"Rusiya-Türkiyə münasibətlərinin gərginləşməsi fonunda Ankara rəsmi Bakıdan qətiyyət gözləyir"

Butov.az Qaynar.info-ya istinadənxəbər verir ki, bu sözləri politoloq Elxan Şahinoğlu Türkiyənin xarici işlər naziri Mövlud Çavuşoğlunun bu gün axşam Azərbaycana başlayan rəsmi səfərinə münasibət bildirərkən deyib.

Elxan Şahinoğlunun sözlərinə görə, Türkiyənin xarici işlər naziri Mövlud Çavuşoğlu təsadüfən bu gün Bakıya gəlmir: "Rusiya-Türkiyə münasibətlərinin gərginləşməsi fonunda Ankara rəsmi Bakıdan qətiyyət gözləyir. Qətiyyət o demək deyil ki, Azərbaycan XİN təyyarənin vurulmasında Türkiyəni mövqeyini müdafiə edən bəyanat yaysın. Qətiyyət odur ki, rəsmi Bakı Kremldən çəkinməsin, Azərbaycan-Türkiyə hərbi əməkdaşlığına, birgə hərbi təlimlərə ara verməsin. Əks halda bu rəsmi Bakının həm Ankaraya, həm də elə Moskvaya yanlış mesajı olar."

Politoloqun fikirincə, təyyarənin vurulması fonunda Ermənistan hakimiyyəti cəbhə bölgəsində təxribat yaratmaqla Rusiya diplomatiyasının və hərbi maşının Azərbaycana qarşı istifadəyə həvəsləndirəcək: " Türkiyənin xarici işlər nazirinin Bakıya səfəri İrəvanla Moskvaya mesajdır ki, odla oynamasınlar..."

Qeyd edək ki, Mövlud Çavuşoğlu Azərbaycana səfəri barədə məlumatı Türkiyənin Azərbaycandakı səfirliyi yayıb.