Mingəçevirdə yataqxana binasında yanğın baş verdi - FHN cəlb olundu - VİDEO .....                        Əlillərə məxsus maşınlara taksi fəaliyyəti göstərmək qadağan edildi .....                        Tofiq Yaqublunun oğlu veteran vəsiqəsi aldı - FOTO .....                        Sabiq nazirin oğlu dindirildi .....                        Dəmir yolu ilə sərnişindaşımaya subsidiya verilməsi qaydaları təsdiqləndi .....                        İcra başçısının qardaşı oğluna hökm oxundu .....                        Avtobusların rənglərinə dair tələb müəyyənləşdi .....                        Latviyanın XİN başçısı istefa verəcəyini açıqladı .....                        Paytaxtda ucuz avtomobillər bu tarixdə satışa çıxarılacaq .....                       
Tarix : 15-09-2015, 15:09
Azərbaycan Dövlət Pedaqoji Universitetində Bilik günü xüsusi təntənə ilə qeyd edilib


Sentyabrın 15-də Azərbaycan Dövlət Pedaqoji Universitetində (ADPU) Bilik gününə həsr edilmiş tədbir keçirilib.

Butov.az AZƏRTAC-a istinadən bildirir ki, Azərbaycanın dövlət himninin səsləndirilməsi ilə başlayan tədbirdə universitetin rektoru, AMEA-nın müxbir üzvü, professor Yusif Məmmədov rəhbərlik etdiyi ali məktəbin müəllim və tələbələri, xüsusilə birinci kurs tələbələrini və onların valideynlərini 2015-2016-cı tədris ilinin başlanması münasibətilə təbrik edib.

Rektor vurğulayıb ki, ümummilli lideri Heydər Əliyevin strateji inkişaf konsepsiyasını uğurla davam etdirən Prezident İlham Əliyev elm və təhsilə böyük qayğı və diqqət göstərir. Dünyada siyasi nüfuzu durmadan yüksələn, müntəzəm olaraq mötəbər beynəlxalq tədbirlərin keçirildiyi dünyəvi, tolerant Azərbaycanda təhsilin inkişafı ölkəmizin ümumi inkişaf strategiyasının tərkib hissəsinə çevrilib. Həyata keçirilən uğurlu sosial-iqtisadi siyasət nəticəsində ölkəmizin iqtisadi imkanları ilbəil sürətlə artır və bu sürətli, dinamik iqtisadi inkişafa uyğun olaraq elm və təhsilə göstərilən qayğı və diqqət də yüksəlir.

Y.Məmmədov qeyd edib ki, Azərbaycanda təhsil sahəsində bir çox layihələrin uğurla həyata keçirilməsində böyük və əvəzsiz xidmətləri olan Azərbaycanın birinci xanımı, Heydər Əliyev Fondunun prezidenti Mehriban Əliyeva, eyni zamanda, bir sıra xarici ölkələrdə müxtəlif sosial-iqtisadi, humanitar layihələrin birbaşa təşəbbüskarı və təşkilatçısıdır.

Diqqətə çatdırılıb ki, yeni tədris ilinin başlanması ADPU-nun professor-müəllim heyətinin və tələbə kollektivinin həyatında xoş və əlamətdar bir hadisədir. 2015-2016-cı tədris ili respublikamızın qabaqcıl ali təhsil müəssisələrindən biri olan ADPU-nun kollektivi üçün də bir sıra yeniliklərlə başlayıb. Belə ki, bu il ADPU-ya 10 fakültə, 21 ixtisas üzrə 1949 nəfər, rus bölməsində isə 10 ixtisas üzrə 109 nəfər qəbul edilib. Bütövlükdə, bu ali təhsil ocağına 2058 nəfər bakalavr qəbul edilib. Eyni zamanda, ali təhsilin magistratura pilləsinə 20 ixtisas üzrə 290 gənc qəbul olub. Bakalavriat pilləsində dövlət sifarişi əsasında 1327 nəfər, magistratura pilləsinə isə 134 tələbə təhsil alacaq. Həmçinin Təhsil Nazirliyinin həyata keçirdiyi “SABAH” qrupları layihəsinə uyğun olaraq yeni tədris ilində ibtidai sinif müəllimliyi ixtisası üzrə 15 nəfərdən ibarət qrup təşkil edilib.

Bildirilib ki, son illər ADPU-da təhsilin keyfiyyətinin yüksəldilməsi, tədris prosesinin təşkili və idarə olunması işinin müasir tələblər səviyyəsində qurulması, obyektiv və şəffaf təhsil mühitinin yaradılması üçün müntəzəm olaraq ardıcıl tədbirlər həyata keçirilir.

Y.Məmmədov çıxışının sonunda tələbə-gənclərə çox mütaliə etməyi, elmi biliklərə dərindən yiyələnməyi, öz bilik və bacarıqlarını, peşəkar qabiliyyətlərini artırmağı, yüksəkixtisaslı mütəxəssis və əsl vətəndaş kimi yetişməyi tövsiyə edib.

Tədbirdə çıxış edən Səbail Rayon İcra Hakimiyyəti başçısının müavini Eldar Ağayev, ADPU-nun pedaqogika və psixologiya fakültəsinin dekanı, dosent Şəhla Əliyeva, həmin fakültənin məktəbəqədər pedaqogika kafedrasının müdiri, professor Müseyib İlyasov və başqaları müəllim və tələbələri yeni tədris ilinin başlanması münasibətilə təbrik ediblər.


Butov.az


Paylaş



Bölmə: Sosial / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!