"Parlamentin iclaslarında iştirak etməyən, bir-birinin yerinə səs verən deputatlar da cəzalandırılsın"

Butov.az Qaynar.info-ya istinadən xəbər verir ki, bu sözləri REAL Hərəkatının Sumqayıt El Məclisinin sədri Hafiz Babalı təhsildən yayınan şagirdlərin valdeyinlər üçün cərimələr tətbiq olunmasına münasibət bildirərkən deyib.

Milli Məclisin (MM) Hüquq siyasəti və dövlət quruculuğu və Dini qurumlar və ictimai birliklər komitələrinin birgə iclasında Azərbaycanda təhsildən yayınan şagirdlər üçün cərimə tətbiq olunması müzakirəyə çıxarılıb.

Bir ay ərzində yeddi gündən çox dərs buraxılmasına görə, şagirdin valideyni yüz manat miqdarında cərimə edilməsi nəzərdə tutulur.

Hafiz Babalının fikirincə əgər layihə MM-də qəbul olunacaqsa bu zaman deputat mandatı alan şəxslər də bir nəfər kimi parlamentin iclaslarında iştirak etsinlər, bir-birilərinin əvəzinə kart salıb-çıxarıb səs verməsinlər: "Əks halda əmək haqlarının 10 misli məbləğində cərimə olunsunlar. Deputat və dövlət qulluqçusu vəzifəsini biznes fəaliyyətini eyni vaxtda icra edən şəxslərin əmlakı müsadirə olunsun və bu şəxslər dövlət qulluğunda çalışmaq ömürlük qadağan olunsun. Dövlətə məxsus xidməti maşınlarda dükan-bazara gedən, arvad-uşağını evə, gəzməyə aparan məmurların şəxsi avtomobilləri müsadirə olunsun və onlar benzinin (dizelin) Tarif Şurası tərəfindən müəyyən olunmuş qiymətinin 10 min misli məbləğində cərimə olunsun."

Hafiz Babalı bildirir ki, yaşıyış minimumunun 131 manat olduğu ölkədə bacarsanız buları qəbul edin: "O zaman dövlət büdcəsinin həm talan olunmasının qarşısını almağa kömək edərsiniz, həm də bu ağır vaxtda büdcəyə bir neçə milyon manat əlavə pul daxil oar."