Sentyabrın 26-da Azərbaycan Milli Azadlıq Cəbhəsi Partiyasının (AMAC) nümayəndə heyyəti Türkiyəyə səfər edəcək. Oktyabrın 3-dək davam edəcək səfərdə AMAC Təşkilat Komitəsinin sədri Hürrü Əliyevi t/k-nin üzvləri Rafiq Turabxanoğlu, Həsən Qasımov, Azər Talıbov müşaiət edəcəklər.
Səfər çərçivəsində Ankara, İstanbul, Yalova şəhərlərində Türkiyə rəsmilərindən millət vəkilləri, siyasi partiya nümayəndələri, dərnək başqanları, sənət adamları ilə və digər bir sıra görüşlər nəzərdə tutulur.
Qeyd edək ki, nümayəndə heyyəti həmçinin Yalovada keçiriləcək “Doğu Türkistan” konfransında iştirak edəcək, yeni yaradılmış partiyanın məram və məqsədi, qardaş ölkədə tanıdılması istiqamətində ətraflı məlumat verəcəklər. O cümlədən Dağlıq Qarabağ problemi, Xocalı soyqırımı, Qərbi Azərbaycandan deportasiya edilmiş soydaşlarımız, bir sözlə Bütöv Azərbaycan problemlərini diqqətə çatdıracaqlar.

Ünvan: Bakı şəh., Səbayıl rayonu, Nizami 53 küçəsi mən.15

Əlaqə telefonu: 012 497 17 62
050 387 82 32
050 630 15 35