putin arasında görüş olmayacaq.”
Bunu Almaniya kansleri Fridrix Merz deyib.
“Şübhəsiz ki, keçən həftə ABŞ prezidenti Tramp ilə prezident Putin arasında olduğu kimi prezident Zelenski ilə prezident Putin arasında görüş baş tutmayacaq.”, - o deyib.
Merz məsələ ilə bağlı təfərrüatları açıqlamayıb.

Hakan Fidan amerikalı həmkarı ilə Ukraynanı müzakirə etdi

ABŞ Dövlət katibi Marko Rubio Türkiyənin xarici işlər naziri Hakan Fidan ilə telefon danışığı aparıb.
Tərəflər ABŞ - Türkiyə münasibətləri, o cümlədən NATO müttəfiqi kimi əməkdaşlığın gücləndirilməsini müzakirə ediblər.
Onlar, həmçinin Yaxın Şərqdə sülh və sabitliyə davamlı dəstəklərini ifadə ediblər və Rusiya - Ukrayna müharibəsinin danışıqlar yolu ilə həll etmək üçün davamlı diplomatiyanın zəruriliyini vurğulayıblar.

Gəncənin vurulması əmri Ermənistandan verilib - Arayik məhkəmədə

Ermənistanın Azərbaycana qarşı hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşları Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin barəsində olan cinayət işləri üzrə açıq məhkəmə prosesinin baxış iclası avqustun 28-də davam etdirilib.
Bakı Hərbi Məhkəməsində hakimlər Zeynal Ağayevin sədrliyi ilə, Camal Ramazanovdan və Anar Rzayevdən ibarət tərkibdə (ehtiyat hakim Günel Səmədova) keçirilən məhkəmə iclasında təqsirləndirilən şəxslərin hər biri bildikləri dildə tərcüməçi, həmçinin müdafiələri üçün vəkillərlə təmin olunub.
İclasda təqsirləndirilən şəxslər, onların müdafiəçiləri, zərərçəkmiş şəxslərin bir qismi, onların hüquqi varisləri və nümayəndələri, həmçinin dövlət ittihamını müdafiə edən prokurorlar iştirak ediblər.
Hakim Zeynal Ağayev prosesə ilk dəfə qatılan zərərçəkmiş şəxslərə məhkəmə heyətini, dövlət ittihamını müdafiə edən prokurorları, tərcüməçiləri və s. təqdim edib, habelə onların qanunvericiliklə nəzərdə tutulmuş hüquqlarını və vəzifələrini izah edib.
Məhkəmə iclası təqsirləndirilən şəxs Arkadi Qukasyanın cinayət işi üzrə ibtidai istintaqa verdiyi ifadələr və ona aid digər sənədlərin elan olunması ilə davam etdirilib.
Təqsirləndirilən şəxs Arkadi Qukasyan ibtidai istintaq zamanı ifadəsində bildirib ki, qondarma rejimin "prezidenti" kimi istənilən "vəzifəyə təyinat"la bağlı qərar qəbul etmək səlahiyyətinə malik olub. Yalnız "müdafiə naziri" vəzifəsinə "təyinat" və "vəzifədən azad etmə" Ermənistanın Müdafiə Nazirliyi və Ermənistan prezidenti ilə razılaşdırıldıqdan sonra baş tutub.
Bölgəyə silah-sursatı yalnız Ermənistan Müdafiə Nazirliyinin göndərdiyini deyən A.Qukasyan ifadəsində vurğulayıb ki, qondarma rejimin "müdafiə nazirliyi" faktiki olaraq Ermənistanın Müdafiə Nazirliyinin tərkib hissəsi kimi çıxış edib.
Bildirilib ki, Ermənistandan silah-sursat və digər bütün təminatlar Gorus-Laçın-Xankəndi, Vardenis-Kəlbəcər-Ağdərə-Xankəndi avtomobil yollarından istifadə edilməklə bölgəyə gətirilib.
Təqsirləndirilən şəxs Arayik Harutyunyanın ibtidai istintaqdakı ifadəsində bildirilib ki, I Qarabağ müharibəsində və ondan sonrakı dövrdə Azərbaycanın həmin vaxt işğal altında olan ərazilərində hərbi qüvvələr Ermənistandan gətirilərək yerləşdirilib. Aprel döyüşləri zamanı da Azərbaycan Silahlı Qüvvələrinə qarşı döyüşən Ermənistana tabe olan, oradan maliyyələşən hərbi birləşmələr olub. Silah-sursat, hərbi texnika və canlı qüvvə dəstəyi də həmişəki kimi Ermənistandan təmin edilib.
A.Harutyunyan 2020-ci ildə 44 günlük müharibə zamanı əsgərlərə ruh yüksəkliyi vermək üçün hərbi kazarmalara və döyüş yerlərinə getdiyini, lakin bütün hərbi əmrləri, göstərişləri Ermənistanın Müdafiə Nazirliyinin və baş qərargah rəisinin verdiyini deyib. Bildirib ki, həmin vaxt baş qərargah rəisi Onik Qosparyan olub və 44 günlük müharibə zamanı bütün rəhbər göstərişlər, əmrlər, tapşırıqlar onun tərəfindən verilib.
"Toçka-U", "Smerç", "Skad" və digər bu tipli raket kompleksləri qondarma rejimin "müdafiə ordusunun" hərbi arsenalında olmayıb. 44 günlük müharibə zamanı iki "Smerç" raket kompleksi Ermənistandan gətirilərək Əsgəranda yerləşdirilib. Raket kompleksini idarə edənlər və şəxsi heyət də Ermənistan hərbi qüvvələrinə aid olub və oradan gətirilib.
Arayik Harutyunyan ibtidai istintaqa ifadəsində qeyd edib ki, Tərtər və Bərdə rayonlarında, Gəncə və Mingəçevir şəhərlərində, Goranboy, Beyləqan və digər rayonların ərazilərində yerləşən, mülki əhalinin sıx məskunlaşdığı ərazilərə, mülki obyektlərə, müdafiə olunmayan ərazilərə, hətta Bakı şəhərinin də yerləşdiyi Abşeron yarımadası istiqamətində ballistik raketlərin atılmasına dair əmrlər Ermənistandan verilib.
Bildirilib ki, 2020-ci il oktyabrın 4-də paylaşdığı "Mənim əmrimlə müdafiə ordusu bu gün Gəncə şəhərində yerləşən hərbi obyektləri məhv etmək üçün bir neçə raket zərbəsi endirib. İndidən mən dinc əhali arasında günahsız qurbanların olmaması üçün atəşkəs əmri vermişəm. Düşmən ondan nümunə götürmədiyi təqdirdə, düşmənin ordusunu parçalayaraq, sıradan çıxararaq bərabər və güclü zərbələr endirməkdə davam edəcəyik. Biz hərəkətlərimizdə sona qədər qərarlıyıq" kimi yazının mətni Ermənistan Respublikasının Müdafiə Nazirliyinin baş qərargah rəisi Onik Qasporyanın təklifi ilə hazırlanaraq ona verilib, o da həmin mətni öz mətbuat katibi Vahram Poqasyana təqdim edərək, onun səhifəsində yerləşdirməyi tapşırıb.
Qeyd edib ki, baş verən proseslərə artıq heç bir təsir imkanının qalmadığını gördüyü üçün 2023-cü il avqustun 31-də "istefa verərək" "prezidentlikdən" imtina edib.
Məhkəmə iclası təqsirləndirilən şəxs Arayik Harutyunyanın mətbuatda və sosial şəbəkələrdə paylaşdığı məlumatlar və ifadələrinin elanı ilə davam edib, fotogörüntülər təqdim olunub.
Sonra məhkəmə iclasında təqsirləndirilən şəxs Bako Sahakyanın ibtidai istintaqa verdiyi ifadəsi elan olunub.
İfadəsinə əsasən qeyd olunub ki, 1988-ci ildən "Azadlıq hərəkatı"nın öncüllərindən biri kimi tanınıb, 1990-cı ildə "özünümüdafiə qüvvələri"nə qoşulub, 1992-1993-cü illərdə qondarma rejimin "özünümüdafiə komitəsi"nin komandir müavini, 1993-1995-ci illərdə qondarma rejimin "müdafiə ordusu"nun "arxa qərargahının komandiri", 1995-1996-cı illərdə "müdafiə ordusu komandirinin xarici əlaqələr üzrə müavini", 1996-1997-ci illərdə 10-cu dağlıq piyada diviziyası komandirinin müavini, 1997-1999-cu illərdə Ermənistan Respublikasının daxili işlər və milli təhlükəsizlik nazirinin köməkçisi, 1999-2001-ci illərdə qondarma rejimin "daxili işlər naziri", 2001-2007-ci illərdə "milli təhlükəsizlik xidmətinin direktoru" vəzifələrində çalışıb. 2007-2020-ci illərdə qondarma rejimin "prezidenti" olub, həmçinin "dövlət naziri vəzifəsi"ni icra edib.
Həmçinin ifadəsində qeyd edib ki, Birinci Qarabağ müharibəsi zamanı aparılan bütün hərbi əməliyyatlara "özünümüdafiə qüvvələri komitəsinin", daha sonra "müdafiə ordusunun sədri" olan Serj Sarkisyan, Ermənistanın müdafiə nazirləri olmuş Vazgen Sarkisyan və Vazgen Manukyan rəhbərlik ediblər. Həmin dövrdə ümumi rəhbərliyi isə "Dövlət Müdafiə Komitəsi"nin sədri olmuş Robert Köçəryan və Ermənistanın ozamankı prezidenti Levon Ter-Petrosyan edib.
Məhkəmə prosesi avqustun 29-da davam etdiriləcək.
Qeyd edək ki, Ermənistan dövlətinin, onun dövlət qurumlarının vəzifəli şəxslərinin, hərbi qüvvələrinin və qanunsuz silahlı birləşmələrin bilavasitə rəhbərliyi və iştirakı, şifahi-yazılı qaydada verdiyi tapşırıq, göstəriş və təlimatları, maddi, texniki, şəxsi heyətlə verdiyi dəstəyi, mərkəzi qaydada idarəçiliyi əsasında, eləcə də ciddi nəzarəti altında Azərbaycan ərazisində daxili və beynəlxalq hüquq normalarına zidd şəkildə, Azərbaycana hərbi təcavüz etmək məqsədilə yaradılmış, həmçinin Köçəryan Robert Sedraki, Sarkisyan Serj Azati, Manukyan Vazgen Mikaeli, Sarkisyan Vazgen Zaveni, Babayan Samvel Andraniki, Balasanyan Vitali Mikaeli, Balayan Zori Hayki, Ohanyan Seyran Muşeqi, Qaramyan Arşavir Surenoviç, Melkonyan Monte Çarlz və digərlərinin rəhbərliyi, bilavasitə və dolayı iştirakları ilə Ermənistan dövləti, o cümlədən sözügedən cinayətkar birlik tərəfindən aparılan təcavüzkar müharibənin gedişində törədilmiş çoxsaylı cinayət faktlarına dair cinayət işi üzrə 15 təqsirləndirilən şəxs ittiham edilir.
Həmin şəxslər, yəni, Harutyunyan Arayik Vladimiri, Qukasyan Arkadi Arşaviri, Sahakyan Bako Sahaki, İşxanyan Davit Rubeni, Manukyan David Azatini, Babayan David Klimi, Mnatsakanyan Levon Henrikoviç, Beqlaryan Vasili İvani, Qazaryan Erik Roberti, Allahverdiyan Davit Nelsoni, Stepanyan Qurgen Homeri, Balayan Levon Romiki, Babayan Madat Arakeloviç, Martirosyan Qarik Qriqori, Paşayan Melikset Vladimiri Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, hazırlama, başlama və aparma), 102 (beynəlxalq müdafiədən istifadə edən şəxslərə və ya təşkilatlara hücum etmə), 103 (soyqırımı), 105 (əhalini məhvetmə), 106 (köləlik), 107 (əhalini deportasiya etmə və ya məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrumetmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 118 (hərbi soyğunçuluq), 120 (qəsdən adam öldürmə), 192 (qanunsuz sahibkarlıq), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 277 (dövlət xadiminin və ya ictimai xadimin həyatına sui-qəsd etmə), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279-cu (qanunvericiliklə nəzərdə tutulmayan silahlı birləşmələri və qrupları yaratma) və digər maddələri ilə ittiham olunurlar.