Dünya » Butov.az

Dünən, 17:21

Almaniyadan terrorla mübarizədə daha çox dəstək gözləyirik - Ərdoğan

"Biz indi müdafiə sənayesindəki məhdudiyyətləri tamamilə gündəmimizdən çıxarmaq istəyirik".
Bunu Türkiyə prezidenti Rəcəb Tayyib Ərdoğan deyib.
"Ümid edirəm ki, bundan sonra maneələrdən yox, birgə istehsaldan danışacağıq. Terrorla mübarizədə Almaniya rəsmilərindən daha çox dəstək və həmrəylik gözlədiyimizi ifadə etdik", - deyə o bildirib.
Qeyd edək ki, Almaniya prezidenti Frank-Valter Ştaynmayer Türkiyədə səfərdədir.

Almaniyadan terrorla mübarizədə daha çox dəstək gözləyirik - Ərdoğan

Dünən, 15:35

Ərdoğan alman həmkarıyla görüşdü

Türkiyə Prezidenti Rəcəb Tayyib Ərdoğan Ankarada Almaniya Prezidenti Frank Valter-Ştaynmayerlə görüşüb.
Məlumatı “TRT Haber” yayıb.
Məlumata görə, səfər prezidentlərin təkbətək görüşü ilə davam edib. Daha sonra Rəcəb Tayyib Ərdoğan və Frank Valter-Ştaynmayerin başçılığı ilə nümayəndə heyətlərinin görüşü başlayacaq.
Qeyd edək ki, Almaniya Prezidenti aprelin 22-dən Türkiyədə səfərdədir.

Ərdoğan alman həmkarıyla görüşdü

23-04-2024, 00:18

Paşinyan: “Açığı, mənim bu suala cavabım yoxdur”

Hazırda Ermənistan praktiki olaraq KTMT-də öz iştirakını dayandırıb,
Bunu Ermənistan Baş naziri Nikol Paşinyan bildirib.
O qeyd edib ki, belə davam edərsə, İrəvan dönüşü mümkün olmayan nöqtəyə çata bilər.
Paşinyan ölkəsinin nə səbəbdən hələ də hərbi bloka üzv olduğunu bilmədiyini vurğulayıb:
"Cəmiyyətimiz deyir ki, niyə biz hələ də KTMT üzvüyük. Açığı, mənim bu suala cavabım yoxdur", - deyə Paşinyan qeyd edib

Paşinyan: “Açığı, mənim bu suala cavabım yoxdur”

22-04-2024, 21:22

BAM XXI əsr üçün qlobal siyasəti müəyyən edir

Baykal-Amur Magistralı dünyada ən böyük dəmir yolu arteriyalarından biri, gələcəyin yoludur.
Bu fikri Rusiya Prezidenti Vladimir Putin aprelin 22-də Moskvada Azərbaycan Prezidenti İlham Əliyev ilə birgə Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə görüşdə deyib.
Dünya tarixində bu layihənin bənzərinin olmadığını vurğulayan dövlət başçısı bildirib ki, BAM XXI əsr üçün qlobal siyasəti müəyyən edir.

BAM XXI əsr üçün qlobal siyasəti müəyyən edir

22-04-2024, 17:50

Paşinyan Klaarı qəbul etdi - Delimitasiya prosesini tam dəstəkləyirik

Ermənistanın baş naziri Nikol Paşinyan Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaarı qəbul edib.
Bu barədə Ermənistan Baş Naziri Aparatının İnformasiya və İctimaiyyətlə Əlaqələr Departamentinin "Armenpress"ə verdiyi məlumatda deyilir.
Bildirilib ki, görüşdə Aİ-nin Ermənistan Respublikasındakı nümayəndə heyətinin rəhbəri, səfir Vasilis Maraqos da iştirak edib. Regional vəziyyət, Ermənistan və Azərbaycan arasında sülh müqaviləsi üzrə danışıqlar və sərhədlərin delimitasiyası prosesinə toxunulub. Ermənistan-Avropa İttifaqı əməkdaşlığı və onun gələcək inkişafı məsələləri müzakirə edilib.
Toivo Klaar bir daha qeyd edib ki, Aİ hərtərəfli və uzunmüddətli nizamlanma məqsədi ilə Ermənistan-Azərbaycan danışıqlar prosesini, eləcə də 1991-ci il Alma-Ata Bəyannaməsi əsasında sərhədin delimitasiyası prosesinə başlamaq barədə razılaşmanı tam dəstəkləyir.

Paşinyan Klaarı qəbul etdi - Delimitasiya prosesini tam dəstəkləyirik

22-04-2024, 14:59

Almaniya prezidenti Türkiyəyə səfər etdi

Almaniya prezidenti Frank-Valter Ştaynmayer Türkiyəyə rəsmi səfər edib.
Bu barədə Türkiyə KİV məlumat yayıb.
Bildirilib ki, Ştaynmayeri İstanbul hava limanında İstanbul valisi Davut Gül, Almaniyanın səfiri Yurgen Şults, Türkiyənin Berlindəki səfiri Ahmet Başar Şen və digər rəsmilər qarşılayıb.
Almaniya prezidentinin iki ölkə arasında diplomatik əlaqələrin qurulmasının 100 illiyi münasibətilə baş tutan 3 günlük səfər çərçivəsində İstanbul, Qaziantep və Ankaraya gedəcəyi qeyd olunub.
Vurğulanıb ki, Ştaynmayer aprelin 24-də türkiyəli həmkarı Rəcəb Tayyib Ərdoğanla görüşəcək.

Almaniya prezidenti Türkiyəyə səfər etdi

22-04-2024, 14:31

Ərdoğan İraqın baş naziriylə görüşdü - FOTO

Türkiyə prezidenti Rəcəb Tayyib Ərdoğanı İraqa səfəri çərçivəsində paytaxt Bağdadın hava limanında ölkənin baş naziri Muhammed Sudani rəsmi mərasimlə qarşılayıb.
Bu barədə TRT məlumat yayıb.
Bu, Ərdoğanın 13 ildən sonra İraqa ilk səfəridir. Səfər çərçivəsində yüksək səviyyəli görüşlərin keçirilməsi və sənədlərin imzalanması gözlənilir.

Ərdoğan İraqın baş naziriylə görüşdü - FOTO

22-04-2024, 13:27

Tovio Klaar İrəvandadır

Ermənistan parlamenti sədrinin müavini, Türkiyə-Ermənistan normallaşma prosesi danışıqlarında ölkəsinin nümayəndə heyətinin başçısı Ruben Rubinyan Avropa İttifaqının (Aİ) Cənubi Qafqaz və Gürcüstanda böhran üzrə xüsusi nümayəndəsi Toyvo Klaarı İrəvanda qəbul edib.
Məlumatı Ermənistan KİV-i yayıb.
Bildirilib ki, tərəflər Ermənistanla Avropa İttifaqı arasında əməkdaşlığı və regional vəziyyəti müzakirə ediblər.
Görüşdə Aİ-nin İrəvandakı səfiri Vasilis Maraqos da iştirak edib.

Tovio Klaar İrəvandadır

22-04-2024, 12:47

Ərdoğan İraqa rəsmi səfər etdi

Türkiyə Prezidenti Rəcəb Tayyib Ərdoğan 12 illik fasilədən sonra İraqa rəsmi səfər edib.
Türkiyənin xarici işlər naziri Hakan Fidanın açıqlamasına əsasən, səfər zamanı iki ölkə arasında 20-ə yaxın anlaşmanın imzalanması nəzərdə tutulur. Sənədlər təhlükəsizlik başda olmaqla, enerji, kənd təsərrüfatı, su, səhiyyə, təhsil və digər sahələri əhatə edir.
Türkiyə Prezidentinin Bağdad və Ərbildə İraq Prezidenti Əbdüllətif Camal Rəşid və Baş nazir Məhəmməd əl-Sudani ilə keçirəcəyi görüşlərdə Yaxın Şərqdəki son hadisələr, təhlükəsizlik, ticarət əlaqələri kimi məsələlər nəzərdən keçiriləcək. Müzakirə olunacaq əsas mövzular arasında terrorla mübarizə, İraqın su probleminin həlli, eləcə də Türkiyəyə təbii qaz və neft ixracı yer alır.
Eyni zamanda, Türkiyə İraqla terrora qarşı birgə əməliyyat mərkəzi yaratmağı planlaşdırır. Səfər zamanı bununla bağlı məsələlərin də müzakirəsi gözlənilir.
Səfər çərçivəsində İraqda biznes forumun keçirilməsi də nəzərdə tutulur. Tədbirdə Türkiyə ilə İraq arasında ticarətin həcminin artırılması istiqamətində atılacaq addımlar müzakirə olunacaq.

Ərdoğan İraqa rəsmi səfər etdi

21-04-2024, 13:00

Litva və Polşa birgə hərbi təlimlər həyata keçirir

Litva və Polşa hərbçiləri NATO müttəfiqlərinin iştirakı ilə Suvalki dəhlizi adlanan ərazidə təlimlər keçirir.
Bu barədə Litva ordusunun komandanlığı məlumat yayıb.
Təlimlərdə Samogitiya motoatıcı briqadası və müttəfiq birləşmələrdən 1,5 min hərbi qulluqçu, həmçinin 200-ə yaxın hərbi texnika iştirak edir.
Təlimlərə ABŞ və Portuqaliya hərbçiləri də qatılacaq.
Aprelin 26-dək davam edəcək manevrlərdə NATO müttəfiqlərinin bölmələri müdafiə xarakterli hərbi əməliyyatların planlaşdırılması və idarə edilməsi üzrə briqada səviyyəli qərargahlara təlim keçəcək.
Qeyd edək ki, Suvalki dəhlizi Rusiyanın Kalininqrad vilayəti və Belarusun Qrodno vilayəti ilə bitişik, uzunluğu təxminən 64 km olan Litva-Polşa sərhədinin strateji əhəmiyyətli hissəsidir.

Litva və Polşa birgə hərbi təlimlər həyata keçirir