Tarix : 22-09-2015, 15:36
Avropa İttifaqı nazirləri görüşərək bu yaxınlarda Avropaya gəlmiş təxminən 120 min sığınacaq axtaran şəxsin yerləşdirilməsi ilə bağlı mübahisələrin həll olunmasına çalışacaq.
Bir qrup mərkəzi Avropa dövləti məcburi kvotanın qəbulu üçün 22 Avropa İttifaqı üzvünün çağırılmasını təkid edir.
Butov.az BBC-yə istinadən bildirir ki, Macarıstanın hakimiyyət dairələrinin fikrincə, Avropa sərhədləri təhlükə altındadır.
Miqrant böhranı Avropa dövlətləri arasında dərin fikir ayrılığına səbəb olub.
Macarıstan baş naziri bildirib ki, Avropa miqrantlarla "dolub" və böhranla bağlı Avropanın birgə mövqeyi ortaya qoyulmalıdır.
Viktor Orban bildirib ki, miqrantlar "qapıları qırırlar" və "milyonlarla" miqrant Avropaya gələ bilər.
Almaniya və Fransa miqrantların Aİ ölkələri arasında bərabər bölüşdürülməsini istəyirlər.
Məcburi kvotaya qarşı çıxan Polşa, Macarıstan, Çex Respublikası və Slovakiyadan olan xarici işlər nazirlərinin Praqada görüşü baş tutub. Dörd Şərqi Avropa ölkəsinin xarici işlər nazirləri böhranla bağlı danışıqlar aparırlar.
Avropa liderlərinin miqrant böhranı ilə bağlı görüşməyə hazırlaşdığı ərəfədə, həftə sonu minlərlə miqrant Avstriyaya daxil olub.
Aİ daxili işlər nazirlərinin isə çərşənbə axşamı görüşəcəyi gözlənilir. Növbəti gün isə liderlər fövqəladə görüş keçirəcəklər.
Həftə sonu minlərlə miqrant Cənubi və Şərqi Avropada sərhədləri keçməyə davam edib. Bir çoxu Almaniya və Skandinaviya ölkələrinə getməyi düşünür.
Avstriyaya təkcə şənbə günü 10 min miqrant daxil olub.
Macarıstan güclü nəzarəti saxlamaqla Serbiya ilə sərhədini açıb. Sərhədlərin bağlanması nəticəsində çoxlu sayda miqrant Xorvatiyaya üz tutmalı olmuşdu.
Xorvatiya ilkin olaraq miqrantları qarşılasa da, sonradan çoxlu sayda miqrantın öhdəsindən gələ bilmədiyini bildirmişdi.
Avropaya gələn miqrantların əsasını Suriyadakı münaqişədən yaxa qurtaran miqrantlar təşkil etsə də, onların arasında Əfqanıstan, Eritreya, Nigeriya və Somalidən olan qaçqınlar da var.
Butov.az
Paylaş
Bölmə: Dünya / Karusel / Slayd / Xəbər lenti
Başqa xəbərlər
- Avropada miqrantların dramı davam edəcək
- Qanla çökən müsəlman ölkələri, köçlə batan Avropa (VİDEO)
- Miqrantlara ən sərt münasibət göstərən ölkə(FOTO,VİDEO)
- Miqrantların ərəb ölkələrinə deyil, Avropaya üz tutma SƏBƏBLƏRİ
- Qərbin anti-miqrant şouları
Fikirlər
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!