Vüqar Abbasov: “Nə vaxta kimi ermənilərin etdiklərinə etiraz etməklə işimizi bitmiş hesab edəcəyik?”

“Noyabrın 7-də Amsterdam universitetlərinin birində (Vrije Universiteit Amsterdam) "Tanınmamış ölkələr, problemin həlli nədir?" (Niet erkende landen, wat is de oplossing?) başlığı altında seminar keçiriləcək. Seminarda Niderland Parlamentinin sosialistlər partiyasının (SP) üzvü cənab Harry van Bommel, iki Niderlandlı araşdırmaçı iştirak edəcək”. Bunu Baymediaya açıqlamasında Beynəlxalq Hollandiya Jurnalistlər Birlıiyinin üzvü Vüqar Abbasov deyib. O, bildirib ki, bura eyni zamanda seminara separatçı rejimən- Qarabağdan "deputat" adı altında bir nəfəri, Armen Sarkisyanı da dəvət ediblər: “Neçə gündür izləyirəm və belə başa düşdüm ki, hələlik bundan, diaspor təşkilatlarımız arasında, yalnız Azərbaycan Türk Kültür dərnəyinin rəhbəri İlhan Aşkının xəbəri var. Sağ olsun, səhifəsində bu seminarın afişasını paylaşıb və diasporumuzu xəbərdar edib. Onu bir daha burda paylaşıb səhifəmdəki Niderlandlı dostlarımda yanlış fikir yaratmaq istəmədim. Seminar Niderlandda fəaliyyət göstərən "Haytad" komitəsi tərəfindən təşkil olunur. Yeri gəlmişkən, bizim təşkilatların heç birinin haytadın saytı kimi saytı da yoxdur. Varsa da mənim rastıma çıxmayıb. Mən öz tərəfimdən Niderland Parlamentinin üzvünə etiraz məktubu göndərib və görüş xahiş etmişəm. Niderlandlı dostlarımdan xahiş etmişəm ki, tədbirin keçiriləcəyi universitetin rəhbərliyinə məktub göndərsinlər və bu xahişimə də hörmətlə yanaşdılar. Niderlanddakı səfirliyimizlə telefon əlaqəsi saxladım və sevindirici haldır ki, səfirliyimiz bundan xəbərdardır. Səfirlik əməkdaşının dediyinə görə artıq etiraz məktubları hazırlayıblar və bu günlərdə göndərəcəklər. Buna isə təəssüf etdim. Düşünürəm ki, etiraz məktubları artıq ünvanlarına şatmış olmalı idi. Məsələ ondadır ki, biz nə qədər müdafiə mövqeyi tutacağıq? Nə vaxta kimi ermənilərin etdiklərinə etiraz etməklə işimizi bitmiş hesab edəcəyik? Bütün bunlarla bağlı geniş yazı hazırlamağa çalışacam...”.