Mingəçevirdə yataqxana binasında yanğın baş verdi - FHN cəlb olundu - VİDEO .....                        Əlillərə məxsus maşınlara taksi fəaliyyəti göstərmək qadağan edildi .....                        Tofiq Yaqublunun oğlu veteran vəsiqəsi aldı - FOTO .....                        Sabiq nazirin oğlu dindirildi .....                        Dəmir yolu ilə sərnişindaşımaya subsidiya verilməsi qaydaları təsdiqləndi .....                        İcra başçısının qardaşı oğluna hökm oxundu .....                        Avtobusların rənglərinə dair tələb müəyyənləşdi .....                        Latviyanın XİN başçısı istefa verəcəyini açıqladı .....                        Paytaxtda ucuz avtomobillər bu tarixdə satışa çıxarılacaq .....                       
Tarix : 4-08-2017, 12:25
“Mən həminki dağlar oğlu Dilqəməm” - Dilqəm Əsgərov


AzVision.az xəbər verir ki, Kəlbəcərdə erməni işğalçıları tərəfindən girov götürülən Dilqəm Əsgərov və Şahbaz Quliyevin işinə Avropa Məhkəməsində baxılacaq. Kəlbəcər girovlarını Avropa Məhkəməsində müdafiə edən vəkil Anar Bağırov mətbuata açıqlamasında bildirib ki, kommunikasiya başlayıbsa, iş tez bir zamanda qərarla nəticələnməlidir.

“Bu iş artıq məhkəmənin icraatındadır. Avropa Məhkəməsinin prosedurlarında ən çətin məsələ müraciətin icraata götürülməsidir. Çünki Avropa Məhkəməsinə edilən müraciətlərin tam əksəriyyəti heç icraata qəbul olunmur və ya bu müddət çox uzun çəkir. Avropa Məhkəməsində növbədə minlərlə müraciətlər var. Bu baxımdan kommunikasiyaya başlanması çox önəmli məsələdir.

Hesab edirik ki, əgər müraciət kommunikasiyaya qəbul olunursa, həmin iş üzrə qərarın qəbul olunma ehtimalı çox yüksəkdir. Ümid edirik ki, müraciətə qısa müddətdə baxılacaq”.

Vəkil Avropa Məhkəməsinin bu işlə bağlı ədalətli qərar qəbul edəcəyinə ümid etdiyini deyib.

“Hesab edirəm ki, məhkəmənin qəbul edəcəyi ədalətli qərarla soydaşlarımızın azadlığa çıxacağı və öz evlərinə qayıdacağı şansı yüksəkdir. Ancaq təbii ki, erməni tərəfi Avropa Məhkəməsinin qərarını icra etməkdən yayınmağa çalışa bilər. Əgər Ermənistan tərəfi məhkəmənin qərarını icra etməzsə, bunun da öz məsuliyyəti var. Avropa Məhkəməsinin qərarlarını icra etməməyə görə müəyyən mexanizmlər var ki, qərar icra edilməyəcəyi təqdirdə həmin mexanizm Ermənistana qarşı işə düşəcək”.

Kəlbəcər girovu Dilqəm Əsgərovun oğlu Kürdoğlu Əsgərov açıqlamasında Avropa Məhkəməsindən ədalətli qərar gözlədiklərini bildirib.

“Martdan bəri atam bizə məktub yazmır. Beynəlxalq Qızıl Xaç Komitəsinin nümayəndələrinin sözlərinə görə, onlar tez-tez girovlara baş çəkirlər. Bildirirlər ki, atam məktub yazmaq istəmir. Bunun səbəbini bilmirik. Hər dəfə məktub yazan insan, indi niyə belə edir? Bəlkə də atamın səhhətində ciddi problemlər var. Çünki martda atımın videosuna baxmışdıq. Videoda atamın stolun arxasında güclə əyləşdiyi görünür. O, başını güclə qaldırıb, deyirdi ki, “mən həminki dağlar oğlu Dilqəməm”. Ümidimiz Avropa Məhkəməsinə qalıb. İnanırıq ki, ədalətli qərar veriləcək, atam azadlığa çıxacaq”.

Girov Şahbaz Quliyevin qardaşı İlham Quliyev işə Avropa Məhkəməsində baxılması haqda mətbuatdan xəbər tutduğunu söyləyib.

“Bizə bu barədə heç kim məlumat verməyib. Dostlarım radioda bu xəbəri eşidən kimi mənə məlumat verdilər. Bizim tək dərdimiz Şahbazın və Dilqəmin azadlığa qovuşmasıdır. Onların girovluqdan azad edildiyi günü səbrsizliklə gözləyirik. İnanmaq istərdik ki, Avropa Məhkəməs ədalətli qərar verəcək”.

Qeyd edək ki, 2014-cü ilin iyul ayında Rusiya vətəndaşı D.Əsgərov və Azərbaycan vətəndaşı Ş.Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, onlarla birlikdə olan Azərbaycan vətəndaşı Həsən Həsənov isə güllələnərək öldürülüb.

Ermənistanın işğalı altında olan Azərbaycan ərazisi Dağlıq Qarabağda D.Əsgərov və Ş.Quliyevlə bağlı qanunsuz məhkəmə prosesi aparılıb. “Məhkəmə”nin qərarı ilə D.Əsgərov ömürlük, Ş Quliyev isə 22 il müddətinə azadlıqdan məhrum edilib.


Paylaş



Bölmə: Ana seife / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!