Toğrul İsmayıl: “Rusiya müharibə aparmaq gücündə deyil”
“Türkiyə ilə münasibətlərin gərginləşməsi daha çox Rusiyanın təkəbbüründən qaynaqlanan məsələdir desək, yanılmarıq”. Butov.az xəbər verir ki, bu fikirləri SİA-ya Türkiyədə yaşayan azərbaycanlı politoloq Toğrul İsmayıl son günlər Rusiya-Türkiyə münasibətlərinin gərginləşməsi barədə danışarkən deyib.

Onun fikrincə, Avropanın iqtisadi sankisyalarına məruz qalan Rusiya ində də bu və ya digər formada özünü “güclü” göstərməyə çalışır: “Lakin prosesin müharibə ilə davam etməsi mümkün deyil. Ruslar müharibə edə bilməzlər. Çünki bu imkansızdır. Ona görə də Rusiya hər vəchlə Türkiyəyə qarşı “güc” nümayiş etdirir. Bu məsələlərin hamısını Rusiya televiziyasında olduğum zaman da dilə gətirdim . Mən tərəfsiz mütəxəssis olduğum üçün həm Rusiyada, həm də Türkiyədə yetərincə tanınıram. Ona görə də Türkiyənin mövqeyini Rusiya efirindən səsləndirməyi özümə borc bilirdim”.

Politoloq qeyd edib ki, onun rusiyalı opponentini susdurması Türkiyədən çox Azərbaycanda böyük əks səda doğurub: “Bunu da Türkiyə xalqının rus dilini bilməməsi ilə əlaqələndirərdim. Digər bir yandan Türkiyənin müəyyən dairələri tərəfindən qiymətləndirildim. Onlar mənim haqlı arqumentlərimi yüksək dəyərləndiriblər”.