8-09-2025, 20:17
İsrailə hücum edildi
Yəmənin “Ənsar Allah” hərəkatının üzvləri (husilər) İsrailin Ben-Qurion və Ramon hava limanlarına zərbələr endirib.
Zərbələr PUA-lar vasitəsilə həyata keçirilib.
8-09-2025, 19:57
İran diplomatı Misirdə oğurlandı
İran Xarici İşlər Nazirliyi keçmiş mədəniyyət attaşesi Əmir Musəvinin Misirdə oğurlandığını təsdiqləyib.
Bununla bağlı İran XİN sözçüsü İsmayıl Bəqai bildirib.
Bəqai keçmiş mədəniyyət attaşesi Əmir Musəvinin İraq pasportu ilə ölkəyə daxil olduqdan sonra Misirdə oğurlandığını qeyd edib:
“Biz bu səhər Misirdə Əmir Musəvinin yoxa çıxması xəbərini eşitdik. O, hazırda diplomat deyil. O, əvvəllər mədəniyyət attaşesi vəzifəsində çalışıb. Bizdə olan məlumata görə, Musəvi Misirə İraq pasportu ilə daxil olub. Biz bu məsələni diplomatik kanallar vasitəsilə davam etdirəcəyik".
8-09-2025, 19:46
Zelenski erməni siyasətçini Umerova müavini təyin etdi
Milliyətcə erməni David Aloyan Ukrayna Milli Təhlükəsizlik və Müdafiə Şurası katibinin yeni müavini təyin edilib.
Bu barədə Ukrayna Prezidenti Volodimir Zelenski bununla bağlı müvafiq fərman imzalayıb.
Qeyd edək ki, Ukraynanın milli təhlükəsizlik və müdafiə şurasının katibi Rüstəm Umerovdur.
8-09-2025, 19:42
Amerikada dini geri qaytarmalıyıq
“Amerikada dini geri qaytarmalıyıq”.
Bu sözləri ABŞ Prezidenti Donald Tramp Vaşinqtondakı İncil Muzeyində çıxışı zamanı deyib.
O bildirib ki, Amerika iman üzərində qurulub və iman zəiflədikcə ölkə də zəifləyir.
“Biz Tanrıya məxsus millətik və həmişə də olacaq. Biz Amerikada dini əvvəlkindən daha güclü şəkildə qaytarmalıyıq”, - deyə Tramp əlavə edib.
ABŞ Prezidenti ailəsinə məxsus İncili İncil Muzeyinə bağışladığını qeyd edib.
8-09-2025, 18:09
Rusiya ermənilərinin başçısı seçildi
Dövlət Kreml Sarayında Rusiya Ermənilər İttifaqının səkkizinci qurultayı keçirilib.
Təşkilatın mətbuat xidmətinin məlumatına görə, Ara Abramyan yenidən Rusiya Erməniləri İttifaqının sədri seçilib.
Qeyd olunur ki, qurultayda Rusiyanın bütün bölgələrindən olan nümayəndə heyətləri iştirak edib.
8-09-2025, 18:00
Almaniya əhalisi hakimiyyətdən narazıdır
Almanların 60%-dən çoxu kansler Fridrix Mertsin rəhbərliyi altında CDU/CSU və SPD blokundan ibarət hökumətin işindən narazıdır.
Bunu "Bild am Sonntag" qəzetinin sifarişi ilə INSA sosioloji institutunun keçirdiyi sorğunun nəticələri sübut edir.
Məlumata görə, respondentlərin 62%-i hakim koalisiyanın fəaliyyətindən razı qalmadığını bildirib. Respondentlərin yalnız 27%-i kabinetin işindən razı qaldığını qeyd edib. Bu o deməkdir ki, hökumətə dəstək səviyyəsi bir neçə həftədir ki, kritik səviyyədə qalıb.
Qəzet qeyd edir ki, iyun ayından bəri koalisiyaya etibar etməyənlərin payı demək olar ki, 20 faiz bəndi (pp) artıb, məmnunluq isə 10 faiz bəndi azalıb.
Nəşrin məlumatına görə, eyni zamanda, almanların 59%-i kanslerin özünün hərəkətlərindən narazıdır. Yalnız 29% onun işindən razıdır.
Hər iki suala cavab verməyənlərin sayı paralel olaraq təxminən 20-dən 10%-dən bir qədər çox azalıb. Görünür, bir çox qərarsız insanlar hökumətin əleyhinə səs veriblər.
Narazılığın bu qədər yüksək səviyyədə qalması onu göstərir ki, Almaniya hökuməti hələ də əhalinin etimadını qaytarmaq yolunu tapmayıb. Sorğu sentyabrın 4-dən 5-dək aparılıb və 1003 nəfər iştirak edib.
8-09-2025, 17:40
Obama 3-cü dəfə bu mükafatın sahibi oldu
ABŞ-nin keçmiş prezidenti Barak Obama üçüncü dəfə "Emmi" mükafatına layiq görülüb.
Məlumata görə, 64 yaşlı siyasətçi Kreativ İncəsənət üzrə 76-cı mükafatların təqdimetmə mərasimində "Görkəmli nağılçı" nominasiyasında qalib olub.
Mükafat Obamanın "Netflix"də "Bizim okeanlarımız" sənədli serialındakı işinə görə verilib. Keçmiş prezident Los-Ancelesdə keçirilən mərasimdə şəxsən iştirak etməsə də, heykəlciyi onun adından aparıcı Cordan Klepper qəbul edib.
"Bizim okeanlar" layihəsi izləyicilərə dünya okeanlarının dərinliklərinə dalmağa imkan verib. Obama Sakit okeandakı donqar balinaların həyatı və onların miqrasiya proseslərindən, morjların Şimal Buzlu okeanında iqlim dəyişikliklərinə adaptasiyasından (uyğunlaşmasından) ətraflı şəkildə danışıb.
Qeyd edək ki, daha əvvəl Barak Obama iki dəfə "Emmi" mükafatının qalibi olub - 2022-ci ildə "Bizim möhtəşəm milli parklarımız" serialı və 2023-cü ildə "İş: Bütün gün nə ilə məşğul oluruq?" layihəsinə görə.
8-09-2025, 17:25
Marqarita Simonyan xərçəngə tutulub - YENİLƏNİB
Rusiyalı jurnalist Marqarita Simonyana xərçəng diaqnozu qoyulub.
Bu barədə Rusiya mətbuatı yazıb.
Bildirilir ki, hazırda onun “Russia Today”də fəaliyyətini davam etdirməsi məsələsi müzakirə edilir. Belə ki, Simonyan kanaldakı vəzifəsindən azad edilə bilər.
***
09:54
“Russia Today” media qrupunun və RT telekanalının baş redaktoru Marqarita Simonyan bildirib ki, həkimlər ona “dəhşətli, ciddi xəstəlik” diaqnozu qoyublar.
Simonyan bu barədə Vladimir Solovyovun verilişində danışıb.
Simonyan deyib ki, o əməliyyat olunacaq.
O xatırladıb ki, əri, rejissor Tiqran Keosayan da doqquz aydır ki, komadadır.
8-09-2025, 16:11
Ukrayna Ordusu Donetskdə bir kəndi ruslardan azad etdi
Ukrayna Müdafiə Qüvvələri Donetsk vilayətinin Vladimirovka kəndini ruslardan azad edib və bir sıra digər yaşayış məntəqələrindən işğalçıları sıxışdırıb.
Bu barədə DeepState analitik layihəsi məlumat yayıb.
“Ukrayna Müdafiə Qüvvələri Vladimirovkanı təmizləyib, Razino, Zolotoy Kolodeziya və Novotoretske yaxınlığında düşməni geri sıxışdırıb”, - məlumatda deyilir.
Bundan əvvəl Ukrayna Silahlı Qüvvələrinin Ali Baş Komandanı Aleksandr Sırski xatırladıb ki, avqust ayında Ukrayna ordusu Pokrovski istiqamətində 5 kvadrat kilometr ərazi itirib, lakin 26 kvadrat kilometr əraziyə nəzarəti bərpa edə bilib.
8-09-2025, 15:48
Ermənistan günü sabah sərhədləri açmağa hazırdır - Rubinyan
Ermənistan və Türkiyənin xüsusi nümayəndələrinin görüşü yaxın günlərdə Ermənistanda baş tutacaq.
Bunu jurnalistlərlə söhbətində İrəvanın Ermənistan-Türkiyə münasibətlərinin normallaşması prosesindəki xüsusi nümayəndəsi Ruben Rubinyan deyib.
Onun sözlərinə görə, qarşıdan gələn iclasda prosesin bütün məsələləri, həyata keçirilən və həyata keçiriləcək addımlar müzakirə olunacaq. Rubinyan son iclasda Qars-Gümrü dəmir yolunun texniki parametrlərinin müzakirə edildiyini, tarixi Ani körpüsünün də bərpasının nəzərdə tutulduğunu xatırladıb.
Rubinyan görüşün dəqiq harada - İrəvanda və ya sərhəddə keçiriləcəyini açıqlamayıb.
R.Rubinyan bildirib ki, Ermənistan günü sabah da Türkiyə ilə sərhədlərini açmağa və diplomatik əlaqələr qurmağa hazırdır.
O əmin edib ki, Ermənistan tərəfindən heç bir maneə yoxdur:
“Əgər iradə olarsa, bu, qısa müddətdə baş verəcək”, - deyən Rubinyan Ermənistan tərəfdən heç bir şərt olmadığını xatırladaraq, bu istiqamətdə işlərin davam etdiriləcəyini söyləyib.
“Vaşinqton razılaşmaları, şübhəsiz ki, regionda və ondan kənarda vəziyyətə müsbət təsir edəcək çox mühüm hadisədir”, - deyə Ruben Rubinyan əlavə edib ki, İrəvan nikbindir.
Rubinyan qeyd edib ki, qarşıdakı götrüşdə bütün proses məhz sərhədlərin açılmasına diplomatik münasibətlərin qurulmasına yönəlib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!