Tarix : 30-10-2015, 16:52
Həm maaş, həm də pensiya alan deputatlar, məmurlar...



Parlament seçkilərinə iki gün qalıb. Gülşən Raufqızının Modern.az saytında deputatların pensiya yaşı ilə bağlı məqama toxunub. Oxucularımız üçün də maraqlı olacağını düşünüb olduğu kimi təqdim edirik:

“Azərbaycan Respublikası Milli Məclisi deputatının statusu haqqında” qanuna dəyişikliklər və əlavələrə əsasən, pensiya yaşına çatmış sabiq deputat səlahiyyət müddəti ərzində çalışdığı vəzifəyə görə aldığı aylıq maaşın 80 faizi məbləğində pensiya alır:

“Deputat, Milli Məclisin sədri, Milli Məclis sədrinin birinci müavini, Milli Məclis sədrinin müavini, Milli Məclisin komissiya sədri və ya Milli Məclisin komissiya sədrinin müavini vəzifəsinə seçilmişdirsə, o, pensiyaya çıxdıqda müvafiq olaraq fəaliyyətdə olan Milli Məclis sədrinin, Milli Məclis sədrinin birinci müavininin, Milli Məclis sədrinin müavininin, Milli Məclisin komissiya sədrinin və ya Milli Məclisin komissiya sədri müavininin orta aylıq əmək haqqının 80 faizi məbləğində pensiya alır və həmin seçkili vəzifəyə görə aylıq vəzifə maaşının artımındakı sonrakı dəyişikliklər pensiya məbləğinə şamil edilir”.
Həm maaş, həm də pensiya alan deputatlar, məmurlar...

Azərbaycanda yaşa görə kişilərin 63, qadınların 60 yaşda pensiyaya çıxması nəzərdə tutulsa da, hazırkı parlamentin tərkibində bu yaş limitini çoxdan keçən deputatlar var.

Məsələn, 79 yaşlı Zeynəb Xanlarova, 77 yaşlı Fəttah Heydərov, 73 yaşlı Xanhüseyn Kazımlı, 87 yaşlı Cəlal Əliyev, 75 yaşlı Ziyad Səmədzadə, 77 yaşlı İlyas İsmayılov, 70 yaşlı Hüseynbala Mirələmov və digərləri. Siyahını xeyli uzatmaq mümkündür...

Araşdırma aparmadan belə nəticəyə gəlmək olur ki, bu deputatlar həm deputat olduqlarına görə maaş alır, həm də yaşa görə pensiyaya çıxıblar.

Bəs ümumiyyətlə Azərbaycanda həm rəsmi qurumlarda işləməklə maaş alan, həm də yaşa görə pensiya əldə edənlərin sayı nə qədərdir?

Dövlət Sosial Müdafiə Fondundan Modern.az saytının sorğusuna cavab olaraq bildirilib ki, pensiya yaşını tamamlamış, çalışan məmurların rəsmi statistikası yoxdur.

Eyni zamanda, qeyd olunub ki, 2015-ci il aprelin 1-nə olan statistikaya əsasən, Azərbaycanda dövlət qulluqçusu kimi pensiya alanların sayı 14 103 nəfərdir:

“Onlardan 61,1 faizi yaşa, 25,9 faizi əlilliyə, 13 faizi isə ailə başçısını itirməyə görə əmək pensiyası alır. Dövlət qulluqçularının orta aylıq pensiya məbləği 486,1 manatdır. Aprel ayının 1-nə olan məlumata görə, Azərbaycanda əmək pensiyası alan şəxslərin sayı 1 292 040 nəfərdir”.

Məlumatda deyilir ki, dövlət qulluqçuları bir çox sahələrdə, o cümlədən pensiya təminatında xüsusi imtiyazlara malikdirlər:

“Dövlət qulluqçularının pensiyasının təyin olunması və artımı fərqli, daha yüksək məbləğlərlə aparılır və hər dəfə pensiyanın məbləği dövlət qulluqçularının faktiki vəzifə maaşına uyğunlaşdırılır”.



Paylaş



Bölmə: İqtisadiyyat / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!