5-09-2025, 17:36
General Simonyan öldü
Ermənistan Silahlı Qüvvələrinin sülhməramlı briqadasının sabiq komandiri, general-mayor Artur Simonyan ölüb.
Bu barədə Ermənistan mətbuatı məlumat yayıb.
Simonyan Qarabağ müharibəsinin birinci mərhələsində fəal iştirak edib.
O, 2017-ci ilin oktyabrına qədər Ermənistan Silahlı Qüvvələrinin sülhməramlı briqadasının komandiri olub.
5-09-2025, 16:50
Çin ABŞ-ın çağırışlarına etiraz etdi: “Münaqişənin tərəfi deyilik”
Çin Xarici İşlər Nazirliyi ABŞ-ın Avropa ölkələrini Pekinə iqtisadi təzyiq göstərməyə çağırması ilə bağlı sərt mövqe bildirib.
Nazirlik rəsmisi Qo Ciaqün Çinlə bağlı ittihamları əsassız adlandırıb.
“Bizim hədəf seçilməyimizə qarşıyıq. Çin nə münaqişənin yaradıcısı, nə də onun tərəfidir”, - deyə diplomat vurğulayıb.
Qeyd edək ki, bir gün öncə "The New York Post" Ağ Evdəki mənbəyə istinadla bildirib ki, ABŞ prezidenti Donald Tramp Avropa liderlərindən Rusiyadan neft alışını dayandırmağı və eyni zamanda Çinə qarşı iqtisadi təzyiq göstərməyi tələb edib.
Pekin isə bildirib ki, Ukrayna müharibəsində heç bir rol oynamır və iqtisadi sanksiyaların hədəfi olmağı qəbul etmir.
5-09-2025, 16:17
Onlar Çinin tərəfinə keçdilər
ABŞ prezidenti Donald Tramp Çin, Hindistan və Rusiya liderlərinin fotosunu paylaşıb.
Paylaşım sentyabrın 5-də "Truth Social" şəbəkəsində edilib.
"Görünür, Hindistan və Rusiyanı itirdik. Onlar dərin və qaranlıq Çinin tərəfinə keçiblər. Onlara uzun və çiçəklənən birgə gələcək arzulayıram!", – Tramp yazıb.
5-09-2025, 16:11
Ermənistandan etiraf: Azərbaycana çata bilmərik!
Ermənistan Müdafiə nazirinin müavini Hraçya Sarqsyan ölkəsinin müdafiə xərclərinin heç vaxt Azərbaycanın büdcəsi ilə müqayisə oluna bilməyəcəyini deyib.
Onun sözlərinə görə, Ermənistanın 2025-ci il dövlət büdcəsində Müdafiə Nazirliyi üçün 1,7 milyard dollar vəsait nəzərdə tutulub. Halbuki Azərbaycanın müdafiə və milli təhlükəsizlik xərcləri 5 milyard dollara yaxındır.
Müdafiə xərclərinin artırılıb-artırılmayacağı hələlik məlum deyil.
5-09-2025, 15:47
İki Donald arasında mübahisə: “Peşman deyiləm”
Polşanın Baş naziri Donald Tusk ABŞ prezidenti Donald Trampı “rus agenti” adlandırmasına görə sözlərindən peşman olmadığını bildirib.
“Tramp çətin tərəfdaşdır və mən dediklərimə görə heç vaxt peşman olmamışam”, - o bildirib.
Tusk əlavə edib ki, Polşa ABŞ qarşısında “diz çökməyəcək”, çünki Vaşinqtona hərbi texnika və qoşunların yerləşdirilməsi üçün böyük məbləğlər ödəyir.
5-09-2025, 15:14
Dünyada uran böhranı: ehtiyatlar tükənir, tələbat artır
Dünya nüvə sənayesi yaxın onilliklərdə ciddi çətinliklərlə üzləşə bilər.
Bu barədə "Financial Times" qəzeti Beynəlxalq Nüvə Assosiasiyasının (World Nuclear Association) yeni hesabatına istinadən məlumat yayıb.
Məlumata görə, mövcud uran yataqlarının ehtiyatları sürətlə azalır və bu, qlobal miqyasda yanacaq böhranı yarada bilər.
Hesabatda bildirilir ki, indiki rüsumlu mədənlər gələn on ildə tükənmə təhlükəsi ilə üzləşəcək. Buna görə də yeni yataqların kəşfi, innovativ hasilat üsulları, lisenziyalaşdırma sisteminin təkmilləşdirilməsi və vaxtında investisiyalar həyati əhəmiyyət kəsb edir.
ABŞ-ın "Energy Fuels" şirkətinin baş direktoru Mark Çalmers qeyd edib ki, bir çox müəssisələr köhnəlmiş şaxtalar və məhsuldarlığın azalması səbəbindən hasilatı ixtisar etməyə məcbur olacaq.
Rəqəmlər isə vəziyyətin ciddiliyini göstərir. 2030-cu ilə qədər nüvə reaktorlarında uran istehlakının üçdə bir artaraq 86 min tona çatacağı proqnozlaşdırılır. 2040-cı ilə qədər bu rəqəm 150 min tona yüksələcək.
Ekspertlərin qənaətinə görə, bu artım nəticəsində tələbatla təklif arasında “böyük uçurum” yaranacaq və bütün nüvə sənayesinin inkişafı təhlükə altına düşəcək.
Mütəxəssislər çıxış yolunu uranın emalı və zənginləşdirilməsi texnologiyalarına daha çox sərmayə yatırmaqda görürlər. Bununla belə, yeni mədənlərin açılmasının 10–20 il çəkdiyi nəzərə alınarsa, qlobal enerji sektorunu yaxın gələcəkdə çətin sınaqlar gözləyir.
5-09-2025, 15:00
Türkiyədən mühüm addım: “Altay” tanklarının seriyalı istehsalı başladı
Türkiyə müdafiə sənayesində mühüm mərhələyə qədəm qoyub.
Anadolu agentliyinin məlumatına görə, Ankarada yerləşən BMC zavodunda “Altay” əsas döyüş tankının seriyalı istehsalına start verilib.
BMC şirkətinin İdarə Heyətinin sədri Fuad Tosyalı bildirib ki, zavod ötən il qurulmasına baxmayaraq, artıq seriyalı istehsalı həyata keçirməyə başlayıb: “Biz inanırıq ki, bu istehsal Türkiyə Silahlı Qüvvələrinin və tərəfdaş ölkələrin müdafiə ehtiyaclarını ödəyəcək”, – deyə o qeyd edib.
Şirkətin törəmə qurumu olan "BMC Power" hazırda gücü 400–1500 at gücü arasında dəyişən yerli hərbi mühərriklərin hazırlanması üzərində işləyir. Tosyalının sözlərinə görə, şirkətin yaratdığı BATU güc qurğusu “Altay” tanklarında istifadə edilməzdən əvvəl genişmiqyaslı sınaqlardan keçməlidir.
“Mühərrikin 10 min kilometr məsafəni qət etməsi və məhsuldarlıq testlərindən uğurla çıxması nəzərdə tutulub. Hazırda bütün proqram qrafik üzrə davam edir, hər hansı nasazlıq qeydə alınmayıb. Tankla yanaşı, hava və müdafiə sistemləri də paralel olaraq sınaqdan keçirilir”, - deyə şirkət rəhbəri vurğulayıb.
BMC rəhbərliyi əlavə edib ki, zavod yalnız “Altay” tanklarının deyil, həm də “Altug” adlı yeni 8 təkərli döyüş maşınlarının istehsalını həyata keçirəcək.
5-09-2025, 14:32
Putin Trampı Moskvada gözləyir
Rusiya keçən ay Amerikanın Alyaska ştatında Tramp-Putin görüşündən sonra baş tutan görüşdə razılaşdırıldığı kimi, ABŞ prezidentinin Moskvaya cavab səfərini gözləyir.
Bu barədə Rusiya Xarici İşlər Nazirliyinin sözçüsü Mariya Zaxarova bildirib. Zaxarova onu da qeyd edib ki, o, məsələn, Trampın Rusiyaya nə vaxt səfər edəcəyini deyə bilməz, çünki bu, artıq Prezident administrasiyasına məlumdur.
Rusiyalı politoloq Vladimir Vasilyev “Vestnik Kavkaza”ya müsahibəsində qeyd edib ki, ABŞ hazırda Rusiya ilə münasibətlərə yenidən baxır və bu, prezident Trampın Rusiyaya səfər edib-etməməsinə birbaşa təsir edəcək.
"Hazırda belə bir fikir güclənir ki, Vladimir Putin Ankoricdə Donald Trampdan daha hiyləgər ola bilib. Vaşinqton indi bu vəziyyətə görə, Moskva ilə bağlı vəziyyətin kontekstinə yeni tərəfdən baxmağa başlayıb. Amerika tərəfi ümid edirdi ki, iki liderin görüşünü ən yüksək səviyyədə təşkil etməklə, Rusiya prezidentinə "təsir göstərə" bilər”, - Vasilyev qeyd edib.
Ekspert Putinin Çin prezidenti və ya Hindistanın baş naziri ilə Şanxaydakı görüşlərini nəzərdən keçirməyə çağırır.
Əslində, Moskva ABŞ-ın təzyiq göstərməyə çalışdığı ölkələrlə əməkdaşlığı gücləndirdiyini açıq şəkildə bildirir. Bu, ABŞ-ın “Rusiya siyasəti” baxımından uğursuzluq sayıla bilər. Xüsusilə Tramp administrasiyası hələ də “Ukrayna məsələsini” mümkün qədər tez bağlaya bilmədiyi üçün.
Ekspertin fikrincə, ABŞ çox istərdi ki, Ukrayna məsələsi tez bağlansın ki, onlar Vaşinqtonda Donald Tramp və Çin prezidenti Si Cinpin arasında Amerikanın maraqları üçün həqiqətən də strateji hesab edilən görüşə hazırlığa başlaya bilsinlər. Lakin Putin Çin lideri ilə daha əvvəl görüşüb və deyəsən, ABŞ prezidentini qabaqlayıb. Politoloqun fikrincə, Rusiya özünü istənilən ssenarinin inkişafı, o cümlədən ABŞ-ın ona qarşı tətbiq edə biləcəyi yeni sanksiyalardan sığortalamağa çalışır.
Ekspert deyir ki, istənilən halda Tramp Rusiyaya səfər edib başlayan dialoqu davam etdirməlidir, başqa viraiant yoxdur.
4-09-2025, 19:18
Görüşmək istəmədiyinə görə məni Moskvaya dəvət edib - ZELENSKİ
Putin görüşmək istəmədiyinə görə məni Moskvaya dəvət edir.
Bunu Ukrayna Prezidenti Volodimir Zelenski fransalı həmkarı Emmanuel Makronla birgə mətbuat konfransında deyib.
“Amerikalı tərəfdaşlarımız deyiblər ki, Putin məni Moskvaya dəvət edib. Məncə görüşmək istəmədiyinə görə məni Moskvaya dəvət edib. Hazırda Rusiya tərəfdən müharibəni dayandırmaq üçün hər hansı bir istək görmürük”, - Zelenski bildirib.
4-09-2025, 18:26
26 ölkə Ukrayna üçün hazırdır
Atəşkəsdən sonra 26 ölkə havada, quruda və ya dənizdə Ukrayna üçün təhlükəsizlik zəmanətinin verilməsində iştirak etməyə razılaşıb.
Bunu Fransa prezidenti Emmanuel Makron bildirib.
“Yaxın günlərdə təhlükəsizlik zəmanətləri çərçivəsində Amerikanın dəstəyi məsələsini yekunlaşdıracağıq”, - Emmanuel Makron bildirib. ““İstəklilər koalisiyasının” həm Avropada, həm də Asiyada, Sakit Okean regionundan bütün üzvləri, xüsusilə kanadalılar məsuliyyəti öz üzərinə götürəcək”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!