“Elm və təhsil maliyyəsiz inkişafe də bilməz. Elmin də maliyyə imkanları olmadıqda inkişaf edə bilməz”.


Butov.az AzVision.az-a istinadən xəbər verir ki, bunu Milli Məclisdə "Elm haqqında" qanun layihəsi II oxunuşda müzakirəsi zamanı çıxışında YAP-ın İcra katibin müavini, deputat Siyavuş Novruzov deyib.

Deputat bildirib ki, humanitar elmləri kənara qoysaq, dəqiq elmlərlə məşğul olan institutlar ən azından 50 faizdən yuxarı özü-özünün maliyyə təminatını həyata keçirməlidir:

“Təklif edərdim ki, Milli Elmlər Akademiyasının tərkibində olan institutlar hesabat verərkən öz elmi-tədqiqatları nəticəsində büdcədən kənar nə qədər vəsait cəlb etdiklərini qeyd etsinlər. Biz adətən gözləyirik ki, hansısa təşkilat və şirkət sifariş versin və bunun əsasında işlər görülsün. Biz özümüz qapı-qapı gəzib, öz təkliflərimizi verməliyik. Ən azından 3 təklifdən biri keçəcək”.

Magistrlara hərbi xidmətdən möhlət hüququnun verilməsi məsələsinə münasibət bildirən S.Novruzov qeyd ki, bu məsələ “Elm haqqında” qanunun predmeti deyil: “Bu məsələ “Hərbi Səfərbərlik haqqında” qanunun predmetidir. Orada qeyd olunub ki, kimlər hərbiyə çağrılmalıdır, kimlər yox. Bu qanuna dəyişiklik olmadan biz onu “Elm haqqında” qanuna layihəsinə əlavə edə bilmərik. Yaxud burada qəbul etsək, gərək oradakı maddəni çıxaraq. Ona görə də bu məsələ razılıq əsasında olmalıdır. Aprel ayının əvvəlləində baş verən döyüşlər göstərdi ki, gənclərin çoxu könüllü olaraq orduya yazılmaq istiyirdilər. Məhz bu istəkdən sonra bu tələb elə də əhəmiyyət kəsb etmir”.