28-09-2025, 17:25
Zəlzələyə görə İstanbulda uçuşlara fasilə verildi
Kütahyada baş verən və ətraf bölgələrdə hiss olunan zəlzələdən sonra İstanbulun Sabiha Gökçen Hava Limanında təhlükəsizlik məqsədilə operativ tədbirlər görülüb.
Hava hərəkəti nəzarətçisi eniş edən təyyarələri ehtiyat tədbiri olaraq xəbərdar edib.
Zolağın yoxlanılması üçün uçuşlar təxminən 5 dəqiqəlik dayandırılıb. Bu müddətdə iki təyyarə eniş etməyib.
Aparılan yoxlamalar zamanı hər hansı nasazlıq və ya risk aşkarlanmadığından uçuşlar yenidən bərpa edilib.
28-09-2025, 16:53
Məşhur aktyor jurnalisti söydü - Döyüldü
Türkiyənin məşhur sənətçisi Nejat İşler ilə şou-biznes müxbirləri arasında dava çıxıb.
Buna səbəb aktyorun sərxoş olduğu halda jurnalistin ona dayanmadan sual ünvanlaması olub.
Bunun ardınca aktyor əsəbiləşib və söyüş söyməyə başlayıb.
Qeyri-etik ifadələrdən hiddətlənən müxbirlərdən biri sənətçiyə kəllə atıb.
Qeyd edək ki, sözügedən görüntülərdə çoxsaylı təhqiramiz ifadələr yer aldığından onu yayımlamağı məqbul hesab etmirik.
28-09-2025, 16:41
Hindistanda izdiham: Ölənlərin sayı 40-a çatdı
Hindistanın Tamil Nadu ştatında siyasi mitinqdə baş verən izdihamda ölənlərin sayı 40-a çatıb, 124 nəfər xəstəxanaya yerləşdirilib.
Bu barədə ştatın səhiyyə naziri M. Subramanian məlumat verib.
Onun sözlərinə görə, şənbə günü 36 nəfər xəstəxanaya aparılarkən yolda, daha dörd nəfər isə xəstəxanaya yerləşdirildikdən sonra ölüb. Onlardan doqquzu uşaqdır.
Nazir əlavə edib ki, yaralıların vəziyyəti əsasən stabildir.
Şənbə günü on minlərlə insan Karur rayonunda tanınmış aktyor və siyasətçi Vijayin mitinqində iştirak etmək üçün toplaşıb. O, 2026-cı ilin əvvəlinə təyin edilmiş ştat məclisi seçkiləri üçün təbliğat aparıb.
Yerli sakinlər qeyd ediblər ki, izdihamı idarə etmək üçün tədbirin ətrafında çoxlu barrikadalar və kəndirlər qurulub. Lakin aksiya o qədər böyüyüb ki, onu idarə etmək mümkün olmayıb. Siyasətçi 6 saatlıq gecikmədən sonra çıxışına başlayanda xaos və izdiham yaranıb.
28-09-2025, 16:24
Ukraynanın itkiləri məlum oldu
Rusiya müharibənin 1313-cü günü üçün Ukrayna ordusunun itkiləri haqda məlumatı yeniləyib.
Bu barədə Rusiya Müdafiə Nazirliyinin rəsmi nümayəndəsi İqor Konaşenkov məlumat yayıb.
“Xüsusi əməliyyatın başladığı gündən indiyə qədər düşmənin 667 təyyarəsi, 283 helikopteri, 87 130 PUA-sı, 631 zenit-raket kompleksi, 25 273 tank və digər zirehli texnikası, 1 592 reaktiv yaylım atəş sistemi, 30 010 artilleriya və minaatanı, 42 797 xüsusi hərbi avtomobil texnikası məhv edilib”, - o bildirib.
28-09-2025, 16:13
Moldovada parlament seçkiləri baş tutub - YENİLƏNİB
Moldovada parlament seçkiləri baş tutmuş hesab edilib.
Bu barədə ölkənin Mərkəzi Seçki Komissiyasının (MSK) mətbuat xidməti məlumat yayıb.
MSK-nın məlumatına görə, yerli vaxtla saat 14:30-a səsvermədə iştirak etmək üçün qeydiyyatdan keçmiş Moldova vətəndaşlarının 33%-dən çoxu seçkilərdə iştirak edib. Bu, seçkiləri etibarlı elan etmək üçün tələb olunan minimum seçici sayıdır.
MSK günün birinci yarısında seçici fəallığının nisbətən aşağı olduğunu bildirib. Bununla belə, günortadan sonra həm ölkə daxilində, həm də beynəlxalq səviyyədə rəqəmlər yaxşılaşıb.
***
09:41
Bu gün Moldovada parlament seçkiləri keçirilir.
Sentyabrın 28-də Moldovada parlamentin XII çağırışına seçkilər başlayıb.
Seçicilər 101 deputatı dörd il müddətinə seçəcəklər. Səsvermə məntəqələri yerli vaxtla 07:00-dan 21:00-dək (Bakı vaxtı ilə 08:00-dan 22:00-dək) açıq olacaq.
Seçkilərin etibarlı sayılması üçün seçici siyahısına daxil olanların azı üçdə biri iştirak etməlidir.
Vətəndaşlar yalnız ölkə daxilində deyil, xaricdə yaradılan məntəqələrdə səs verə bilirlər. İlk dəfə olaraq, diaspora seçicilərinə 10 ölkədə poçtla səsvermə imkanı verilib.
Ümumilikdə seçkilərdə 23 iştirakçı qeydə alınıb: 15 siyasi partiya, 4 seçki bloku və 4 müstəqil namizəd. Parlamentə düşmək üçün partiyalar 5%, bloklar 7%, müstəqil namizədlər isə 2% səs baryerini keçməlidirlər.
Seçkilərin əsas rəqabəti hakim “Fəaliyyət və Həmrəylik Partiyası” (PAS) ilə müxalif “Patriot Bloku” arasında gedir. PAS-ın əsas vədi 2028-ci ildə Avropa İttifaqına üzvlük müqaviləsinin imzalanmasıdır. Partiya həmçinin əhalinin gəlirlərinin ikiqat artırılmasını, ixracın və yol infrastrukturunun genişləndirilməsini vəd edir.
“Patriot Bloku” isə qaz tariflərinin yarıbayarı azaldılacağı, bütün məktəblilərə pulsuz qida təmin ediləcəyi və pensiya yaşının yenidən 57 ilə qaytarılacağı ilə çıxış edir. Blokun aparıcı simaları İqor Dodon, Vladimir Voronin və Vasili Tarlevdir. Onlar seçkilərdən sonra nəticədən asılı olmayaraq etiraz aksiyaları keçirəcəklərini açıqlayıblar.
Ekspertlər proqnoz verirlər ki, PAS təxminən 40% səs toplasa belə, parlamentdə çoxluq əldə edə bilər.
28-09-2025, 15:59
İçimizdə qopduq özümüzdən!
Bir yarpaq kimi sovruluruq uzaqlara. Daim yetişməyə çalışırıq bir nöqtəyə, vergüllər arasında itdiyimizin fərqinə varmadan. Mənasız həyatın axışında məna tapmağa çalışan zavallı insanlarıq biz.
Bir payız yarpağı qədər xəfif iradəmizlə, öz həyatımızı şəkilləndirdiyimizi düşünürük, əslində küləyin bizi apardığı tozlu, yağışlı cığırlarla getsək belə. Lakin biz, bilmədiyimiz yerlərdə yox, öz içimizdə itən insanlarıq. O qədər uzaqlaşmışıq ki, sadəcə dalırıq bulanıq düşüncələrə, baxıriq uzaqlara. Amma gözlər boş baxır, qulaqlar səsləri eşidir, lakin dərk etmir, artıq heç nə əvvəlki kimi deyil. Musiqi ruhunuza toxunmur, sözlər qəlbinizi oxşamır, günəş içinizi isitmir. Aynaya baxıb gördüyümüz simadan, yuxusuzluqdan qaralan gözlərdən, yorğunluqdan şişmiş üzümüzdən diksinirik.
Bir gün kitabın arasından təsadüfən düşən uşaqlıq şəkiliniz çarpır nəzərinizə. Yaxından baxırsınız o balaca uşağa, bütün xatirələriniz keçir zehninizin dolanbac küçələrindən. Gözləriniz qeyri-ixtiyari yaşarır, üzünüzdə açıqlanmaz bir təbəssüm yaranır. O məsum simalı uşağa qarşı qəlbdən bir sevgi yaranır, onun kiçik aləmində etdiyi dəcəlliklərə rişxəndlə və fəxrlə gülürsünüz. Rəğbətlə baxdığınız o uşağa, artıq aynada nifrətlə baxdığınızı unudursuz.
İçimizdə qopduq özümüzdən!
Zamanla artıq məsumluqdan sıyrılıb, boynumuza yığılan yüklərin altında əzildik. Indisə özümüzə baxamaz hala gəldik. Aynalarla deyildir bizim savaşımız, içimizdəki ayna qırıldıqdan sonra qalarmı bir mənası?
Artıq o qədər çox səs var ki, içimizdəki cılız fısıltıya kar olduq, aynada baxdığımız insanın məsumiyyətinə kor olduq, qəlbimizdən keçən sözlər yerinə deməli olduğumuz sözləri səsləndirdiyimiz an lal olduq. İtdik, batdıq, öldük lakin dirilmədik. Özümüzə xəyanət etdiyimiz an köçdü ruhumuz bu dünyadan. Özünü təslim etdi səmalara, buludlara, uzaq sonsuzluğa...
Biz insanlar - qəlbindəki arzuları torpağa basdırıb, ruhunu səmaya tapşıran bitmişliyin adını qoyduq həyat...
Daha başlamadan məğlub olduq yaşamağa...
Ofeliya Qafarova
28-09-2025, 15:42
Loran Blan istefaya göndərildi
Səudiyyə Ərəbistanının “Əl-İttihad” klubu baş məşqçisi Loran Blanı istefaya göndərib.
Bu barədə klubun mətbuat xidməti məlumat yayıb.
Yerli çempionatın son turunda “Əl-Nəsr”ə məğlubiyyətdən (0:2) sonra fransalı mütəxəssislə bağlı qərar verilib.
Qeyd edək ki, Fransa millisinin sabiq baş məşqçisi 2024-cü ilin iyulundan “Əl-İttihad”ı çalışdırır. Komanda onun rəhbərliyi altında ilk mövsümündə liqa və Kral kubokunu qazanıb. “Əl-İttihad” bu mövsüm Səudiyyə Ərəbistanı çempionatına ardıcıl üç qələbə ilə başlayıb və yalnız son turda uduzub. Komanda 4 turdan sonra 9 xalla 3-cü pillədədir.
28-09-2025, 15:15
Şair Yavuz Bülent Bakiler vəfat etdi
Türkiyəli şair Yavuz Bülent Bakiler vəfat edib.
Bu barədə Türkiyə Mədəniyyət Nazirliyi məlumat yayıb.
Qeyd edək ki, 89 yaşlı şair "Harman", "Yalnızlık", "Duvak" ve "Seninle" kimi şeir kitablarıyla məşhur idi. Şair həmçinin Azərbaycan mədəniyyətinə və ədəbiyyatına dərindən bağlılığı ilə tanınırdı.
28-09-2025, 15:11
ŞƏHİD -- ŞAHİD
...Dayan! – deyib, yaxın gəldi, öpdü onun alnından
Yay gününün xoş səhəri, bir də dağlar küləyi...
(S.Vurğun)
Şəhadətin mübarək, ŞƏHİDİM...
İnsan oğlu ağrılara qarşı təhəmmülsüzdür. Hər kəs də öz ağrısını daha güclü, dözülməz bilir. Ancaq mən hər zaman Günəşimizin doğuşundan başlamış, zülmət qaranlığın çökməsinə, ildırımın qəzəbinə, yağışın səpilməsinə, üzərində çaylar axan daşların hansı sızıltı ilə cilalanmasına, torpağın bağrından qopan hər bir cücərtinin necə bir ağrı, həsrət dolu eşqlə işığa doğru can atmasına, habelə canlı aləmin öz ətrafına -- oranın flora və faunasına müvafiq şəkildə formalaşan hər bir əzasının hansı dərəcəli müqavimətlər toplusunun hesabına ərsəyə gəlməsi prosesinə insan zəkasının dərk etməyəcəyi mübhəm olduğu qədər də çəkilməz bir acının nəticəsi olduğuna təsirlənmişəm..
Mənə görə, Haqq, Gözəllik, Həyat uğrunda özünü unudub ümumun önünə keçən, bununla da müqəddəs yürüşə -- cihada tapınan hər bir qəlb şəhidlik məqamındadır.
Düşünün, dan yerini çatlatması ilə qızardaraq müqəddəsliyin ta əzəliliyindən boylanan əbədiyyət Günəşimizə varlıq fəlsəfəsi simvolu olan Eşq və Acı çəkmək görəvi, habelə bundan rişələnən Yaranış və Candan qopan Can kimi bir missiya əslində bir-birinin içində doğ(ul)an, ayrılmaz şəkildə cilvələnən, eyni zamanda da bir-birinin sonuna rəvac verrməklə laməkan candaşlarına növbəti dünya qazandıran müqəddəs qüvvə daşıyıcılarıdır. Bu mənada, təbiətin 1 gününü bir insanın nəsibinə yazılmış ömür payı ilə üz-üzə qoymaq mümkündür. "Bütün yollar Romaya aparır" timsalı, bu fırlanan dünyanın da hər bir nəfəs dərimi arasında müqəddəs eşqlə səngiməz acının ellipsvari bir trayektoriya çizmiş olduğunu dərk edəriksə, Şəhadətliyin də Ana torpağa nədən birmənalı şəkildə doğma olduğunu və bu müqəddəsliyə hər mənada say-seçmə aşiqlərinin layiq görüldüyünü həqiqətən anlayar, Göylərin bu unikal qərarını ruhən qəbul edərik.
Elə isə, ruhu Yaradanına, şəfəqləri yaradıldığı, tapşırıldığı cahana bağlı, mahiyyəti acılardan yoğrulmuş sönməz eşqin özü olan Günəş öz ruh əkizlərini -- bu müqəddəs missiyalı mücahidlərini -- bəşəri şəhadətlilərini şəfəqlərinə qarışdırrmağa niyə tələsməsin ki?..
Hörmətlərimlə: Gülgəz NUR
28-09-2025, 14:49
Türkiyədə güclü zəlzələ
Türkiyənin Kütahya vilayətinin Simav rayonunda zəlzələ olub.
Bu barədə Türkiyənin Təbii Fəlakətlər və Fövqəladə Halların İdarə Olunması Baş İdarəsi (AFAD) məlumat yayıb.
Vurğulanıb ki, 5,4 bal gücündə olan yeraltı təkanlar yerli vaxtla saat 12:59-da qeydə alınıb.
Zəlzələ İstanbul və İzmirdə hiss edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!