“Qolat Cup” mini futbol turnirinin açılış mərasimi keçirilib.

“Qolat Sport Servis”in layihəsi olan “Qolat CUP” mini futbol turnirinin açılış mərasimi keçirilib. Tədibiri giriş sözü ilə açan layihə rəhbəri Səid Bağırov açılış mərasimində yer alan iştirakçı komandaların kapitan və üzvlərini salamlayıb. Hər bir komandaya uğur diləyən S. Bağırov yarışın etik qaydalar və sağlam rəqabət əsasında keçiriləcəyinə əminliyini ifadə edib. Tədbirdə söz alan iştirakçı komandaların kapitan və üzvləri futbolun və sağlam həyat tərzinin ictimaiyyətdə təbliği mənasında yarışın əhəmiyyətini vurğulayıblar. Açılış mərasiminin rəsmi hissəsi bitdikdən sonra “cofe-break” elan edilib. “Cofe-break”in ardından isə püşkatma nəticəsində komandalar yeddi qrupda, dörd kollektiv olmaqla qruplara bölünüblər.

Qeyd edək ki, turnirdə ilk 3 yeri tutan komandalara müvafiq olaraq, 1500, 500 və 300 AZN dəyərində uduşlar təqdim ediləcək. Fərqlənənlər habelə kubok, medal və diplomlarla da təltif ediləcəklər. Bundan başqa, ən çox qol vuran oyunçu, ən çox qol ötürməsi edən oyunçuya və ən yaxşı qapıçıya da sponsorlar tərəfindən müxtəlif hədiyyələr təqdim olunacaq.

"QOLAT CUP" mini futbol turniri oyunları AFFA dərəcəli hakimlər tərəfindən idarə ediləcək və eləcə də arzu edilməyən hallar üçün də həkim və ilkin tibbi yardım oyunlarda öz yerlərini alacaqlar. Oyunlarda olan video çəkilişlər, video müsahibələr və foto çəkilişlər də çempionata rəng qatacaq. Oyunlar www.qolat.com saytında və “Qolat Cup” mini futbol turniri ilə bağlı “Qolat Sport Servis”lə əməkdaşlıq edən bir sıra saytlarda işıqlandırılacaqdır.